المساعد الشخصي الرقمي

مشاهدة النسخة كاملة : مفاجأه من العيار الثقيل .. الفراعنه كانوا مسلمين ؟؟؟ موضوع للنقاش الجاد



خالد أبوسعده
08-02-2009, 05:01 PM
بسم الله الرحمن الرحيم


طبعا كلنا عارفين ان الفراعنه كان عندهم عدد مش بطال من الالهه


رع


اتون


حور


و غيرهم كتير


دلوقتى انا عايز افتح موضوع للنقاش ياريت منستهونش بيه


الفراعنه كانوا مسلمين ؟


فى دكتور مهندس اسمه اسامه السعداوى عمل ابحاث استغرقت سنوات و كانت نتيجته ان 90% من ترجمه شامبليون و الغرب لللغه الهيروغريفيه كانت خاظئه و انها ترجموها على اهوائهم و كانت النتيجة ان التاريخ الى ذكروه نصه خاطىء و انه استطاع انه يترجم اللغه اهيروغريفيه و كانت النتيجة انه اكتشف ان الفراعنه كانوا مسلمين و مؤمنين بالله


و ان اسامى الملوك كلها الى اترجمت كانت غلط و ان كل ملك اخد اسمه من صوره قرأنيه و الخرطوشه الى كان بيبقى عليها اسم الملك كانت بتبقى حروفها اختصارات لايات من القران



و انه اكتشف سر بناء الهرم الاكبر


انا الموضوع دا طبعا مصدقتهوش فى الاول


بس شوفوا الصور دى كدا و نرجع بعدها نكمل كلامنا


http://www.ossama-alsaadawi.com/Alsaadawi%20-%20Ima/004%20Ancient%20Egyptian%20Pictures/Garden-Prayer.jpg
http://www.ossama-alsaadawi.com/Alsaadawi%20-%20Ima/004%20Ancient%20Egyptian%20Pictures/IV-0055.jpg
http://www.ossama-alsaadawi.com/Alsaadawi%20-%20Ima/004%20Ancient%20Egyptian%20Pictures/group-prayers-egypt.jpg
http://www.ossama-alsaadawi.com/Alsaadawi%20-%20Ima/004%20Ancient%20Egyptian%20Pictures/reciter-heart.jpg
http://www.ossama-alsaadawi.com/Alsaadawi%20-%20Ima/004%20Ancient%20Egyptian%20Pictures/SaLSaL.jpg
http://www.ossama-alsaadawi.com/Alsaadawi%20-%20Ima/004%20Ancient%20Egyptian%20Pictures/IV-0090.jpg


http://www.ossama-alsaadawi.com/Alsaadawi%20-%20Ima/004%20Ancient%20Egyptian%20Pictures/IV-0003.JPG
http://www.ossama-alsaadawi.com/Alsaadawi%20-%20Ima/004%20Ancient%20Egyptian%20Pictures/IV-0008.jpg
http://www.ossama-alsaadawi.com/Alsaadawi%20-%20Ima/004%20Ancient%20Egyptian%20Pictures/IV-0009.JPG
http://www.ossama-alsaadawi.com/Alsaadawi%20-%20Ima/004%20Ancient%20Egyptian%20Pictures/IV-0069.jpg
http://www.ossama-alsaadawi.com/Alsaadawi%20-%20Ima/004%20Ancient%20Egyptian%20Pictures/IV-0096.jpg



تفتكروا فكرتوا فى ايه بعد ما شوفتوا الصور ؟؟


نكمل كلامنا


والحقيقة اخواني الكرام إن ما جاء به أسامة يستحق الدراسة بالفعل، وهو نموذج لدراسة التاريخ والآثار من وجهة نظر إسلامية.


اعتراضات كتير على الراجل دا من كل مكان و خصوصا الغرب الى مش عايزين ان كتابتهم يتقال انهم ترجموا غلط


