المساعد الشخصي الرقمي

مشاهدة النسخة كاملة : هام جدا للفرقه التانيه جغرافيا ( يلا نعرف بعض قبل مندخل الفرقه التالته 2010)



حفيد سيف الله المسلول
07-26-2009, 03:39 PM
بسم الله الرحمن الرحيم
انا حبيت اعمل الموضوع ده علشان كلنا نتعرف على بعض قبل ما ندخل سنه تالته ان شاء الله اذا كنا شعبه عامه او مساحه فالخيره فى ما اختاره الله
ايه رايكم كل واحد فى الفرقه التانيه يدخل يكتب اسمه واللى بيتمناه فى 2010 فى حياته الشخصيه والعمليه
واسف على الاطاله ( فمن اعرض عن ذكرى فان له معيشت ضـــنــــكـــا ونحشره يوم القيامه اعمى ) صدق الله العظيم ( استغفروا الله )

برجل
07-27-2009, 01:28 AM
والله كل الى يجيبه ربنا كويس المهم الواحد يجتهد فى المجال اللى هيدرسه وربنا يوفقنا كلنا للخير

حفيد سيف الله المسلول
07-27-2009, 04:40 PM
طيب يا استاذ برجل انته مش عرفتنا بنفسك يا ريت تعرفنا بنفسك

حسناء
07-28-2009, 12:39 AM
مشكووووووووور يا مانشي علي الموضوع بس ياريت تعرفنا بنفسك الاول

Nhla147
07-28-2009, 12:45 AM
اولا الف مبروك لكل الاعضاء
ثانيا فكرة جميله يا مانشى بحييك عليها
اما ثالثا انا داخله سنه تانيه ان شاء الله بس حبيت ادخل واتعرف عليكم
انا اسمى نهله وامنيتى ان كل الناس تكون مبسوطه دايما
وانى اجيب تقدير عشان ادخل شعبه مساحه



اختـــــــــــــــــــ نهله ـــــــــــــكم

حفيد سيف الله المسلول
07-28-2009, 06:07 PM
حاضر يا باش مهندسه حسناء هعرفكم بنفسى انا الاول واهلا بيكى يا اختى نهله وان شاء الله تبقى من اوائل دفعه المساحه السنه اللى جايه واى حاجه تحتاجيها من سنه تانيه اخوكى Munchi موجود لو فى استطاعتى اعملها

وابطل لوكلوك كتير بقه واعرفكم بنفسى



name : محمد فاروق محمد ( Munchi )

age : سنه 21

امنيتى : انى ادخل مساحه ان شاء الله والخيره فى ما اختاره الله ــــــــــــــــــــــــــــــــــ مدطهدنى اوى فى الجامعه على فكره اغايه دلوقتى مش عارف اعرف نتيجتى مش مكتوب مجموع والتقدير منقول يعنى ايه منقول انا مش عارف ومحدش يقولى دى مقبول بس اتلغبطوا علشان مش اتخنق



وامنيتى فى 2010 انى الاقى نفسى بجد واقرب اكتر من ربنا وابدا اول خطوه جريئه فى حياتى وطبعا زى ااى شاب الاقى البنت اللى تحافظ عليه واحافظ عليها مش بنات اليومين دول :mad: ( مش عايز البنات اللى فى المنتدى تشتم:) ) مش كل البنات وحشه طبعا ــــــــــــــ لا كلكوا بقه ههههههههههه

اسف على الطاله واتمنى ان الموضوع يعجبكوا:rolleyes:

حسناء
07-29-2009, 04:40 AM
خلاص يا مانشي ده دوري

الاسم/ حسناء محمد حسين
السن / 21 سنه
المهنه / طالبه بقسم الجغرافيا ونظم المعلومات الجغرافيه _ كليه الاداب _ جامعه الاسكندريه

وطبعا نفسي التحق بشعبه المساحه والخرائط لكن ان قدر الله غير ذلك انا بعشق الدراسه فالقسم وبحب الجغرافيا جدا جدا عشان كده باذن الله فاي تخصص ححاول اثبت نفسي

Ahmed Hosny
07-29-2009, 06:19 PM
الاسم / احمد حسنى محمد
السن /20سنة
امنيتى انى ادخل شعبة المساحة والخرائط
واتخصص فى المساحة البحرية او الميكانيكية

حفيد سيف الله المسلول
07-29-2009, 06:33 PM
اهلا بيكى يا حسناء انتى واخويا نيمو وان شا الله امنياتكم تتحقق ياذن الله وشكرا على ردكم

