المساعد الشخصي الرقمي

مشاهدة النسخة كاملة : سؤال لكل رومانسى ورومانسيه



روميو الحب
07-06-2009, 08:05 PM
لو طلبت من كل واحد فى المنتدى انة يكتب رسالة لحد بيحبة وكل واحد بجد يكتب اللى حاسس بية ونفسة يقولة للى بيحبة اما انا لو كتبت كلام الدنيا كله بردة هحس انة قليل عليها ونفسى بجد تحس بيا لانى عمرى ما هستغنى عنها لان هى هتغنينى عن كل الناس وكل واحد يكتب اللى حاسس بية

روميو الحب
07-06-2009, 09:10 PM
ياريت كل واحد يكتب الى جواة بجد

الورده البيضاء
07-07-2009, 01:25 AM
موضوع جميل جدا ياروميو
تسلم ايدك
انا ببعت رسالة لوالدتى ووالدى واخواتى وبقولهم انى عمرى مااقدر استغنى عنكم وانتو كل حاجة فى حياتى ودنيتى وربنا يخليكم لية

شخص مجهول
07-07-2009, 06:52 AM
موضوع جامد جدا............. وفى انتظار المزيد

انا ببعت رسالة لحبيبتى وبقولها


ارحلى ان شئتى......ففى قلبى ستعيشين

انت اردت الخصام ......ولكى ماتريدين

وان احببتنى حقا.....فلماذا من البداية لقلبى لم تعترفين

روميو الحب
07-07-2009, 04:05 PM
رسالتك جميله بجد يا ايمى واكيد الناس دول حسين بحبك ليهم دة

روميو الحب
07-07-2009, 04:07 PM
بجد رسالتك جميله اوى اوى

ويارب حبيبتك دى تحس بالكلام الى انت كاتبوة دة

Nhla147
07-07-2009, 04:10 PM
موضوع جميل اوى يا روميو
وانا بقول لكل الناس اللى بحبها
انهم اجمل حاجه فى حياتى وانى اتمنى انى اسعدهم دايما



أختـــــــــــــــ نهله ـــــــــــــك

روميو الحب
07-07-2009, 05:41 PM
رسالتك جميله يا نهله واكيد كل شخص فى الدنيا نفسوة يسعد الى بيحبهوم

alaa eid
07-07-2009, 09:22 PM
الموضوع جميييييييل جدا جدا

اول حاجة ببعت رسالة لوالدتي ووالدي بقولهم يارب يخليهم ليا ولا يحرمني منهم ابدا ويارب اغفر ذنوبهم


وبعدها ببعت رسال لانسان عزيز عليا بقوله اريد المس السما واكتب اسمك ولما يجي الليل اكتب علي كل نجمة أحبك

جوليت الحب
07-17-2009, 10:22 PM
الله عليك يا روميو بجد حلوة اوى الفكرة دى وانا لو قولت رساله هقولها لغالى بنى ادام عندى فى الدنيا انى بحبه اوى وحبيت الحياه معاه واقوله بلاش تغيب عنى وانى اخدت قرار فى حياتى عمرى عمرى ما هزعله منى لانه اغلى من حياتى واقرب ليه منى ودا وعد منى له هو

روميو الحب
07-17-2009, 10:41 PM
رسالتك جميله اوى يا الاء ورومانسيه خالص شكرا لردك على الموضوع

روميو الحب
07-17-2009, 10:43 PM
ايه يا جوليت الكلام الجامد والرومانسى دة دة طبعا متوقع منك علشان انتى جوليت ويارب يكون الموضوع عجبك وشكرا لردك الجميل

روميو الحب
07-21-2009, 07:52 PM
بجد يا جماعه بالنسبه ليا هبعت رساله لحبيبتى واقولها

(حبيبتى انا بجد بحبك اوى انتى بجد اجمل شخص شافتوة عنيا بجد انا معاكى حسيت بمعنى الدنيا اكنى بجد مش كنت عايش انا لما حبيتك قررت انى اكون ليكى ومش اكون لحد غيرك لانى بجد هيبقى صعب عليا جدا فراقك وبجد ميهمنيش اى حد فى الدنيا ممكن يغترض سعادتنا وبجد انا من زمان قلبى كان بيدور على واحده زيك وصعب اوى انى القى واحده زيك حتى لو لفيت الكون دة كله بجد انتى شخص جميل جدا وحنين اوى وارقق حد شوفتوة فى حياتى ربنا يخليكى ليا يارب وتفضلى جمبى على طول وربنا يقدرنى بجد واخليكى مبسوطه انا بجد نفسى اموت وانا بين اديكى انا بحبك اوى هوة دة الى ممكن اقولوة لحبيبتى بجد انا جوايا كلام كتير عمروة مايخلص بس علشان مش اطول على حد بجد انا عايزك تعرفى يا من احب ان نفسى اكمل عمرى معاكى بجد انا بجبك اوى )

semsema
07-22-2009, 12:36 AM
حرام عليك يا ابنى اللى انت كاتبه دا
انا حاسة بيك اوى
لانى فنفس الحالة ويمكن اكتر
انا لما بتخيل ان ممكن الظروف تفرقنا ويبعد عنى
بجد بحس ان روحى بتروح منى
انا كدة يعنى اوى
اللى اقدر اقولة بشكل فضايحي كدة
ربنا يخلية ليا واقدر اسعدة
ربنا ميحرمنيش منه ولا يبعده عنى دقيقة واحدة
اتمنى انه ينجح ف حياته وانهه يكون حد مهم وعظيم
وانا اوى اوى اوى
وكفايه كدة بقى
حرااااااااااااام

