المساعد الشخصي الرقمي

مشاهدة النسخة كاملة : سؤال



منا عوض
07-18-2009, 12:53 AM
انا مهندسه مساحه لسه متخرجه السنه دى وكنت عيزه اسال حضرتكم سؤال

هو لازم عشان يقبلونى فى الشغل لازم يكون معايا شهادات معتمده تثبت انى اعرف البرامج المساحيه ( الشهادات المعتمده اللى بتتاخد فى الكورسات )

ولا المهم انى اكون فاهمه كويس البرامج ومش شرط الشهاده

عشان انا سمعت ان الشهادات بتنفع فى ال cv

وكمان سؤال تانى انا تقديرى فى مشروع التخرج جيد ده ممكن ياثر انهم ميقبلونيش فى الشغل عشان مش جيبه جيد جدا او امتياز ولا مياثرش

وشكرا ليكم

ALY ELSAYED
07-18-2009, 01:24 AM
السلام عليكم ورحمه الله

الف مبروك يا بشمهندسه منا علي التخرج

بالنسبه للشغل في المساحه بيطلب منك انك تكوني تعرفي استخدام

الاجهزه المساحيه والبرامج كويس

وطبعا للاسف تدريبات الكليه العدد فيها كبير ومش بتخدي رحتك في الشغل

والدورات في المساحه اهم حاجه فيها بتعرفك ازاي تشتغلي مهندسه مساحه

اما بالنسبه لتقدير مشروع التخرج جيد كويس ومش حباثر ان شاء الله

جزاكي الله كل خير

AHMED FTIHA
07-18-2009, 01:33 AM
ان شاء الله بالنجاح يا بشمهندسة والتفوق
على حد علمى واللى سمعته من ناس كتير
حضرتك طبعا معاكى شهادة المساحة ودى تكفى وتدل على اجادة التعامل مع الاجهزة و طبعا مش حقولك المشروع والاستفادة منه اد ايه
واعتقد الشغل المناسب للبنات هو المكتب الفنى ودة بيحتاج البرامج اللى حضرتك قولتى عليها
وفى سوق العمل بره اهم حاجة عندهم هى خبرة الشخص اللى قدامهم فى العمل على البرامج
ولكن يستحب وجود الشهادات برضه
والله اعلم واتمنى اكون افدتك ولو جزء بسيط

eslam mamdouh
07-18-2009, 04:21 PM
بدايه مبروك النجاح يا بشمهندسه


بالنسبه لسؤال حضرتك اسمحيلى انى اجاوب عليه من خلال معرفتى المتواضعه


الشهاده مهم ولا لا فى CV؟

هى مهمه وبتزود قيمه اى سيره ذاتيه بتقدميها عن حضرتك, لكن الشهاده بدون خبره ملهاش اى لزمه

لازم يكون فى خبره قويه .....فى بعض المقابلات

بيكون السؤال.........انت بتعرف تشتغل على اجهزه ايه؟

انت حسب جابتك مثلا اعرف اشتغل اوتوكاد ولاند وتوتل وميزان

بيقولك طيب اعملى كذا وكذا وكذا بالتوتل والميزان والاوتوكاد كاختبارات

يعنى الشهاده بتكون عامل قوى........لكن الخبره اهم بكتير اوى من اى شهاده ممكن تتخيليها



وطبعا وضع المقابلات و الانتر فيو بيختلف من شركه الى اخرى , وخالبره بتفرق فى مرتبات مهندسيين المساحه

نصيحه اخويه

قوى نفسك فى البرامج والاجهزه المختلفه وسيبى الباقى وكل شى على الله

ربنا معاكى ويكرمك

شكرا جدا لحضرتك

منا عوض
07-18-2009, 05:12 PM
انا متشكره جدااااااااااااااا لحضرتكم انكم رديتم على سؤالى وبجد انا استفدت من اجابتكم

شكرااااااااااااااااا

Mahro
09-10-2009, 01:29 PM
الأخت منه اهلا بيكى

واذا كنتى ترغبين حقيقه فى النزول الى سوق العمل

فهذا لايتطلب منك سوى الألمام بالبرامج المؤهله كالاند والكاد والسيرفر

ونأتى للجزء الهم وهو ان تتحلى بالصبر والمثابره والجديه لأنالموضوع فى ازله قد يكون ثقيل

اما بالممارسه والمزاوله ستجدين نفسك تضيفين انتى لمن اخذو بيديك لأن هذا المجال ما هو الا سوق لتبادل الخبرات الى تتزايد يوم بعد يوم

اما بالنسبه لموضوع الشهادات المعتمده وتقدير مشروع التخرج

فدول نخليهم فى البيت جنب البرواز بتاع الشهاده ايهاها

وفقق الله وعلى فكره يعمل فى احدى الشركات الموجود فى المشروع الذى اعمل به

بنتان فى المكتب الفنى وهم يسافرون ويعودون يوميا لللأسكندريه

وفقق الله مره ثانيه

Hassan Mohamed
10-14-2009, 02:50 AM
اجتهدي وابحثي فلكل مجتهدا نصيب