حسناء
07-29-2009, 07:45 PM
شكرا يا مانشي بس فين باقي الناس انتم فين يلا ادخلوا عرفونا بنفسكم

حفيد سيف الله المسلول
07-29-2009, 09:03 PM
شكل الموضوع مش عاجبهم يا حسناء انا بفك اروح ابيع جزر احسن يلا اهى حاجه ليها فايده وشكرا على اهتمامك بالموضوع يا اختى العزبزه

Nhla147
07-29-2009, 09:25 PM
اهلا وسهلا بكل اللى عرفنا بنفسه
ويارب السنه الجايه تكون سنه جميله عليكم
ويارب كل واحد يحقق اللى بيتمناه
وميرسى ليك يا مانشى على الترحيب


اختــــــــــــ نهله ـــــــــــك

Horiaa Swedan
08-02-2009, 07:05 AM
ازيكم يا شباب وصبيا فرقتى

الموضوع جميل جدا

انا مبسوطه اننا ان شاء رب العباد دخلين الفرقه التالته وكلنا نجحين الحمد لله

انا اختكم ريموندا

بس فى سؤال انا عمرى 19 سنه بس

ملحظه انكم 21 هل ده تقصير منى انا ههههههههههههههه

المهم انا بشتغل طالبه على مشارف الفرقه التالته مساحه او عامه كله اللى يجيبه ربنا كويس

امنيتى 2010

امنيتى اللى بتمناها كل سنه بينى وبين ربنا خايفه اقول عليها لحد ادعولى تتحقق
لكن اللى اقدر اقوله انى اتمنى انى اقرب اكتر من ربنا وان ربنا يحفظنى ويحفظ كل المسلمين

المساحه مش امنيه بالنسبالى انا من يوم مدخلت اداب ودخلت جغرافيا بطريقه غريبه لانها مكنتش فى النياه عرفت ان ربنا هدانى للسبيل المناسب ليا

عشان كده انا مش حزينه لو مدخلتش مساحه بالعكس

بتمنى ان كل الناس اللى بحبه وبيحبونى يكونوا بخير وبسعاده

واهم امنيه بتمنى التوفيق لسنه رابعه اللى اتخرجوا اصحابى واخواتى يارب يوفقكم ويهديكم السبيل ونعم الصحبه والاخوه

بتمنى ان اى حد اتمنى امنيه تتحقق

TE7A
08-02-2009, 08:19 AM
السلام عليكم ورحمة الله وبركاته


الاسم: فتحي عبدالغني محمد جوهر (te7a)
السن: 20

المهنه: طالب بقسم جغرافيا ونظم المعلومات

علي فكره دي فكره جامده اوي يا منشي اهنيك عليها واتمني في 2010اني الائي بنت الحلال المحترمه الي تستاهلني واكون بشتغل
اما عن موضوع المساحه او العامة

(فقل لن يصيبنا الا ما كتب الله لنا)

ولعله من الخير يا جماعه لو حد دخل شعبه عامه ومحدش يزعل



اخوكم :فتحي

حسناء
08-07-2009, 09:54 PM
انامبسوطه جدا بوجود فتحي وريموندا
وبجد مانشي فكرته روعه لكن فين باقي الدفعه
ومستغربه جدا 177 مشاهده ومفيش ردود انتم فين يا فتيات وفين الشباب
في انتظار مشاركتكم

sameh gamal
08-07-2009, 10:23 PM
طبعا انا مش معاكم فى الدفعه بس يشرفنى انى ادخل واعرفكم بنفسى ويارب متعتبرونيش دخيل عليكم والفكرة جامده قوى يامنشى وربنا يارب يوفقكم لما فيه خيرا

الاسم\ سامح جمال محمد احمد
الفرقه\ الرابعه
الشعبه\ المساحه والخرائط


الامنيه اللى بتمناها من ربنا انى اقرب اكتر واكتر من دينى انى دفعتنا تسود فيها المحبه والخير وننسى اى حاجه وحشه بينا لانى دى اخر سنه لينا وانى ربنا يكرمنا يارب السنه دى وانى فعلا الاقى شغل فى مجالى وفى مكان محترم اما بنت الحلال فا دى لوقتها بقى
ههههههههههههههههه

