المساعد الشخصي الرقمي

مشاهدة النسخة كاملة : هيا بقت كده ادخل وشوف الموضوع مهم



AHMED MoSTaFa
07-06-2009, 01:26 PM
عندما أصبح كل شئ كما هو الأن عندما أصبحت النيران صديقه , عندما أصبحت الأشياء الصحيحه أخطاء والأخطاء أصبحت هى الحقيقه الوحيده.
عندما أصبح الأنطباع الوحيد المنطقى لكل ما يحدث هو أحيه... هيه بقت كده .

-لما تقف 3 ساعات فى طابور العيش ...يبقى انت أكيد فى مصر


-لما تبقى خريج كلية العلوم وبتشتغل كمسرى فى الترام ...يبقى انت أكيد فى مصر


-لما تشوف لوح أرقام عربيات عليها نسر وميزان وقبه ... يبقى انت اكيد فى مصر


-لما عسكرى المرور ياخد 5 جنيه عشان ما يكتبلكش مخالفه لما تكسر الأشاره ...يبقى انت أكيد فى مصر


-لما موظف حكومى دخله الوحيد مرتبه من الحكومه يركب عربيه مرسيدس اس500 يبقى انت أكيد فى مصر


-لما تحب تخلص ورقه من جهة حكوميه وتحتاج ورق من عشر جهات حكوميه تانيه يبقى انت أكيد فى مصر


-لما تبقى حاصل على بكالوريوس تجاره وواقف تبيع محافظ بلاستيك فى محة مصر... يبقى انت اكيد فى مصر


-لما تروح تعمل فيش وعم عبده يطلب منك 20 جنيه فى نموذج الفيش اللى تمنه 4 جنيه...يبقى انت أكيد فى مصر


-لما تملى ال52 رغبه فى أستمارة التنسيق وتجيلك الرغبه ال53 يبقى انت أكيد فى مصر

شوفوا من الأخر أنا ها اتكلم عن الناس ,الناس بتاعتنا احنا مش اى ناس تانيين , ها اتكلم عن الشارع ,شارعنا احنا مش اى شارع تانى ,هاأتكلم عنى وعنكم وعنهم كمان , ها اتكلم فى اى حاجه بتحصل او حصلت او هاتحصل ,ساعات ها اقول كلام خنيق بس ساعات ها أقول كلام ممكن حد يحب يقراه للأخر ,بس فى الأخر أنا المصرى



انتظرونا...................

الورده البيضاء
07-06-2009, 11:16 PM
no comment

AEF
07-07-2009, 01:08 AM
لما واحد زيك يحط موضوع زى دة يبقى انتا اكيد فى مصر