بالله عليكم ردوا عليا ؟

[م/هاله]

هل ممكن مهندس المساحه يشتغل مهندس طرق ذيه ذى مهندس المدنى

سؤال تانى بعد اذنكم

انا خريجه هندسه مساحه وسمعت ان فيه دبلومه فى هندسه القاهره 6 شهور هتخلينى ذى المهندس المدنى بس انا شيفه انى ممكن اشتغل مهندسه طرق من غير الدبلومه لانى درست فى الكليه طرق وكمان معايا كورس لاند

ياريت بعد اذنكم تردوا عليا بسرعه ومتشكره ليكم

[eslam mamdouh]

اهلا يا بشمهندسه



شرفتينى جدا بسؤال حضرتك ده


انا على فكره درست طرق ورصف فى الامارات العربيه المتحده


اللى اقدر اقوله لحضرتك , ان ممكن مهندس المسياحه يشتغل فى الطرق لو اخد كورس فى الطرق وعارف قوانيين الطرق بشكل كويس وعارف البيتومينات والرصف وقوانيين كتير جدا ويعرق يحسب المعاملات المختلفه للسرعه الفعليه والاسميه ...........................ياااااااااه مواضيع كتير جدا فى الطرق


انا كان لازمنى عشان اشتغل فى الطرق فى الامارات العربيه المتحده انى اكون ملم بالمساحه واكون ملم بهندسه الطرق وملم بالاند سكيب من غيرهم مش ممكن اشتغل فى الطرق

اما دارس المساحه العادى اعتقد انه صعب جدا عليه انه يشتغل مهندس طرق مثل المدنى


اما الدبلومه اللى حضرتك بتقوى عليها انا معنديش ادنى علم بيها

لكن سمعت عن الكلام ده كتير.................لكن انا مش مقتنع بيه

مفيش حاجه ممكن تدرسها تحولك من متخصص مساحه لمهندس مدنى الموضوع مش فكره سهله وبسيطه بالشكل ده الموضوع كبير جدا فى الدراسات المدنيه

شكرا لحضرتك جدا يا بشمهندسه

واتمنى ان تكون الفكره وصلت

[منا عوض]

شكرا يا بشمهندس على الرد مع انى سالت معيد مدنى فى الكليه وقال ينفع يشتغل مهندس المساحه مهندس طرق ذيه ذى مهندس المدنى بس بصراحه مكنتش مقتنعه اوى لاننا فى الكليه متخصصناش اوى فى الطرق بس خدنا ماده طرق فى سنه تانيه

و انا بعرف برنامج لاند كويس وممكن اقرا قوانين الطرق ويارب يكون ده كافى عشان ابقى مهندسه طرق

عموما شكرا ليك على الرد

وجزاك الله خير

[eslam mamdouh]

شكرا لحضرتك على الرد

وسعيد والله بالتداخل فى الموضوع



لو حضرتك شايف ان الموضوع ببساطه هو شويه معرفه ببرنامج الاند وقرايه لقوانني الطرق


ودراسه سطحيه لماده طرق فى الرفه اتانيه يخلوك تشتغل فى شغل الطرق

وانا بقصد شغل هندسه الطرق ( مش شغل العمل المساحى على الطرق)


يبقى مكنش حد غلب

حضرتك فاهمه يعنى ايه مهندس طرق؟

وعارفه الفرق بين العمل المساحى على الطرق وهندسه الطرق؟.