حسبى من الدنيا رضاك
08-07-2009, 11:24 PM
السلام عليكم ورحمة الله وبركاته
كيف الاحوال اخوانى فى الفرقةالثالثة بإذن الله اتمنى تكون الاجازة سعيدة ليكم كلكم وتكون مفيدة
وتكونوا استغتوها كويسفى تنمية انفسكم
وتكونوا حسنتم علاقتكم مع ربنا وغيرتوا من نفسكم
اسف جداعلى الاطالة بس عايزة ارحب بيكم كلكم الاول منورين ملتقانا اللى هنفتقده السنة الجاية بإذ الله
نبدأالتعريف

الاسم :
Jasmen
او ويبقى الامل وده احب لقلبى

السن :
19

الامنيات او الايمانيات:اولا طبعا مع ربنا نفسي اغير نفسي خالص رمضان ده نفسي ابقى بنى آدمة تانية
خالص ..... ونفسى فى حاجاتتانية مع ربنا بس دى سر بينى وبين ربي واتمنى يرزقنى الاخلاص فى عملها
ونفسى ربنايسامحنى علىتقصيرى فى حقه ويغفر لى ذنوبى ونفسى اقابله وانا مشتقاله
نفسى اكون نعم العبدة ونعم الابنة البارة


طبعا الامنية التانية هى دخول شعبة المساحة بإذن الله لو فيها خير لانى بحب مجال الدراسة فيه اوى
ونفسى بعد التخرج اسافر كندا احضر الماجيستير والدكتوراه .... احلام وردية طبعا :D


وجزاك الله كل خير مانشى على هذااموضوع الرائع

اللهم ارزقنى الاخلاص فى القول والعمل والنية
اللهم طهرسرائرنا
اللهم اغفر لى ولوالدين والمسلمين والمسلمات المؤمنين والمؤمنات الاحياء منهم و الاموات
اللهم امين

حسناء
08-08-2009, 05:18 PM
شكرا لمشاركتكم ونيلبه عن مانشي صاحب فكره الموضوع برحب بيكم
ولكن برضو فين باقي الدفعه

TE7A
08-09-2009, 03:08 PM
شكل الدفعة كلها ماتت

Yamyam
08-12-2009, 01:49 PM
الله ينور على الموضوع يا Munchi

و فكره الموضوع جميله

وياريت تقربوا من بعض و تكونوا ايد واحده

و تساعدوا بعض بكل محبه

لأن الأيام دى صعب تتعوض تانى

حفيد سيف الله المسلول
08-13-2009, 04:48 PM
انا برحب بكل اللى شارك وبالاخص حسناء لاهتممها بالموضوع فى غيابى زاتمنى ان الناس اللى مش سابت رد ان الموضوع يكون عجبهم وشكرا لكل اخواتى واخوانى واتمنى نكون مع بعض فى سنه دراسيه جميله مساحه او عامه

e4e
08-15-2009, 01:30 AM
السلام عليكم ورحمة الله وبركاته
أولاً احب ان اهنئكم جميعاً بقرب حلول شهر رمضان بلغنا الله اياه (آمين).
أعرفكم بنفسى:
أخوكم فى الله /اسلام محمد جابر
الفـرقـة: الثالثة انتظام.
الشعبة: اتمنى من الله ان يوفقنى فى تلك الشعبة اياً كانت. وان كنت اسعى الى شعبة مساحة بأذن الله.
أتمنى من الله ان يوفقنا الى ما يحبه ويرضاه وان تكون ساعات عمرنا فى ميزان حسناتنا.
وأدعوا الله ان يهدى شباب وبنات المسلمين أجمعين .
اتمنلكم الخير جميعاً.
دمتم فى رعاية الله وحفظه.
بالمناسبة
e4e= Eslam 4 Ever:D

حفيد سيف الله المسلول
08-15-2009, 09:55 PM
اهلا بيك يا e4e واتمنى ان ربنا يوفقك لما يحبه ويرضاه

طالب بالفرقة الثالثة مساحة
08-17-2009, 11:10 PM
السلام عليكم
انا اخوكم ابراهيم حلمى
السن/20
امنيتى فى الحياه اللى انا ابقى سعيد وبس

سندريلا
08-19-2009, 03:11 PM
شكرا على الموضوع الجميل ده يا مانشى


اعرفكم بنفسى


الاسم / سندريلا

السن /20

امنيه حياتى انى ادخل شعبه مساحة وخرائط

وربنا يوفقنا جميعا

وكل عام وانتم بخير

حفيد سيف الله المسلول
08-22-2009, 01:20 AM
اهلا بيك يا ابو خليل وان اء الله تكون اسعد انسان فى طاعه الله
واهلا بيكى اختى العزيزه سندريلا وا شاء الله تدخلى مساحه ان كان فيها خيرا من عند الله