روميو الحب
07-22-2009, 03:42 PM
سمسما بجد رسالتك جميله حتى لو كانت كلمه واحده وبالنسبه ليا الى انا كتبه بجد حاجه قليله عن الى فى قلبى لحبيبتى ربنا يخليها ليا وبجد شكرا لرسالتك الجميله دى ويارب حبيبك دة يكون حاسس بيها

froty
07-23-2009, 04:29 PM
لما احب اقول اللى قى قلبى للى بحبه

اجبله ديه


http://www5.0zz0.com/2009/07/23/14/726233707.jpg

روميو الحب
07-23-2009, 06:56 PM
جميله اوى وردتك يا فروتى وبجد اكيد حبيبك بيها هيحس بحجات كتيرة من الى جواكى لانك بتعبرى عنها بشئ جميل اوى

وبجد شكرا لمرورك الجميل دة

روميو الحب
07-25-2009, 01:30 AM
انا هكون من اكتر الناس الى يحبو يكتبو رساله للشخص الى بحبه يمكن من الموضوع دة اقدر اوصلوة انا قد ايه بحبه اوى ودة رسالتى التنيه

اكتب اليكى كلماتا يسردها قلبى اقول لكى فيها تمنيت كثيرا لو ان اكتب اليكى وتقراى مثل هذه الكلمات وتتحسسين معانيها بقلبك الذى يملؤة رومانسيه وحب اكبر من اى حب ولد على الارض .اقول لكى انتى من تمنيت لو ان اجلس امامها ولو فى صمت ولكن يكفى ان يكون قلبى بجانبك لعل قلبك يلمس شوقى اليكى.
اقول لكى انتى التى لم اكن اعرف الحب حتى قابلتها واحسست باجمل معانى الحب بين يديها وتطلعت على معانى الحياه معها.
واقول فيكى ملاكا انتى رايته فلم ارى غيره وحبا تمنيته فبقلبى لمسته وحنانا من بين الناس احسسته وشعور جميل احسست به فاحببته.
فانا اعرف انكى لا تدرى بانى احبك حبا اذا عرفه الناس جعلونا به اسطورة الزمان كله ولكن اخاف من ان تتركينى وانا الان اوصلها لكى فى رساله مليئه بالحب والرومانسيه اقول لكى فيها احبك واتمنى لو اظل بجانبك انا اكتب اليكى وانا اقول لكى اخيرا انتى معى تقراين عيناى وتفهمين مابهم واتمنى لو ان تجمعنا ليله اقول لكى فيها عن مابقلبى.
بحبك يارق ملاك

Soma
07-25-2009, 02:07 AM
فكرة حلوة اوى بس ليه ملاحظة ان كل مواضيعك عن الحب
احساسك جميل اوى بس انت رومانسى زيادة شوية مش عايزة احبطك بس الاحسن خليك واقعى شوية عشان لو حصل حاجة بعد الشر يعنى متتصدمش اوى
مش عايزاك تزعل من كلامى بس الرومانسية الزيادة عن اللزوم دى مش كويسة عشانك
وربنا يسعدك يارب ويحققلك اللى بتتمناه




انا بقى حقول لاصحابى انهم اغلى واحلى ناس بجد قابلتهم فى حياتى وانى بحبهم جدا وعمرى ابدا ما حنساهم وحنفضل اصحاب طول العمر
ميرسى كتييييييييييييير على الموضوع العسل ده

روميو الحب
07-25-2009, 03:20 PM
ربنا يخليكى يارب على النصيحه الغاليه اوى دى عندى على فكرة انا اه معاكى الواحد مش لازم يبقى رومانسى زياده عن اللزوم ولازم يبقى واقعى اكتر بس انا شخصيتى مرحه شويه ومش ببحب الزعل والحزن وبجد علشان بعد الشر الى انتى كان قصدك عليه لو حصل وانا مش اتصدم اوى بجد انا ممكن اقولك الحمد لله انا ربنا كارمنى جدا بالنسبه لحياتى العاطفيه دى وبحب بجد واحده نادر اوى تلاقيها دلوقتى وبتحبنى اوى وانا وهى مع بعض بنعرف نحل اى مشكله بتواجهنا مع بعض وربنا يخليها ليا وان شاء الله مش فى حاجه تفرقنا ابدا وبجد انتى شرفتى الموضوع بوجدوك فيه ويارب يكون عجبك