دى جزء من موقعه بيرد بيه على الاعتراضات




فهيا بنا نقرأ كلمات اللـه الخالدة ونستشهد بها .. وكفى باللـه شهيدا


كان الاعتراض الشديد الأول من بعض الناس البسطاء متمثلا في قولهم .. كيف تورد ذكر آيات قرآنية مكتوبة ( بحروف ) هيروغليفية في حين أن القرآن نزل ( بلسـان ) عـربي مبين ؟ وكيف تكون هناك آيات قرآنية في العهد الفرعوني من تاريخ مصر القديمة في حين أن القرآن الكريم أنزل على سيدنا محمد (http://www.ossama-alsaadawi.com/_private/Shaheeda_files/Etqan-Quran.htm)صلى اللـه عليه وسلم فقط ؟ (http://www.ossama-alsaadawi.com/_private/Shaheeda_files/Etqan-Quran.htm) وكيف يكون الفراعنة مسلمين بينما لا يوجد إسلام قبل سيدنا محمد صلى اللـه عليه وسلم ؟ وكيف كان المصريون القدماء يصلون صلاة إسلامية بشعائرها الصحيحة والناس لم يعرفوا شعائر الصلاة إلا بعد أن عرفها سيدنا محمد في الإسراء والمعراج ؟
والغريب والعجيب أن إجابات كل هذه الأسئلة وردت في القرآن الكريم نفسه بوضوح شديد وتكـرار مثير للانتباه ولكن لهم عيون يقرءون بها وعقول لا تعي ما يقرءون !


يقول الله سبحانه وتعالى في كتابه الحكيم:



(( وإذ آتينا موسى الكتاب والفرقان ))



البقرة 53



ويقول سبحانه وتعالى أيضا:



(( ولقد آتينا موسى وهارون الفرقان ))



الأنبياء 48



ويقول جل وعلا:



(( تبارك الذي نزل الفرقان على عبده ليكون للعالمين نذيرا ))



الفرقان 1




قولوا آمنا بالله وما أنزل إلينا



وما أنزل إلى إبراهيم وإسماعيل وإسحاق ويعقوب والأسباط



وما أوتي موسى وعيسى وما أوتي النبيون من ربهم



لا نفرق بين أحد منهم ونحن له مسلمون



البقرة 136




وصدق من قال



ويــل لصحيـح مهجــور مـن قــول مــأثـور




اتمنى ان كل واحد يقول رايه فى الموضوع دا لانه فعلا مثير للاهتمام و خصوصا من لهم درايه بالقراءن و تفسيره التفسير الصحيح و الى بيدرسوا تاريخ مع العلم ان كل من سيدنا ادريس و يعقوب و موسى و عيسى و يوسف وسيدنا ابراهيم و غيرهم كتير من الانبياء عاشوا و دخلوا مصر


ارجوا التفاعل الجاد

ALY ELSAYED
08-02-2009, 05:32 PM
بجد يا خالد مش عارف اقولك ايه

الموضوع فوق الرائع جدا ومثير للانتباه

ويستحق الدراسه جيدا والبحث والنقاش في مثل هذا الموضوع

والصور كلها فعلا فيها الروح الاسلاميه والامثال القرائنيه

سبحان الله

بس انا متاكد ان ايام الفراعنه عاصره انبياء كتير ومرو بمصر

جزاك اله كل خير يا خالد ومنتظر باقيه الاراء

خالد أبوسعده
08-02-2009, 05:43 PM
انا بشكرك جدا يا كارمو على التفاعل الجاد دا

انا فى الاول لما قريت الكلام دا و زرت الموقع الخاص بتاع اسامه السعداوى كنت مش مصدق
بس انا قعدت 4 ساعات بقرا فى الموقع