حضرتك عندك معلومات عن الرصف وانواعه ؟


القوانيين الاساسيه لكل عمليه؟




فكره سطحيه ولا تؤهلك للعمل الفعلى؟



ياريت حضرتك تكتبى فى السيرش كلمه هندسه الطرق

وشوفى النتائج


شكرا مره تانيه

[منا عوض]

ممكن اقول لحضرتك حاجه بس بالله عليك متزعل

حضرتك عقدتنى من الطرق

بس حضرتك فعلا عندك حق فى الكلام اللى قولته اظاهر انى خلط بين العمل المساحى على الطرق وهندسه الطرق

كنت فاكره عشان انا عارفه تصميم الطريق على الاند وفكره عامه عن الطرق لانى درست طرق وسكه حديد يبقى انا كده متخصصه طرق

بس انا والله سألت واتقال لى انى ممكن اكمل الحجات اللى نقصانى فى الطرق فى الشغل مع الوقت بالخبره

بس اتضحلى من كلام حضرتك انه للاسف مش هينفع

عموما شكرا لحضرتك

[eslam mamdouh]

انا اسف جدا يا بشمهندسه لو كلامى دايق حضرتك

لكن انا بقول لحضرتك الواقع

انا كمهندس مساحه ميهمنيش غير جزء محدد فى العمل على الطرق وهو الاعمال المساحيه على الطرق

ميهمنيش انى اعرف هندسه الطرق وافكارها وقوانيينها والمعادلات الخاصه بها والاند سكيب والرصف..................الخ


انا بشكر جدا حضرتك على المداخلك دى

وجزاكى الله كل خير

وربنا يوفقك فى حياتك العلميه والعمليه

[منا عوض]

شكرا يا بشمهندس على رد حضرتك وانا مضيقتش من كلام حضرتك عموما حصل خير وكل سنه وحضرتك طيب بمناسبه شهر رمضان وربنا ديما يوفقك

وشكرا مره تانيه

[RMf1984]

هل ممكن مهندس المساحه يشتغل مهندس طرق ذيه ذى مهندس المدنى

سؤال تانى بعد اذنكم

انا خريجه هندسه مساحه وسمعت ان فيه دبلومه فى هندسه القاهره 6 شهور هتخلينى ذى المهندس المدنى بس انا شيفه انى ممكن اشتغل مهندسه طرق من غير الدبلومه لانى درست فى الكليه طرق وكمان معايا كورس لاند

ياريت بعد اذنكم تردوا عليا بسرعه ومتشكره ليكم

يا بشمهندسة
ممكن تكون فى مكان مهندس المدنى فى طرق او غيرة بس لازم تروحى تعملى حاجة زى الدبلومه مدتها 6 شهور وبعد الدبلومه بتعدلى تمام مهندس الCIVIL بس معظم الشركات مش بتعترف بده وانا شغال فى دبى وسالت عنها بس الشركات هنا مش بتعترف بيها
انا مش بياسك منها اعمليها وربنا يوفقك لكى منى كل الامنيات بالتوفيق
شكرا

[منا عوض]

يا بشمهندسة
ممكن تكون فى مكان مهندس المدنى فى طرق او غيرة بس لازم تروحى تعملى حاجة زى الدبلومه مدتها 6 شهور وبعد الدبلومه بتعدلى تمام مهندس الCIVIL بس معظم الشركات مش بتعترف بده وانا شغال فى دبى وسالت عنها بس الشركات هنا مش بتعترف بيها
انا مش بياسك منها اعمليها وربنا يوفقك لكى منى كل الامنيات بالتوفيق
شكرا

شكرا يا بشمهندس على ردك

انا فعلا سمعت ان فيهشركات بتعترف بالدبلومه وشركات لآ

عموما ربنا بيعمل اللى فيه الخير

وشكرا مره تانيه لحضرتك

[محمد الفرارجي]

السلام عليكم ورحمة الله وبركاته

وبعد.....

شكرا للتفاعل المحترم الجميل والمساعده وشيمك يا سلم ما بتبخلش على حد
محترم وما شاء الله عليك وربنا الأعلم بالمعزة ويا رب نتقابل لما انزل ان شاء الله.

الأخت المحترمة المهندسة منا عوض
لكي مني كل التحية والاحترام وبعد.

