المساعد الشخصي الرقمي

مشاهدة النسخة كاملة : الحقونااااااااااااا -----------------------حد يفهمنا نعمل ايه



semsema
07-21-2009, 02:56 PM
الموضوع كبيييييييييييييييييييييييييييييييييييييييييييييير اوى
حقيقي:eek::eek::eek:
الموضوع كبير:eek:
الموضوع هو ------------
التواصل بينا وبين الاجيال السابقة"
فعلا فكرة التواصل بينا دى كبيرة
يعنى دلوقتى اللى اكبر مننا:mad:
دايما بيفكروا انهم بحكم خبرتهم "لفرق السن" بيكون اى قرار بياخدوا هو الصح
رغم ان القرار دا ممكن يكون يخصنا احنا
بس رايهم هو الصح
ممكن يكون احنا لينا راغبة ف حاجة
وهما مش موافقين عليها
ولما نعترض نكون بنغلط لانهم بيفهموا اكتر مننا
زى مثلا موضوع الثانوية العامة
عندى واحدة قريبتى جابت 97.5%
ممكن تجيب طب بشري
بس هى مش عايزه طب بشري
عايزة صيدلة
باباها عايز طب بشري
كلمة مين اللى تمشي
باباها طبعا لانه اكتر خبرة منها ويعرف مصلحتها كويس
بس البنت مش عايزة كدة
لالالالا
هى لسه صغيرة ومش فاهمة حاجة
ومن دا كتير
وف مختلف المواضيع
ساعات بتوصل لقرارات مصيرية

يا جماعة الحل فين
:confused::confused::confused:


حد يقولنا الحل فين
:confused:
يا جماعة مستنية ردودكم علشان نتناقش ف الموضوع دا;)
متكسلوش
يمكن حد يخرج لنا بحل للموضوع دا

rosy
07-21-2009, 03:13 PM
والله انا من رأيي ان المفروض هي اللي داخله وهو ده مستقبلها ولو مدخلتش اللي هي عايزاه مش هتستريح فيه وممكن تفشل لاقدر الله
المفروض الاب يديها النصيحه بس لكن ميغصبش عليها عشان ده مصيرها هي ومستقبلها هي
وهي بردو اللي هتدرس مع احترامي طبعا للاب
وربنا يكون في عونها وينولها اللي هي عايزاه
شكرا لموضوعك يا سمسمه
تسلم اديكي

semsema
07-21-2009, 03:43 PM
عندك حق يا ياسمين
دا رأى انا كمان
ودا المفروض ف كل موضوع
مش بس موضوع الثاموية العامة بس
لكن لازم يحترموا قرراتنا
النصيحة مطلوبة
بس متكونش اجبارى
ولا ايه

AHMED FTIHA
07-21-2009, 03:56 PM
انا شايف ان فى حجات لازم ناخد راى الكبار فيها
ونلتزم بنصيحتهم
وفى حجات تانيه او مواقف تانيه بيكون القرار فيه لصاحب الموقف بس برضه بناخد رأى الناس ونعمل اللى احنا شايفينه صح
ودة بيختلف يعنى ممكن الاهل يكونوا سيبين الابناء يتخذوا قرارهم بنفسهم بس بيكونوا متابعين مع التوجيه
والرسول صلى الله عليه وسلم كان بياخد رأى الصحابه فى اتخاذالقرار

S2AH
07-21-2009, 04:17 PM
lمش فكل حاجة الاهل بيدخلو يعنى فى حاجات احنا مبنعرفش ناخد قرار فيها ولازم ناخد رأيهم هماوفى حاجات بتخصنا احنا يعنى حاجات مصيرية هيترتب عليها كل حاجة بعد كدة فى الحالة دى لو مقتنعتش برأيهم معملوش واعمل اللى انا شايفاة صح وفالأخر انا اللى هتحمل نواتج قرارى سواء كانت ايجابية او سلبية يعنى مثلا زى اختيارى لكليتى وفى حاجات كتير قرارتنا بتبقى فيها اهم من قراراتهم انا مش بقول كدة عشان نقلل من شانهم بس دى حاجات انا اللى هعيش فيها بعدين مش هما_زى ما هما خططو لكل حاجة فحياتهم احنا بردة عايزين نخطط لكل حاجة فحياتنا عالأقل عشان نعتمد على نفسينا بعد كدة ويبقى عندنا ثقة فقرارتنا

Wild_Angel
07-21-2009, 06:37 PM
موضوع جميل يا سمسمه
بصى هو التشاور فى الامر جميل جدا
بس فى الاخر يرجع الامر لصاحب القرار
وبعدين هى ممكن تتناقش معاه بكل هدوء وتوضحله أن دراسة الصيدله شئ حيسعدها
وتأكدى أن الامور بس دلوقتى عشان تحت ضغط فمفيش أى هدوء أنما لو أتكلموا بهدوء الموقف حيتغير
وكمان الأم موقفها بيكون أساسى ورئيسى أنها تحاول توصل الفكره للأب