حاجة رهيبه

انا مجيبتش من الموقع حاجة غير شويه صور

انما لو قريته صدقنى حتقول سبحان الله

و حتصدق الكلام الى مكتوب فوق دا عن يقين

شكرا كارمو على المشاركه الجميله

samomran
08-02-2009, 05:51 PM
بص

انا قرات الكلام ده من 3 سنين تقريبا

و موافق على حاجه و معترض على حاجه

فى الفراعته

هم عاصروا زمن الانبيا

لان سيدنا يوسف كان فى مصر فى وقت المجاعه


و الاكيد ان فى ناس اتبعوه على دبنه اللى هو الاسلام

لان الله قال

و ما الدين عند الله الا الاسلام


يمكن نقول احتمال النصف للنصف ان كلامه صح

و النص انه غلط

AHMED FTIHA
08-02-2009, 06:32 PM
والله ياخالد الموضوع مثير للانتباه فعلا
بس احنا منقدرش نحكم على حاجة مشفنهاش واللى معانا دلوقتى اثار
ومعجزة القران منزلتش الا على سيدنا محمد صلى الله عليه وسلم
ولكن تفسير الصور بيقول ان اللى موجود دة قران سيدنا محمد دى اول حاجة وخلى بالك كدة تفسير الايات القرانيه غلط خلى بالك كدة لازم فتوة لان نص القران نزل من بدايه سيدنا محمد للعالمين
والكتب قبل زلك كان فيها نفس النهج ولكن بشكل مختلف
تانى حاجة الصلاه اللى فى الصورة دى صلاتنا من ايام سيدنا محمد وليس قبل ذلك وبعدين صلاة الجماعه مكنتش موجودة قبل زلك
بس اكيد فى ناس ايام الفراعنة اتبعوا بعض الانبياء ولكن الاكيد اكثر ان عبادتهم كانت مختلفه تماما عن عبادتنا اقصد(الاسلوب)
تمام
دى غير ان فى ايات قرانيه كتيرة جدا اتكلمت عن كفر الفراعنة
والله اعلم
الف شكر خالد

خالد أبوسعده
08-02-2009, 06:52 PM
انا بشكرك جدا يا اسلام على المشاركه الفعاله

و بشكرك يا احمد على مشاركتك

بس انا جيبت رده على موضوع ان الناس بتعارضه بنفس سبب الاعتراض بتاعك دا

و كان رده بكل بساطه الى انت قريته فوق دا غير انه كان جايب احاديث و ايات تانيه

و دا الى خلانى اعتقد انه ممكن اوى يكون كلامه صح

essam abd elftah
08-02-2009, 07:08 PM
الموضوع جميل يا خالد ويارب تكون المعلومات دى صحيحه

خالد أبوسعده
08-02-2009, 08:18 PM
انا عايز رايك يا عصام فى الكلام دا

انت ايه رايك؟؟؟

Wild_Angel
08-02-2009, 08:23 PM
مممم مش عارفه
بس أنا اعتراضى هو تقريبا مماثل لكلام أحمد

عموما احتمال كبير يكونو مسلمين
والله أعلم

S2AH
08-02-2009, 08:39 PM
الاول انا بشكرك جدا على الموضوع الرهيب دة
بس انا بجد مش عارفة لانى بصراحة استغربت جدا لما قريت الموضوع
وخصوصا ان فى ايات فالقران تدل على كفر الفراعنة واللة اعلم
وبعدين الناس اللى ترجمت غلط اية مصلحتها فكدة ؟
بس طبعا ياريت يكونو مسلمين هنفتخر بيهم اكتر عشان على الاقل الجيل الجديد ميخدوش نفس الفكرة اللى احنا اخدناها عنهم
او اتعلمناها فالمدارس
وجزاك اللة كل خير على المعلومات دى اللى يارب تكون صحيحة

خوخة
08-02-2009, 09:16 PM
انا مستغربة الموضوع بجد واول مرة اشوف حاجة زي كدة رغم اني مهتمة جدا بدراسة التاريخ وبحبه اوي عشان كدة دخلت في الثانوية ادبي عشان التاريخ وعلطول قاعدة قدام التليفزيون بتفرج علي البرامج التاريخية واكتشافات زاهي حواس لدرجة ان لو في مزيكة حصب الله مش بسمعها بيبقي انتباهي كله علي البرنامج وممكن اتفرج عليه كذا مرة ومش بذهقبس فعلا الموضوع محتاج لدراسة لأن لو الموضوع كدة صحيح يبقي المائدة هتتقلب رأسا علي عقب وهنعيد دراسة التاريخ مرة تانية بشكل جديد ومن منظور تاني هنحتاج طبعا الاف الأبحاث والدراسات عشان نتأكد طب ممكن تديني موقع الدكتور اللي اكتشف الموضوع دا
عشان عايزة اعرف اكتر واكتر عن الحكاية دي
اكون ممنونة جدا
:):)::o:o:):):o:o:):):o:o:):):o:o:):):o:o:):):o:o: ):):o:o:):):o:o:):):o:o:):):o:o:):):o:o:):):o:o

