المساعد الشخصي الرقمي

مشاهدة النسخة كاملة : جوازه اخر حلاوه



الشبح
07-13-2009, 01:17 PM
تخيل وانت قاعد كده بتقراء كتاب رومانسى
والا بتتفرج على فيلم عربى والا هندى
رومانسى
(يشيل)
وبتفكر وسرحان فى فارسه احلامك
اللى هتيجى تاخدك على الحمار البنفسجى
(اللى هيطير بيك ويوقعك راقبتك تتكسر )
تلقى الست الوالده داخله عليك وبتقولك عوزه اكلمك ياواد فى موضوع
وانت تتخض وتخاف وتقولها خير ياماما




تقولك خير ياحبيبى عندى ليك خبر يفرحك
وانت زى الاهبل
(تتنطط وترقص وتسال امك خير خير )
تقولك جارتنا ام برقوقه جايه تخطبك للبت برقوقه
بنتها وانت خلاص كبرت وحلويت
والبنات بقت تتحدف عليك
وانت بقى تتكسف وتوطىء راسك فى الارض
(مسكوف ياعين ماما -- سيد امه ياناس )
وتقول للحاجه الوالده اللى تشوفيه ياماما
تقولك مامتك البنت حلوه ومؤدبه
ووظيفه كويسه ومرتبها عالى
ومن عيله محترمه ومن الشغل للبيت
ومن البيت للشغل





ولا بدخن ولا بتروح ولا بتيجى
وانت تقول للحاجه وانت مكسوف
( ياعين امك)
طب هى شفتنى فين ياامى وانا دايما قاعد فى البيت
تقولك امك شفتك وانت بتشترى الخضار من السوق
ياضنايا
(يلهوى على الجمال خضار كمان)
وجايه هى وامها يشوفوك يوم الخميس
طب ياماما وبابا ايه رايه
ابوك يابنى محتس فى الطبخ وغسيل الصحون
الله يعينه سيبه فى حاله
( اااه يانى راحت خلاص على الرجاله )





وتقول لمامتك الحاجه اللى تشوفيه ياماما اعمليه
انا تحت امرك وتطلع جرى على اوضتك تتنطط
تنطيط ادام المرايا وتلف نص لفه يمين ونص لفه شمال وتغنى وتعملى فيها سعد الصغير
( هتجوز --- هتجوز)
ويجى يوم الخميس وتروح للكوافير الرجالى
وتضرب شعرك هاى لايت وتشيل حواجبك خالص
(نيولوك بقى ياجدعان )
وتروح بيتكم وتلبس القميص والبنطلون
اللى فصلتهم عند عمو عبده الترزى
وتلبس الجزمه الاجلسيه الملمعه
( يلهوى على الجمال -- ايه ده عريس اجمل من جون ترافولتا ياجدعان)



وتنزل بسرعه اول ماتعرف ان برقوقه والست والدتها
الحاجه فى صالون بيتكم وبابك يقولك خد العصير
وادخل سلم على عروستك وحماتك
وانت تتكسف وتقول لبابك انا مكسوف يابابا
(مكسوف -- مكسوف -- مكسوف)
وتاخد صينيه العصير وتدخل ترمى السلام
( ياسيدى مسى علينا )
واول ما العروسه تشوفك تعكسك بكلمتين حلوين
وانت ياقلب امك تتكسف وتقدم العصير وتسيبهم وتطلع تجرى من الفرحه
( عروسه يابوى)





واخواتك بقى يسالوك شكلها ايه تقولهم حلوه حلوه
وعسل عسل عسل
واوحى اوحى اوحى خالص
وفجاه الست الحاجه والدتك تقراء معهم الفاتحه
وتسمع انت واخواتك صوت زغروطه تجنن من بابك
خارجه من المطبخ
(لووووووووووولى )
وفجاه وبدون مقدمات تتفاجىء بدخول اختك
اللى خارجه من قضيه سطو مسلح وتجاره هيروين
وبتقول فى ايه بيحصل من ورا ضهرى
(اوبااااااااااااااااا الجوازه هتتفركش ياحلو )





يقوم السيد الوالد شكر الله سعيه يهديها بكلمتين
ويقولها اخوكى بيتخطب تصرخ بصوتها اللى بيسمع
اول الشارع عندكم وشفت اخويا فين البت دى
هو اخويا بيخرج لوحده فى الشارع من ورايا
( مش بقولك الجوازه هتبوظ يابنى عوضك على الله )
والدك الغالى يحاول يهديها ويقولها لا يابنتى ده جايه
على السمع وسمعه اخوكى اللى زى الفل
( تخرس البت وتتكم وتسكت خالص )
وتستعد بقى ياجميل للخطوبه والجواز
وتتجوز برقوقه وشهر والتانى برقوقه تغضبك
تلم هدومك وتروح غضبان فى بيت الست الوالده
والوالده تصلح بينكم
0وتعيش باقى حياتك مع برقوقه فى تبات ونبات وتجيبوا برقوق وبرقوقات0

S2AH
07-13-2009, 02:48 PM
هههههههههههههههههههههههة
دة اللى هيحصل على 2010 ان شاء اللة
تسلم ايدك

الشبح
07-15-2009, 02:06 PM
ميرسي يا جميل

منوره التوبيك بردك

ان شاء الله هيحصل قريب ......ههههههههه

Nhla147
07-15-2009, 02:14 PM
هههههههههههههههههههه
مش بعيد انه يحصل والله يا ميدو
بس لو حصل دا معاك هتعمل ايه
:D:D:D
تسلم على التوبيك


أختـــــــــــ نهله ـــــــــك

الشبح
07-16-2009, 04:08 AM
ههههههههههههه

هعمل مكسوف واقول لماما اللي حضرتك تشوفيه

ههههههههههه

بس لما ادخل اقدم الشربات الاول

لولولولولولولولولولولولولولولولوي

Marwa Mahmoud
07-31-2009, 01:44 PM
هههههههههههههههههههههههههه

ههههههههههههههههههههههههه

تحفة بجد الله ينور

sweet girl
07-31-2009, 01:59 PM
ههههههههههههههههههههه

لا بجد جميييييييله اوى الله ينور

الشبح
08-05-2009, 05:17 PM
تسلم ايديك يا قمر

ههههههههههههههه

Rania Ismail
08-06-2009, 07:04 PM
عقبالك يا ميدو وعقبال ما نفرح بيك يا رب

الشبح
08-07-2009, 11:54 PM
اللهم امين يا روني

نفرح بيكي الاول