المساعد الشخصي الرقمي

مشاهدة النسخة كاملة : هل مستوي دراستك.......يدل عليك ؟؟؟؟



Marwa Mahmoud
07-27-2009, 10:36 PM
http://www.up.6y6y.com/uploads/418c03d532.gif


مسااااااااء الخير


ظهرت نتيجة اصعب مرحله بحياه الانسان في بدايه عمره والتي تقلق الكثيرين جداً :cool:

وتجعلهم بحاله هلع وخوف طول العام خوفاً الا يحصلوا علي ما يتمنوا ان يلتحقوا به

ليكون لهم كأساس لحياتهم القادمه ان شاء الله

الا اني افاجئ بأناس يحصلون علي مجموع عالي ما شاء الله طبعا نتيجة تعبهم لا اعتراض علي ذلك

لكن تقف لتتناقش معهم بشئ لا يستطيعوا ان يفيدوك :( :( وتشعر انه ما زال كالطفل الذي تكون افكاره :o

بنطاق محدود جداً وفى كثير من هذه النماذج موجودة فى حيات كل منا

لكن لو فتحت معهم حوار تشعر انك تتكلم مع انسان لا يفقه شئ بأي شئ

فهل مستوي الدراسه برأيكم ونتيجتها يدل علي شخصيتك ككاتب او قارئ او مناقش لأي امر كان


او حتي بأسلوب تعاملك في الحياه
http://www.ibtesama.com/vb/images/smilies/confused2%5B1%5D.gif
:confused::confused:

Voodoo Doll
07-27-2009, 11:34 PM
احنا أكيد بنتكلم عن اسلوب الدراسة الحالي
يبقى أكيد لأ
الدراسة مش ليها أي علاقة بالشخصية

يعني ممكن يكون شخص متفوق جدا في الدراسة في حين انه بيكون فاشل في التعامل أو النقاش مع غيره
مع ان المفروض ان الدر اسة بتنمي العقل
مثلا انا قابلت ناس كانو فاشلين في الدراسة لدرجة انهم كانو بيسقطو كتير لكن في النقاش معاهم بتكون ثقافتهم عالية جدا وقدرتهم على التحاور رائعة

وناس تانية ممكن يكون متفوقين في الدراسة وبيطلعو الاوائل لكن لو تناقشتي معاهم بتلاقيهم سطحيين جدا
وطبعا دي مش قاعدة يعني فيه ناس بتقدر تتفوق وتنمي عقلها في نفس الوقت

Wild_Angel
07-28-2009, 01:15 AM
أولا أحييكى على طرح هذا الموضوع

ثانيا لا مستوى الدراسه صعب انه يكون تقييم للانسان
لأن الانسان مش دراسه فقط ولكنه بداخله فهو خليط من أشياء عديده

الثقافه لا تعتمد مطلقاً على الدراسه
والدلاله على الشخص ليس أبدا بمستوى الدراسه

تحدث ..لأقول لك من انت!

روميو الحب
07-28-2009, 04:18 PM
اولا اقدر اقولك ان الموضوع جميل ومهم

ثانيا ممكن واحد يكون مستواه الدراسى عالى جدا بس عقله مش بيفكر غير فى الدراسه يعنى مش يعرف يتكلم فى مسائل الحياه مع ان برده فى البعض بيبقى مستواهم الدراسى عالى وتفكيرهم بردوة عالى زى مافى ناس مش متعلمين اصلا بس ممكن يتكلمو فى كل مجالات الحياه

Marwa Mahmoud
07-28-2009, 05:54 PM
احنا أكيد بنتكلم عن اسلوب الدراسة الحالي
يبقى أكيد لأ
الدراسة مش ليها أي علاقة بالشخصية