خالد أبوسعده
08-02-2009, 11:11 PM
انا مستغربة الموضوع بجد واول مرة اشوف حاجة زي كدة رغم اني مهتمة جدا بدراسة التاريخ وبحبه اوي عشان كدة دخلت في الثانوية ادبي عشان التاريخ وعلطول قاعدة قدام التليفزيون بتفرج علي البرامج التاريخية واكتشافات زاهي حواس لدرجة ان لو في مزيكة حصب الله مش بسمعها بيبقي انتباهي كله علي البرنامج وممكن اتفرج عليه كذا مرة ومش بذهقبس فعلا الموضوع محتاج لدراسة لأن لو الموضوع كدة صحيح يبقي المائدة هتتقلب رأسا علي عقب وهنعيد دراسة التاريخ مرة تانية بشكل جديد ومن منظور تاني هنحتاج طبعا الاف الأبحاث والدراسات عشان نتأكد طب ممكن تديني موقع الدكتور اللي اكتشف الموضوع دا
عشان عايزة اعرف اكتر واكتر عن الحكاية دي
اكون ممنونة جدا
:):)::o:o:):):o:o:):):o:o:):):o:o:):):o:o:):):o:o: ):):o:o:):):o:o:):):o:o:):):o:o:):):o:o:):):o:o



بجد انا سعيد جدا بمشاركتك الجميله دى يا خوخه

يا سلام
داانتى تؤمرى

موقع الدكتور دا اهه

http://www.ossama-alsaadawi.com/_private/main.htm (http://www.ossama-alsaadawi.com/_private/main.htm)

بس لو غيرتى رايك او اكدتيه ياريت تبقى تقوليلنا

خالد أبوسعده
08-02-2009, 11:14 PM
انا بشكر كل الى شاركوا فى النقاش

و طبعا المعلومات دى ربنا اعلم اذا كانت صحيحه او لا

بس انا لفتت نظرى جمله تانيه فى موقع الدكتور دا

قال ليه لما المسلمين فتحوا مصر مهدوش تماثيل الفراعنه

و مع انهم فى الوقت دا المفروض انهم الهه او بمعنى اصح اصنام

و كان وقتها الاصنام طبعا كلنا عارفين كان بيحصل فيها ايه

ايه العرب سابوها

ليه ابو الهول فضل و محدش هده

اكيد السؤال دا وراه مغزى كبير و الله اعلم

essam abd elftah
08-03-2009, 03:27 PM
انا عايز رايك يا عصام فى الكلام دا




انت ايه رايك؟؟؟





والله ياخالد انا مش مقتنع بصراحه

Marwa Mahmoud
08-03-2009, 04:02 PM
مش عارفة يا خالد موضوع مثير فعلا وغريب فى نفس الوقت

حاجة تحير عامة دى حاجات ربنا واحدة اللى عالم بيها

ومحدش عارف الحقيقة فين وكلام مين اللى صح وكلام مين اللى غلط

لان دة موضوع من مئات بل ألف السنين بجانب التزييف الموجود فى التاريخ دلوقت

ومعلومات كتير بتوصلنا غلط ومن مصادر غير موثوق فيها وللأسف بنسدأها

فالله أعلى وأعلم

وبجد بشكرك جداا على الموضوع الرائع ده

خالد أبوسعده
08-03-2009, 11:36 PM
مش عارفة يا خالد موضوع مثير فعلا وغريب فى نفس الوقت



حاجة تحير عامة دى حاجات ربنا واحدة اللى عالم بيها


ومحدش عارف الحقيقة فين وكلام مين اللى صح وكلام مين اللى غلط


لان دة موضوع من مئات بل ألف السنين بجانب التزييف الموجود فى التاريخ دلوقت


ومعلومات كتير بتوصلنا غلط ومن مصادر غير موثوق فيها وللأسف بنسدأها


فالله أعلى وأعلم



وبجد بشكرك جداا على الموضوع الرائع ده




العفو يا مرمر

فعلا انتى عندك حق الله اعلى و اعلم

بس انا لفت نظرى الصور دى

و الكلام الى بيقوله ممكن اوى يبقى منطقى

eslam mamdouh
08-04-2009, 01:55 PM
موضوع جميل جدا يا صديقى العزيز



اولا اطلب من الجميع التحدث فى اى موضوع بشكل موضوعى سليم

مش بالاهواء


يعنى انا نفسى اثبت ان الفراعنه كانو مسلميين

يبقى اكيد انا هكون غلط لان اى دليل هيكون فى ايدى

هحاول احوره واثبت بيه هدفى

لكن الصح

ان ابحث فى اصل الفراعنه .............

اولا يعنى ايه انى اقول ان اسماء الفراعنه اختصار لاحرف موجوده فى القران

القران نزل على سيدنا محمد امتى ............والفراعنه كانوا امتى....