أنما لو مفيش فايده:(
نطيع أمر أبائنا برضا وعسى أن تكرهوا شئ وهو خير لكم

خالد أبوسعده
07-21-2009, 06:45 PM
و الله انا شايف ان حل الموضوع دا التفاهم بهدوء

يا تقنعه يا يقنعها

و بلاش العناد ان العناد بيوصل لطريق مسدود

هى تتكلم معاه بهدووء و بكل بساطه و تشرح وجهه نظرها و طبعا تدخل الام و لو فشلت ممكن تكلم حد من العيله يكون باباها بياخد برايه و بيسمعله يقنعه عمها مثلا او جدها او خالها

و ان شاء الله تستريح جميع الاطراف

semsema
07-21-2009, 09:13 PM
شكرا كتير على مررورك يا احمد
وانا معاك ف كل اللى قولتوا
انه يبقى رأى مش فرض
والقرار لصاحب القرار

semsema
07-21-2009, 09:19 PM
S2AH
شكرا كتير على رأيك
وانا معاك جدا جدا
ودا كان رأى كل واحد ربنا ادى ليه حياته وهو اللى هيتحاسب عليها مش حد تانى
يبقى هو اللى حق قرارته امورة
والف شكر

semsema
07-21-2009, 09:23 PM
وايلد نورتى الموضوع
انا معاكى بس ليا اعتراض مينفعش نقبل حاجة احنا مش عاوزينها
يعنى مثلا لو هى دخلت طب زى ما هما عايزين وقشلت
تفتكرى هما هيقولوا معلش احنا اللى غصبنا عليها
ولا هيقولوا هى بتعند
او بقت فاشلة
او او او او كتير
بس مش هيطلعم هما اللى غلطانين بردة
وتكون هى رقصت على السلم
لانجحت ف الطب
ولا طالت اللى هى عيزاه
تقتكرى

Wild_Angel
07-21-2009, 09:30 PM
مممممم
تصدقى برضه وجهة نظر قويه

بس زى ما قولتلك هو الموضوع بقى مش حييجى غير بالهدوء
وربنا يصلح الحال ويكتبلها ما فيه الخير

semsema
07-21-2009, 09:31 PM
خاااااااااااااااااااالد
بجد فرحانا جدا بمشركتك دى
رأيك تمام اوى
بس مفيش وقت
التنسيييييييييييق
ياله ربنا يستر

خالد أبوسعده
07-21-2009, 09:59 PM
بصى يا سماح

التنسيق دلوقتى ممكن سهل اوى يتغبير فى ثوانى

يعنى لو حنحل المشكله فى قعده حنلحق موضوع التنسيق دا

بس هى متفقدش الامل و تدعى ربنا و تحاول

ولا يضيع حق وراؤه مطالب

إسلام محمد
07-21-2009, 10:18 PM
فعلا مشكلة رأى الكبار وانهم عارفين مصلحتنا اكتر مننا ..دى مشكلة انا نفسى بعانى منها والله

بس انا رأيى حقولوه بالقران الكريم

" ياأيها الذين آمنوا اطيعوا الله والرسول وأولى الامر منكم .."

طاعة الوالدين واولى الامر ده امر واجب علينا

طب نفرض ان رأى الوالدين معارض مع رأيى اعمل ايه ...!

مالى غير الله (ادعو الله سبحانه وتعالى واكون على يقين بالاجابة ) لانه قال " امن يجيب دعوه المضطر اذا دعاه .." وقال ايضا "..فإنى قريب اجيب دعوة الداع اذا دعان.. "

طيب نفرض ان الدعوه لم تُستجاب لاسباب عدم الاجابة

يبقى ناخد رأى الله سبحانه وتعالى بصلاة الاستخارة ومفيش احسن من كده ونكون على يقين بان الله لايقدر الا الخير

" ..وعسى ان تكرهوا شئ وهو خير لكم وعسى ان تحبوا شئ وهو شر لكم والله يعلم وانتم لا تعلمون"