عملت بالطرق فترة ليست بالطويلة ولكن بالنسبة لموضوع الطرق ليس بالأمر الصعب في تنفيذه وتقنياته وكانت معنا أخت فاضلة مشرفة من هيئة الطرق تقوم بالاشراف علينا في التنفيذ كهيئية حكومية مخول إليها الرقابة علينا كمقاول لتنفيذ الطريق. وكانت ممتازة وكانت تأخذ قراءات الميزان (ولا أجدعها مساح).

ولكن كأخ لكي وهذا شرف لي.

- عملك في المساحة كبنت ليس بالوضع الشاذ ولكنه غير معتاد .
- حينما تلجأين للطرق لاحظي أن أغلبية الطرق تمد في المناطق التي ليس بها طرق أصلا أي المناطق النائية وبالتالي أين تقيمين ومع من أثناء تنفيذك للعمل.
- فرضنا أنكي أصبحتي متميزة في العمل الحقلي من هذا المقاول الجرئ الذي سيضعك ضمن صفوته من أشاوس العمل الحقلي من اخوانك إللي ياكلوا الزلط؟

نصيحتي لكي ولا أهبط من عزيمتك ودعواتي لكي ولغيرك بدوام التوفيق ان شاء الله.

أولا: إذا كنتي تهوي العمل الحقلي فابحثي عن الشغل الخفيف المتمثل في الأعمال الاشرافية كالاستشاريين أو العمل الحكومي المتمثل في المتابعة البسيطة وليست المضنية.

ثانيا: وهو الأهم من وجهة نظري والله أعلم. عليكي بالعمل المكتبي فتميزك به يعني لكي أن غيرك لن ينافسكي فيه فبرامج تصميم الطرق متاحة وموجوده وليست بالقليلة إعرفي منها ما يطلبه السوق وادرسيه درسا مستميتا.

ثالثا: ليس عليكي أن ترتبطي بفكرة الطرق فقط هندسة المساحة مجالاتها وتخصصاتها كثيرة وليست مقتصرة على الطرق وفقط فحاولي طرق الأبواب في مجالات مختلفة وعليكي بالبداية فقط وسوف يأتي التعليم في مجالك الجديد كنظم المعلومات مثلا .


وفي النهاية أتقدم بكل الحب والتقدير والاحترام لكل اخواني وأخواتي أعضاء المنتدى وأعضاء الرابطة وأهنيهم (ولو إنها متأخره بس ملحوقة إن شاء الله) على التخرج ويا رب عقبال التفوق في الحياة العملية

شكرا ليك يا اسلام على مجهوداتك الرائعة
يا رب أكون أفدك يا باشمهندسة


محمد الفرارجي
السويدي للكابلات
مابوتو - موزمبيق

[منا عوض]

انا متشكره جدا جدا يا بشمهندس محمد على ردك وكمان على نصحتك وبجد انا استفدت من كلامك
ومتشكره جدا على ذوق حضرتك وكونك انك تقول انى كأخت لحضرتك
ده شرف ليا ان كمان
وربنا يوفقك وتحقق كل اللى حضرتك عيزه

وشكرا مره تانيه على ردك

[samaa]

السلام عليكم ورحمة الله وبركاته

وبعد.....

شكرا للتفاعل المحترم الجميل والمساعده وشيمك يا سلم ما بتبخلش على حد
محترم وما شاء الله عليك وربنا الأعلم بالمعزة ويا رب نتقابل لما انزل ان شاء الله.

الأخت المحترمة المهندسة منا عوض
لكي مني كل التحية والاحترام وبعد.

عملت بالطرق فترة ليست بالطويلة ولكن بالنسبة لموضوع الطرق ليس بالأمر الصعب في تنفيذه وتقنياته وكانت معنا أخت فاضلة مشرفة من هيئة الطرق تقوم بالاشراف علينا في التنفيذ كهيئية حكومية مخول إليها الرقابة علينا كمقاول لتنفيذ الطريق. وكانت ممتازة وكانت تأخذ قراءات الميزان (ولا أجدعها مساح).