الفراعنه كانوا قبل سيدنا محمد بكثير جدا جدا والقران نزل على سيدنا محمد بعد ذلك بكثير


يبقى الكلام ده خطاالسؤال التانى

هل الفراعنه كانوا مؤمنيين بالله الواحد؟...

تعرفوا الفراعنه كانو بيعبدوا كام الاله وكان عندهم كام معبد لكام معبود

وانت عارف ان كل اسره من الاسر ليها اله غير الاسر الباقيه
سؤال للجميع


انتم عارفيين

ان نظريه الحكم عند الفراعنه هى الاله الحاكم

يعنى ان حاكم هو اله معبود من جميع شعبه

الكلام اللى مكتبو فوق بصراحه يدل على انسان لغا عقله تماما من التفكير

ومعندوش اى خلفيه تاريخيه بيحاول يثبت حاجه معينه من صور مش بدل على اى حاجه



بالمنطق ده

انا هثبتلك ان كونفوشيوس كان اصلا مسلم


صوره لكونفشويوس هو بيصلى اهو

http://news.bdr130.net/newspics/566923.jpg




يا جماعه رجاء التفكير بالعقل بعيدا عن الاهواء والميل الذاتى


انا عارف بعا يا خالد انك بتنقل الموضوع ده للمناقشه من اكثر

ومش شرط انك تكون معتقد بيه


شكرا ليك على الموضوع المميز

samomran
08-04-2009, 02:03 PM
بص يا سولوم

انا معاك فى حاجات
لكن معترض على حاجه



سيدنا موسى كان مسلم


سيدنا يوسف كان مسلم

كل الانبيا كانوا مسلمين


خد بالك


و ما الدين عند الله الا الاسلام

كل الانبيا ماتوا على دين الاسلام

و ما محمد الا رسول الله قد خلت من قبله الرسل

خد بالك من دى

eslam mamdouh
08-04-2009, 02:15 PM
بص يا سولوم

هل سيدنا موسى وسيدنا يوسف كانوا يعرفو الران الكريم وعارفيين اياته؟؟؟؟؟؟؟؟؟؟؟؟؟؟


كلمه الاسلام بمعناها الشامل هو السلم والطواعيه التامه لكل ما امر الله به على لان رسله


الفراعنه كانوا كافريين بالله................من الممكن ان يكونوا امن البعض منهم فى فتره وجود سيدنا يوسف كعزيز مصر

كما جاء فى القران


لكن مش الدين الاساسى عند الفراعنه هو الاسلام

كلام خطا تماما.............والصور دى لا تدل على اى شى

لكن واحد ................جاهل فى التاريخ بيحاويل يثبت بيها شى وخلاص

هو عايز يثبته

خالد أبوسعده
08-04-2009, 02:29 PM
اولا انا بشكرك جدا يا اسلام على التفاعل


ثانيا انا اكيد مش مقتنع بالكلام دا بس لحد دلوقتى انا مش شايف اثبات على ان الكلام دا غلط


بانسبه لسؤالك الاولانى


كيف تورد ذكر آيات قرآنية مكتوبة ( بحروف ) هيروغليفية في حين أن القرآن نزل ( بلسـان ) عـربي مبين ؟ وكيف تكون هناك آيات قرآنية في العهد الفرعوني من تاريخ مصر القديمة في حين أن القرآن الكريم أنزل على سيدنا محمد (http://www.ossama-alsaadawi.com/_private/Shaheeda_files/Etqan-Quran.htm)صلى اللـه عليه وسلم فقط ؟ (http://www.ossama-alsaadawi.com/_private/Shaheeda_files/Etqan-Quran.htm) وكيف يكون الفراعنة مسلمين بينما لا يوجد إسلام قبل سيدنا محمد صلى اللـه عليه وسلم ؟ وكيف كان المصريون القدماء يصلون صلاة إسلامية بشعائرها الصحيحة والناس لم يعرفوا شعائر الصلاة إلا بعد أن عرفها سيدنا محمد في الإسراء والمعراج ؟
والغريب والعجيب أن إجابات كل هذه الأسئلة وردت في القرآن الكريم نفسه بوضوح شديد وتكـرار مثير للانتباه ولكن لهم عيون يقرءون بها وعقول لا تعي ما يقرءون !