ويارب يكون اتفهم القصد صح

وجزاكم الله كل خير ووفقكم لما يحبه ويرضاه

semsema
07-22-2009, 12:22 AM
عندكم حق
بس لازم نتفق انه لازم يمشي بالاتفاق
يعمى جميع الاطراف لازم تتفق
رزم حد يتنازل
ربنا يستر
ادعولها يا جماعة بالله عليكم
بس ايه رايكم لو نعمل استفتاء بشكل تانى
يعنى كل واحد مننا يكلم حد اكبر منه بحبة كتير كدة
ويطرح علية الموضوع
ويجي يقولنا عمل ايه
ياله بسرعة اللى موافقنى على الفكرة يبتدى بيها
وانا كمان هبتدى
ربنا يوفقكم

eslam mamdouh
07-23-2009, 10:33 PM
اولا موضوع مميز جدا

وفكره مميزه....شكرا لحضرتك على عرضها


انا شايف ان الحل ان الجيل القديم يجب ان يربى فى الجيل الحديث


القدره والمرونه على الاختيار واتخاذ القرار

يربى فى الجيل الحديث القدره على رسم المستقبل الصحيح

لا تكون الفكره مثلا ان انا عايز ابنى يطلع دكتور او مهندس والسبب

لانى شايف ان الدتكور والمهندس هو الافضل

طب الابن هو ميوله ايه ....... مش جايز يكون عنده موهبه الابداع والكتابه ويجب تنميتها له

عنده موهبه الرسم..........فنون جميله

عنده موهبه التمثيل........ معهد تمثيل

يجا على الجيل القديم غرس الثقه بالنفس واخحترام الذات وتقديرها واحترام الاخر

يجب على الجيل القديم قتل الكبت واللامبالاه فى الجيل الحديث

ومن جهه اخرى

يجب على الجيل الحديث احترام الجيل القديم

ومناقشته وتقدير فكره ورايه اى كان ذلك الفكر والراى

وفكر فى كلام الاكبر منك بعقلك وناقشه فيه

الاكبر منك بيوم بيكون احيانا يعرف الكثير اكثر منك


شكرا جدا على الموضوع المميز

وفى انتظار المزيد

روميو الحب
07-23-2009, 11:43 PM
بجد موضوع جميل ومهم اوى بصى انا رئى ان كل واحد بيكون مسئول عن اختياروته وبجد زى مكل واحد قبلنا كان ليه اختيارة احنا كمان لازم يبقى لينا اختيارنا وبجد دى معروفه من بدايه الانسان متوجد على الارض كل واحد مسئول عن قراراته الى حوليه الى بيعملوة يسعدوة على اتخاذ القرار فقط وييقتنع برئيهم او لا بس فى النهايه يعمل الى هو عايزوة مش الى غيروة عايزوة او شايفينوة صح

Soma
07-23-2009, 11:56 PM
عندك حق فعلا جدا مش عارفة ليه كده
تعرفى المشكلة اللى قولتى عليها تشبه لمشكلة عندى بس انا صممت وابتديت فعلا وبعدين رضوا لما لاقونى مصممة على الموضوع ده ومش عايزة اغير رايى فسبونى اكمل اللى بعمله عشان ده مستقبلى انا وهما مش حيفيدونى لما تضيع عليا فرصة زى دى
المهم يعنى ان اى شخص طالما متاكد ان رايه هو اللى صح وبيعتبر حاجة متعلقة بيه هو ويقدر يستحمل نتايجه يبقى خلاص يصمم عليه ويحاول بعد كده يرضيهم بكلام حلو كده يعنى عشان بجد دى حاجة متعلقة بحايتنا احنا وحتاثر علينا فى مستقبلنا بعد كده بس فى حاجات برضه لازم ناخد فيها رايهم عشان بيبقوا على دراية اكتر مننا فيها
ميرسى كتييييييييييييييير ياجميلة على الموضوع الرائع ده

semsema
07-26-2009, 09:28 PM
شكرا كتير جدا يا جماعة على الردود المتفاعلة دى
اسلام فعلا كلامك حلو اوى بس الجيل القديم
بس مين ممكن يسمعنا وياخد كلامنا دا جد مش هزار
ولا عيال بتحاول تكبر نفسها ومش فاهمين الدنيا صح ..........يا عالم

روميو شرفتنى ونورتنى .....انا معاك اووووووووووى
كل واحد بيتحمل مسئولية قراره
وربنا يستر


سوما نورتينى يا جميل
برافو عليكي انى اصريتى على قرارك:cool:
دى كانت خطوة ايجابية منك فى حياتك:p
واتمنالك النجاح دايما يارب
وتكون قرراتك كلها صح


نورتونى يا جماعه
اهو كدة التشجيع ولا بلاش:p:p:p

Wild_Angel
07-26-2009, 11:27 PM
مقولتلناش يا سمسمه عملت أيه هى قدمت طب ولا أيه؟؟
ربنا يوفق الجميع بأذن الله

semsema
07-27-2009, 05:06 PM
الحمدلله
البنت دخلت صيدلة يا جماعه :p:p:p
وهى مبسووووووووووووووووووووطة جدا