يعني ممكن يكون شخص متفوق جدا في الدراسة في حين انه بيكون فاشل في التعامل أو النقاش مع غيره
مع ان المفروض ان الدر اسة بتنمي العقل
مثلا انا قابلت ناس كانو فاشلين في الدراسة لدرجة انهم كانو بيسقطو كتير لكن في النقاش معاهم بتكون ثقافتهم عالية جدا وقدرتهم على التحاور رائعة

وناس تانية ممكن يكون متفوقين في الدراسة وبيطلعو الاوائل لكن لو تناقشتي معاهم بتلاقيهم سطحيين جدا
وطبعا دي مش قاعدة يعني فيه ناس بتقدر تتفوق وتنمي عقلها في نفس الوقت





بشكرك جداا على مشركتك وفعلا فى الايام دى منقدرش نحكم على المستوى الدراسى

والشخصيه خاصة من الناحية الثقافيه لان زى مقولتى فى ناس بنلاقيهم يجيدوا الحوار والنقاش

وتلاقى عندهم ثقافة عن حجات كتير .

Marwa Mahmoud
07-28-2009, 05:55 PM
أولا أحييكى على طرح هذا الموضوع

ثانيا لا مستوى الدراسه صعب انه يكون تقييم للانسان
لأن الانسان مش دراسه فقط ولكنه بداخله فهو خليط من أشياء عديده

الثقافه لا تعتمد مطلقاً على الدراسه
والدلاله على الشخص ليس أبدا بمستوى الدراسه

تحدث ..لأقول لك من انت!



بشكرك جداا حببتى على مشركتك اللى دايما منورانى

بجد اسعدتنى جداا وفعلا كلامك مظبوط

Marwa Mahmoud
07-28-2009, 05:57 PM
اولا اقدر اقولك ان الموضوع جميل ومهم

ثانيا ممكن واحد يكون مستواه الدراسى عالى جدا بس عقله مش بيفكر غير فى الدراسه يعنى مش يعرف يتكلم فى مسائل الحياه مع ان برده فى البعض بيبقى مستواهم الدراسى عالى وتفكيرهم بردوة عالى زى مافى ناس مش متعلمين اصلا بس ممكن يتكلمو فى كل مجالات الحياه


تسلم على مرورك الجميل ده

اسعدنى ونورنى جداا وفعلا وجهة نظر سليمة

ALY ELSAYED
07-28-2009, 06:06 PM
انا بشكرك جدا يا مروه

لان الموضوع ده مهم جدا وكنت لسه بتناقش فيه

النهارده مع احد الزملاء في العمل

سبحان الله

بس الحقيقه فعلا ان كتير اوي من الشباب الصاعد والغد

حاملين لليسانسات والبكاليروسات ولكن لا بفقهون شيء عن اي حاجه

حتي تخصص مجال دراستهم ( ميييييييييييح )

وعلي العكس من كده في ناس تانيه معهاش شهادات ولا اتعلموا اصلا

ومع كده تلاقي بيكلم اكتر من لغه وميعرفش يكتب

طب ايه السبب في كده

ياتري

البيئه

البيت

الحاله الاجتماعيه

القدرات العقليه

الوسط المحيط

المدرسه

الصحاب

عدم توافر الامكانيات

للاسف لو حنقول الظروف ونرمي اللوم للظروف والزمن والبلد

يبقي مش حنخلص

لكن حنقول في الاخر كلمه واحده

مفيش اهتمام

اسف للاطاله ومنتظر مزيد من النقاش

جزاكي الله كل خير يا مرمر

حفيد سيف الله المسلول
07-28-2009, 06:21 PM
مش عارف انا بختلف معاكم فى الراى وانا اسف بس انا شايف ان الاتنين انطباع لعمله واحده يعنى الانسان الناجح فى الرداسه ذو عقل متفتح وذكى مفيد فى النقاش هادى رزين بتقدم العمر
طبعا دى مش قاعده عامه والله اعلم

حفيد سيف الله المسلول
07-28-2009, 06:24 PM
بالنسبه لرد الاستاذ كارمو دول شباب بينجحوا يا بوسايط او بالغش انا بتكلم على الاذكياء والمتفوقين فى الدراسه بجهدهم زى ما قالت اختى مروه واسف للاختلاف فى الراى