يقول الله سبحانه وتعالى في كتابه الحكيم:


(( وإذ آتينا موسى الكتاب والفرقان ))


البقرة 53


ويقول سبحانه وتعالى أيضا:


(( ولقد آتينا موسى وهارون الفرقان ))


الأنبياء 48


ويقول جل وعلا:


(( تبارك الذي نزل الفرقان على عبده ليكون للعالمين نذيرا ))


الفرقان 1


قولوا آمنا بالله وما أنزل إلينا


وما أنزل إلى إبراهيم وإسماعيل وإسحاق ويعقوب والأسباط


وما أوتي موسى وعيسى وما أوتي النبيون من ربهم


لا نفرق بين أحد منهم ونحن له مسلمون


البقرة 136


وسمى صلى الله عليه وسلم الزبور قرآنا في قوله ..
وخفف على داوود القرآن





ان الدين عند الله الاسلام


هو الفرقان دا مش القران ؟؟


الى بيفرق بين الحق و الباطل


مكتوب فى القران اهه انه ربنا انزله على موسى و هارون


دا غير ان دعاء سيدنا ابراهيم


كل دا بيؤيد نظريته


تانى حاجة


طبعا انت عارف ان المسلمين ايام الفتوحات كانوا بيدمروا الاصنام و بيكسروها


و خصوصا فى عهد الخلفاء الراشدين


ليه لما عمرو بن العاص دخل مصر و عمر بن الخطاب الخليفه مامروش ان تماثيل الالهه تتهد ؟؟


ليه مهدوش ابو الهول و مع العلم انهم العرب هم الى سموه ابو الهول ؟؟؟


ايام الفرعنه كانت اليهود مالين مصر و عايشين فيها


هم دول كانوا بيعبدوا مين؟؟؟


و معقول ان مصر بقوه تاريخها و حضارتها ربنا مبعتلهاش رسل لهدايتهم


و فى الوقت ذاته كان بيبعت لقرى زى عاد و ثمود رسل كتيييير اوى


فاهم قصدى يا سولوم



http://www.ossama-alsaadawi.com/Alsaadawi%20-%20Ima/004%20Ancient%20Egyptian%20Pictures/Zodiac-Virgo.jpg
الصوره دى وردت كتير اوى فى نقوش القدماء


نفس الست بنفس الطفل


هو مفيش غيرها الى خلف يعنى ولا دا بيدل على انها حاله شاذه ؟؟


او على انها السيده العزراء ام سيدنا عيسى عليه السلام ..؟؟


دى اولا


ثانيا موضوع الالهه و التواريخ


الراجل دا قال ان كل الترجمات بتاعت شامبليون غلط


يعنى القصص و الاساطير و الالهه و كل دا غلط


و بعدين ازاى لغى عقله من التفكير


دا بيرد على استفسارات كتير


و اى بلد مهما كان قدمها لازم تسيب اثر لاساميهم


زى اوروبا و شبه الجزيره العربيه على سبيل المثال


طب انت عمرك سمعت عن اسم واحد خوفو


ولا واحد خفرع


ولا حتشبسوت


دا بيقول ان كل الترجمات دى غلط



و انا شايف ان مفيش غلط فى كلامه بس فى نفس الوقت مش مصدقه تصديق تام


علشان كدا عرضت الموضوع لو حد عنده سبب مقنع يقول

AHMED FTIHA
08-04-2009, 02:43 PM
اولا :بشكرك جدا ياخالد على الموضوع دة فعلا هو مهم وخلانى افكر كتير اوى
بس اللى مخلينى مش مقتنع ان الرسول صلى الله عليه وسلم ميزه الله بمعجزه القرأن الكريم وهى ميزته عن مختلف الرسل والنبيين والا مكنش انزل عليه الوحى ببدايه القران الكريم
ولذلك اللى المفروض نؤمن بيه هو ان مفيش حد كان يعرف نص القران قبل سيدنا محمد والكلام دة فى القران نفسه والاعتقاد بغير كدة مينفعش وباطل

وكل نبى ورسول كان بينزل لرساله معينه وتبليغ امر معين لقوم معينين
وعتقدش هدم ابو الهول او عدمه هو اساس الموضوع دة كان اسباب تانيه
وخلى بالك ياخالد الموضوع دة محتاج لفتوة وراى ناس فى الدين علشان متظهرش اراء تبعد عن الدين والحقيقه
وشكرا ياخالد مرة تانيه على الموضوع

خالد أبوسعده
08-04-2009, 02:53 PM
انا بشكركم على النقاش الممتع دا يا جماعه


بص يا احمد


انا معاك ان القران نزل بصورته دى على سيدنا محمد


بس تحب اجيبلك ايات من التوراه و الانجيل من القران ؟؟


كتاب اسمه



الإتقان في علومالقرآن



للحافظ جلال الدين السيوطي




849 - 911 هجرية / 1445 - 1506 ميلادية ..