الدلوعة
07-25-2009, 03:53 PM
انا اولا بحييك على مواضيعك الجامدة دى يا روميو
وحكتب الرسالة لاغلى ناس عندى هما صحابى
لان بجد بحبهم جدا وهما غيروا حاجات كتير فيا كانت بضايق ناس كتير منى وبيخافوا عليا اوى وبحس معاهم انى مع اخواتى بجد واول ناس بلاقيهم جمبى فى الاوقات الى بكون محتاجة حد جمبى بلاقيهم هما وبينصاحونى وبيفهمونى من غير متكلم وصراحة بيستحملونى كتييييييييييييييييير جدا لما بكون مخنوقة وكفاية انهم بيستحملو كلامى الدبش دة اكيد لازم يكونو غاليين عندى بدون شك ويا رب يخليهم ليا وميحرمنى منهم ابدا

روميو الحب
07-25-2009, 05:18 PM
الله بجد على احساسك الجميل دة من ناحيه اصدقائك وهما اكيد بيحبوكى زى مانتى بتحبيهم كده ربنا يخليهملك يارب

وشكرا على رسالتك الجميله دى

Soma
07-26-2009, 01:59 AM
بجد كنت قلقانة انك تدايق من كلامى وميرسى كتيييير انك قدرت تفهمه
وربنا يسعدك وفعلا قليل اوى لما تلاقى حد يفهمك وتحس انه نصك التانى فعلا
خلى بالك منها بقى وربنا يسعدكم ويحققلكم امنياتكم وتفضلوا كده دايما

روميو الحب
07-27-2009, 08:05 AM
ربنا يخليكى ياسوم والله على مشاعرك الجميله دى وربنا يوفقك انتى كمان فى حياتك وبجد انتتى نورتى الموضوع بوجودك فيه وربنا يخلى حبيبتى ليا ولو فى يوم زعلتها اقولها بجد انا اسف مش تزعلى منى علشان انا من غيرك مش ابئى حاجه يا نصى التانى

خوخة
08-01-2009, 10:27 PM
شكلك كدة واقع اوي ياسي روميو وبعدين ربنا يوفقكوا مع بعض ويارب تكون تستاهلك
:rolleyes::rolleyes::rolleyes::rolleyes::rolleyes: :rolleyes::rolleyes:

روميو الحب
08-02-2009, 12:06 AM
بجد ربنا يسمع منك وبجد يارب انا الى اكون استهلها ربنا يخليها ليا يارب ومش يفرقنا عن بعض خالص وبجد شكرا جدا لردك الجميل دة

rosy
08-02-2009, 12:09 AM
لا بجد شكلك واقع اوي
بس ربنا يوفقك معاها يارب وتبقوا مع بعض دايما
ويوفق كل اللي يحب
ويلاقي اللي يستاهل حبه

روميو الحب
08-02-2009, 05:33 PM
روزى بجد لو معنى الحب الى بجد انى ابقى واقع ابئا واقع جدا جدا وبموت فى حبيبتى جدا

بجد ربنا يسمع منك دعوتك واكون انا وهى مع بعض دايما وكل الى بيحبو بعض بجد يكونو دايما مع بعض

روميو الحب
08-02-2009, 09:11 PM
كم هي صعبة تلك الليالي التي أحاول أن أصل فيها إليك أصل إلى شرايينك إلى قلبك كم هي شاقة تلك الليالي كم هي صعبة تلك اللحظات التي أبحث فيها عن صدرك ليضم رأسي حبيبتى الشوق إليك يقتلني في أفكاري وفي ليلي ونهاري صورتك محفورة بين جفوني وهي نور عيوني عيناك ..... تنادي لعيناي يداك ..... تحتضن يداي همساتك .. تطرب أُذناي يا حبيبتى أيعقل أن تفرقنا المسافات وتجمعنا الآهات يا من ملكت قلبي ومُهجتي يا من عشقتك وملكت دنيتي حبيبتى عندما أنام أحلم أنني أراك ... بالواقع وعندما أصحو أتمنى ان أراك ثانية ...في أحلامي

Basma ali
08-02-2009, 09:19 PM
فكرة موضوعك جميلة اوى يا روميو

انا لو هبعت رسالة فأنا هبعتها لباباوأقولله:

انه اغلى حاجة فىحياتى وأنى بحبه اوى
ربنا يخليه ليا

روميو الحب
08-02-2009, 10:23 PM
لاسالتك لباباكى جميله بجد وكل انسان بيبقى جواه اجمل معانى الحب لوالديه ولكل من حوليه شكرا جدا لرسالتك الجميله دى ويارب يكون الموضوع عجبك

http://www5.0zz0.com/2009/08/02/16/682959228.jpg

لقد جئت كي أكتب كل ما اشعر به

بحثا عن أمل ينتشلني من الأحزان

ولكنني أكتشفت ان لا يبقى غير الأحزان ..

لكنني لابد أن أنتصر في يوم من الأيام على .. أحزان كانت موجودة زمان

زمان اللي كان ... لكنه مازال ... لكن سأحارب كي أقتل تلك الأحزان

كي لايبقى لها وجوداً أو مكان .