Marwa Mahmoud
07-29-2009, 09:44 AM
انا بشكرك جدا يا مروه

لان الموضوع ده مهم جدا وكنت لسه بتناقش فيه

النهارده مع احد الزملاء في العمل

سبحان الله

بس الحقيقه فعلا ان كتير اوي من الشباب الصاعد والغد

حاملين لليسانسات والبكاليروسات ولكن لا بفقهون شيء عن اي حاجه

حتي تخصص مجال دراستهم ( ميييييييييييح )

وعلي العكس من كده في ناس تانيه معهاش شهادات ولا اتعلموا اصلا

ومع كده تلاقي بيكلم اكتر من لغه وميعرفش يكتب

طب ايه السبب في كده

ياتري

البيئه

البيت

الحاله الاجتماعيه

القدرات العقليه

الوسط المحيط

المدرسه

الصحاب

عدم توافر الامكانيات

للاسف لو حنقول الظروف ونرمي اللوم للظروف والزمن والبلد

يبقي مش حنخلص

لكن حنقول في الاخر كلمه واحده

مفيش اهتمام

اسف للاطاله ومنتظر مزيد من النقاش

جزاكي الله كل خير يا مرمر


بشكرك جدااااااااااا على مشركتك الجميلة دى الموضوع نور بيك

فعلا فيه اسباب كتير زى مقولت انها تخلق جيل

عندة لا مبالاة بدون ثقافة حتى فى مجال عاملة

بس بردة فى علامات استفهام كتير ليه الشخص المتعلم

ميحولش ينمى قدراتة وخبراتة على الاقل فى مجال عملة

حتى يكون عندة خبرة كافيه تساعدة .

والاغرب من كدة ان فيه ناس مش متعلمة للكن خبراتهم واسعة جداا وعندهم درايه بكل شئ

وانا شيفه ان البيئة بتلعب دور كبير فى تكوين معرفتهم دى .

Marwa Mahmoud
07-29-2009, 09:49 AM
مش عارف انا بختلف معاكم فى الراى وانا اسف بس انا شايف ان الاتنين انطباع لعمله واحده يعنى الانسان الناجح فى الرداسه ذو عقل متفتح وذكى مفيد فى النقاش هادى رزين بتقدم العمر
طبعا دى مش قاعده عامه والله اعلم


بشكرك جداا على مشركتك وانا سعيدة جداا بتبادل وجهات النظر

انا معاك ان الانسان الناجح والمتفوق بالتأكيد بيسعى انة ينمى ثقافتة

ويكون عندة معرفة كبيرة فى مجال تخصصة والمجالات التانيه

بس اللى إحنا بنشوفة حاليا ان اهم حاجة الشهادة وخلاص

ويبقى قدام المجتمع معاه شهادة علميه فقط

لكن الجوهر نفسه خالى من اى ثقافة

Marwa Mahmoud
07-29-2009, 09:54 AM
بالنسبه لرد الاستاذ كارمو دول شباب بينجحوا يا بوسايط او بالغش انا بتكلم على الاذكياء والمتفوقين فى الدراسه بجهدهم زى ما قالت اختى مروه واسف للاختلاف فى الراى


طب ابسط مثال ناس بتفضل تزاكر طول السنة وتمتحن وتجيب درجات عاليه وبعد متمتحن

الكتب تترمى ومع الايام كل شئ بيتنسى ولو جيت تسأله بع شهر مش هيعرف يجاوب صح ولا لا ؟

لانة كان بيزاكر عشان ينجح مش اكتر لكن مش عشان يكون عندة ثقافة بالشئ اللى هو بيدرسة

وطبعا مش كل الناس كدة

على فكرة انا سعيدة جداا بكلامك دة وتوضيح وجه نظرك
تحياتى لك