رقم الإيداع 10849/96 .. الترقيم الدولي 977-11-1042-X




دا بيجيبلك ان الفرق بين القران و الانجيل و التوراه 3 سور بس




الفاتحة وآية الكرسي وخاتمة البقرة




ها ايه رايك بقى؟؟؟

AHMED FTIHA
08-04-2009, 02:56 PM
تمام ياخالد الف شكر بس ياريت تجبلنا فتوة على الكلام دة
طب معلش فى حاجة تانيه طريقه الصلاه عمرها ما تكون زى صلاتنا ابدا
معلش وجعت دماغك

samomran
08-04-2009, 03:01 PM
و الله يا جماعه حاجه تحير فعلا



بس انا عايز اقولك حاجه يا سولوم


كل الانبيا على فطره الاسلام
و اسال اى حد مختص فى الدين



لان سيدنا يوسف فى نهايه قصته بعد ما اجلس امه و ابوه على العرش


دعى و قال اللهم توفنى مسلما و الحقنى بالصابرين

و انا ما قولتش ان الفراعنه كانوا على الاسلام

لكن لو كلامه صح


يبقى ما كانوش على دين محمد و يتبعوا سنته

لكن اكيد كانوا على دين اى نبى او رسول فى زمنهم و كان عى منهج الاسلام و لكن ليس فى صلاته او نسكه


فاهم انا عايز اقول ايه


مش شرط انهم يصلوا نفس الصلاه

لكن على نفس المنهج

التوحيد و الايمان باليوم الاخر

محمد حمدى
08-04-2009, 03:04 PM
السلامو عليكم
.... موضوع فعلا غاية فى الروعة والجمال ... انا حرد رد تانى النهاردة بس بالليل يا موبوتو ... انتظرونى ببقى ...

AHMED FTIHA
08-04-2009, 03:08 PM
السلامو عليكم
.... موضوع فعلا غاية فى الروعة والجمال ... انا حرد رد تانى النهاردة بس بالليل يا موبوتو ... انتظرونى ببقى ...
منتظرينك يا حمدى ووحشتنا اوىىىىىىىىى

خالد أبوسعده
08-04-2009, 09:53 PM
انا معاك يا سولوم

يارب وجهه النظر تكون وصلت يا احمد

بس انا مستنى حد يطلعلى غلطه فى كلام الراجل دا بدليل قوى لانه ببساطه رد على كل الاعتراضات من القران و الاحاديث

منتظر بقيه الاراء

GehaD .R.M
08-04-2009, 11:03 PM
السلام عليكم ورحمه الله وبركاته
اولا اود ان اشكرك على هذا الموضوع المثير للمناقشه والجدل
ورأيى الشخصى ان هذا الكلام غير صحيح والله اعلى واعلم
لكن اريد ان أقول لك ان الفراعنه قد يكونو مسلمين حقا
ولكن بدعوة الرسل التى جاءت فى عصرهم
وذلك لان الدين عند الله ما هو إلا الإسلام وان كل الرسل جاءت
برساله واحده الا وهى الاسلام
ولكن تختلف الرسالات من رسول لاخر ومن نبى لاخر
حسب الزمان والمكان الذى بعث فيه ليؤدى رسالته
وكل رساله وديانه للرسل جاءت لتكمل رسالة الرسول الذى سبقه حتى بعث
الرسول صلى الله عليه وسلم ليتمم هذه الرسالات وليكون خاتم الانبياع والمرسلين
اى ان رسالته كانت متممه لكل من سبقه من الرسل اى ان فى ما فى هذه الرساله لم
يسبق ان اتى بها رسول من قبله ولكن يشتركو فى الدعوة الى الاسلام
ولان الرسول "ص" تميز بأكبر معجزه الا وهى القران الكريم
فذلك يدل على ان القران لم ينزل من قبل عهد الرسول
وانت تقول ان الفرق بين القران والانجيل والقران ثلاث سور فقط
كيف يعقل هذا ؟ يمكن ان يكونو متشابهين فى المعنى وليس فى النصوص والسور
كما ان القران هو الكتاب القدسى الوحيد الذى حفظ من التحريف بخلاف الكتب الاخرى
كما ان الصلاة الاسلاميه بشكلها الصحيح لم تعرف الا بعد الاسراء والمعراج
ويقال ان حركاتها ما هى الا سنه عن الرسول"ص" بوحى من الله سبحانه وتعالى
"ما هو الا وحى يوحى" وكانت الصلاه فى عهد الرسول قبل ذلك عباره عن ذكر وتسبيح
كما كانت فى الرسالات السابقه والله اعلم
واخيرا يجب فعلا ان نستشير من عندهم العلم ونحصل على راى وفتوى قاطعه
ان هذا الكلام إما صحيح او باطل وان شاء الله سابادر واعرض هذا الموضوع على
احد رجال الدين وارجع مرة اخرى لاعرضه عليكم
وعذرا للإطاله ولكن الموضوع مهم