ولكن كأخ لكي وهذا شرف لي.

- عملك في المساحة كبنت ليس بالوضع الشاذ ولكنه غير معتاد .
- حينما تلجأين للطرق لاحظي أن أغلبية الطرق تمد في المناطق التي ليس بها طرق أصلا أي المناطق النائية وبالتالي أين تقيمين ومع من أثناء تنفيذك للعمل.
- فرضنا أنكي أصبحتي متميزة في العمل الحقلي من هذا المقاول الجرئ الذي سيضعك ضمن صفوته من أشاوس العمل الحقلي من اخوانك إللي ياكلوا الزلط؟

نصيحتي لكي ولا أهبط من عزيمتك ودعواتي لكي ولغيرك بدوام التوفيق ان شاء الله.

أولا: إذا كنتي تهوي العمل الحقلي فابحثي عن الشغل الخفيف المتمثل في الأعمال الاشرافية كالاستشاريين أو العمل الحكومي المتمثل في المتابعة البسيطة وليست المضنية.

ثانيا: وهو الأهم من وجهة نظري والله أعلم. عليكي بالعمل المكتبي فتميزك به يعني لكي أن غيرك لن ينافسكي فيه فبرامج تصميم الطرق متاحة وموجوده وليست بالقليلة إعرفي منها ما يطلبه السوق وادرسيه درسا مستميتا.

ثالثا: ليس عليكي أن ترتبطي بفكرة الطرق فقط هندسة المساحة مجالاتها وتخصصاتها كثيرة وليست مقتصرة على الطرق وفقط فحاولي طرق الأبواب في مجالات مختلفة وعليكي بالبداية فقط وسوف يأتي التعليم في مجالك الجديد كنظم المعلومات مثلا .


وفي النهاية أتقدم بكل الحب والتقدير والاحترام لكل اخواني وأخواتي أعضاء المنتدى وأعضاء الرابطة وأهنيهم (ولو إنها متأخره بس ملحوقة إن شاء الله) على التخرج ويا رب عقبال التفوق في الحياة العملية

شكرا ليك يا اسلام على مجهوداتك الرائعة
يا رب أكون أفدك يا باشمهندسة


محمد الفرارجي
السويدي للكابلات
مابوتو - موزمبيق

ممكن اقولك عبدك حق اوى اوىالبنات متنفعش تنزل موقع اول صعب اوى
انا خريجة مساحة بس شغالها مهندس اتوكاد واعمل الحصر المدنى فى مكتب واوقات بنزل موقع للمعاينة وبجد بعانى
وبنسبة للمهندسة منا عوض بجد كويسة اوى انك ماشية فى الموضوع كدة وشاطرة فية بس مش هتتميزى وتبقى زى مدنى ابدا غير لو كنت متفوقة اوى فيها غير كدة هتعانى وانا بقولك كدة عشان شغلى كله مع خريجى هندسة والحمد الله بحاول اتميز اما بنسبة للموضوع بتاع الدبلومة اسألى علية بجد وانا معاكى

[Hassan Mohamed]

متابعة جيدة جدا يا شباب

[دفع الله حمدان هجو]

اولا:اسف لو كان ردي علي موضوع جاء متاخر (لاني لاول مرة اشوف هذا الموضوع )
ثانيا: اذا عرفتي اختي العزيز ان نسبة 75 % من اعمال الطرق هي مساحة اذن من السهل جدا ان تصبح مهندس طرق
الفهم الخاطي عند اغلب الناس ان مهندس الطرق لازم يعرف برامج التصميم وحساب الكميات والكلام دا ماصاح لانو في فرق بين عملية التصميم والتنفيذ ويمكن ان يكون مصمم الطرق مساح

عن تجربتي انا خريج مساحة واعمل في الطرق منذ التخرج والي الان وعملت مهندس طرق ووصلت الي مدير مشروع طرق بل مدير مشاريع شركة تعمل في الطرق