خالد أبوسعده
08-04-2009, 11:10 PM
الله يفتحها عليك

بجد انا كنت منتظر مشاركه زى مشاركتك دى

نقاش جميل فعلا

فى موضوع الفرق الكتاب انا ذكرته بالاسم بالكاتب برقم الايداع بكل شىء

انا مش مع ولا ضد

بس انا مستنى كلام سليم ميكونش الراجل دا ليه رد عليه و الا كلامه صح

و انا مستنى ان شاء الله عرضك بس انصحك انك تعمل تقرير شامل عن كل ما جاء به هذا الرجل من ادله
و تعرضها على رجال الدين

و انا منتظرك هنا ان شاء الله مره تانيه و الف شكر على مشاركتك الفعاله

alaa eid
08-05-2009, 09:44 PM
بصراحة يا خالد موضوع جاااااااااااااامد وانا لدلوقتي مستغربة جدااااااااا ومش عارفة بصراحة اذا كان هذا الكلام صحيح ام خاطئ الله اعلم واعلي وانا مع اسلام ان الفراعنة كانوا ازاي زي ما بيقول استاذ اسامة انهم بيعبدون الله الواحد القهار وازاي كان بيعبدون الاله الحاكم وغير كده كانوا يعبدون المخلومات كالشمس وغيره فبصراحة الموضوع ده خلاني فعلا ابحث في هذا المووضوع وفعلا بأذن الله سوف اناقشه مع دكاترة قسمي لان لاول مرة اسمع عنه مع ان اخدت في اولي كلية الفراعنة وكل اعتقادنا انهم كافرين فبجد مش عارفة اقول ايه وانا هاقرا كل حاجة في لينك الموقع



جزاك الله كل خير علي طرحك لهذا الموضوع


اسفة علي الاطالة

خالد أبوسعده
08-06-2009, 03:04 PM
و الله هو دا الى كنت مستنيه


مشاركه دارسى التاريخ و مشاركه دارسى الدين كويس

بصى يا الاء هو لما جا اتوجهله السؤال دا قال انه الفراعنه لم يكن عندهم وسله للكتابه و لكن كانوا بيعبروا عن كل حاجة بالصور كوسيله للكتابه

و طبعا علشان يوصلوا الفكره صح كانوا بيبالغوا ى الرسومات او بيغيروا فى الملامح زى انهم يغيروا شكل الوجه بطائر او غيره علشان يميزوا ان دا غير بقيه المصريين و انه كذا او كذا

لكن ترجمات الغرب قالت ان دول الهه




بصى يا الاء انا ان شاء الله حستنى مشاركتك الى جايه و مشاركه جهاد


و ياااااااارب توصلوانى لاى سبب مقنع ان كلام الراجل دا غلط


او ان تيجو تقولولى ان كلامه صح


و فى الحالتين حنعرف الحقيقه


و الله اعلم

alaa eid
08-07-2009, 01:53 AM
بأذن الله انا هاشوف الموضوع ده بس من رايي انه غلط وربنا يسهل ونشوف كده

خالد أبوسعده
08-07-2009, 11:41 PM
انا مستنى تثبتيلى ان الكلام دا غلط يا الاء

ربنا يوفقك

mshayeb
09-16-2009, 04:26 AM
niceeeeeeeeeeeeeeee

خالد أبوسعده
09-16-2009, 03:14 PM
شكرااااااااااا