المساعد الشخصي الرقمي

مشاهدة النسخة كاملة : عاوز اكون مساح



mohamed_eltabakh
08-03-2009, 12:59 AM
ياريت حد يجاوبنى

انا خريج تربية دمنهور قسم مواد اجتماعية

درست جغرافيا ومساحة مستوية وخرائط

هل ممكن اكون مساح

فية دورات لمدة سنة مثلا او اقل

ياريت حد يجاوبنى ازاى ابقى مساح بس غير دبلومة الاداب

Mahro
08-03-2009, 01:48 AM
لو انته فعلا بتحب ده يبقى اكيد بازن الله هتنجح

بس الموضوع محتاج منك تفكر تبدأ ازاى والموضوع حقيقى مش محتاج لدراسه

وانت كمان بتقول انك درست مساحه مستويه وخرايط وده كافى عشان تكون مساح ده بالأضافه انك تلم بللأجهزه

وده يوفرهولك مكان زى الرابطه مثلا على ما اعتقد وربنا يوفقك وتحقق كل الى تتمناه

ALY ELSAYED
08-03-2009, 02:29 AM
السلام عليكم ورحمه الله وبركاته

احب اشكرك اخويا محمد علي المشاركه

بس انا اعرف ان الرابطه مختصه بخريجي قسم الجغرافيا بالجامعات المصريه

وانصحك انك تتصل بالرابطه احسن وحتلاقي ارقام التليفونات والي انتا عايز تعرفه عن الرابطه

في قسم اعلانات الرابطه موضوع باسم كل ماتحب ان تعرفه عن الرابطه

جزاك الله كل خير

عبد الرحمن الشربتلي
08-03-2009, 01:05 PM
ممكن حد من الاخوة ال ردوا علي الاخ محمد يقولولي ايه فايدة شعبة المساحة و الخرائط في قسم الجغرافيا طالما انة ممكن العمل كمساح بمجرد دراسة مواد مساحة في اي كلية غير متخصصة
عبد الرحمن الشربتلي
مكة المكرمة
دفعه 1999

عبد الرحمن الشربتلي
08-03-2009, 01:11 PM
تحياتي لكن لي تحفظ كبير علي كلامك اخر الكريم مين ال قال ات دراسة مادة المساحة المستوية و الخرائط ( ؟! ) كثيرا من الاخوة الزملاء في القسم مستائين من الوضع في سوق العمل و معظمهم يرجع المشاكل تلك لعدم وجود نقابة فقط لكن اولا و قبل النقابة يجب علي كل منا اي يحافظ علي تخصصة و يرفض دخوله غير المتخصصين .
كما اني لا اعتقد ان الرابطة تسمح بتدريب من هم خارج تخصص المساحة
تحياتي للجميع
عبد الرحمن الشربتلي
مكة المكرمة
دفعه 1999

mohamed_eltabakh
08-04-2009, 12:59 AM
مشكوربن بس معنى كلامكم انى مينفعش اتدرب فى الرابطة ولا اية

خالد أبوسعده
08-04-2009, 02:02 AM
بسم الله الرحمن الرحيم


اولا انا بشكر المهندس عبد الرحمن على صراحته و انا معاه فى كلامه لو كل واحد فى تخصصه حنرتاح كتير


الرابطه لايمكن ان توافق على تدريبك و انت ليس خريج قسم الجغرفيا على الاقل


دا غير انك يا استاذ محمد حتى لو اشتغلت مساح لايمكن اطلاقا ان تتساوى مع خريجى شعبه المساحه و الخرائط


لان دول بمعنى اصح دارسين المساحه اكاديميا و ليس كورسات


دا غير المامهم الشبه التام باشياء اخرى كثيره كالاستشعار عن بعد و المساحه الجيدوسيه و المساحه التصويريه و التاكيومتريه


و برامج الجى اى اس و غيرها من البرامج المستخدمه فى المجالات السابقه


انت ممكن سهل انك تشتغل مساح


بس لايمكن ان تتساوى فى سوق العمل باخصائى المساحه و الخرائط


فى التعيين و فى سعرك فى السوق و فى ترقياتك و فى خبرتك و مجال شغلك


و دا الفرق لان الخرجين بيكون خبرتهم اعلى بكتير


مش سائقين للجهاز فقط


ارجوا تكون وجهه نظرى وصلت و طالما انت ناوى تشتغل مساح


انصحك بالخبره من الموقع و الاعتماد على بعض الكتب الى تساعدك على المامك بعلوم المساحه و الخرائط


ارجو تقبل مرورى

عبد الرحمن الشربتلي
08-04-2009, 02:20 PM
ننتظر تعليق الرابطة للاهمية

Mahmoud Slem
07-22-2010, 02:28 PM
انا هقول رائى اللى انا عارفه اللى الرابطة هتقوله

هو لا مجال لغير خريجى اقسام الجغرافيا فى التدريب او اخذ تصريح بمهنه المساحة
مش معنى انك اخدت ماديت بس وفى سنه واحده انك بقيت تعرف تشتغل فى المساحة
لان المساحة ده علم كبير جدا
وعمرك ما هتتساوى بواحد درس اكتر من 15 ماده علميه خاصه بالمساحة ونظم المعلومات

لانه ببساطة هو اتعلم الاساس النظرى اللى على اساسه اتعلم العملى وعرف فكره اى جهاز بتشتغل ازاى

انا برد بالنيابه عن الرابطه انه مينفعش الرابطه تديك شهاده او تدربك عندها على مهنه المساحة وانت ليس من خريجى قسم الجغرافيا

وحتى لو اخدت الدوره دى فى اى مكان تانى غير الرابطه هيبقى شغلك محدود ومعروف كويس جدا

لانه زى ما خالد قال انه مش هتتساوى بواحد تعب 4 سنين فى دراسه

واحب اقول لكل شخص رد ببساطة وكانه عادى اى حد ممكن يشتغل فى المساحة اسف جدا ردك لا يناسب هذا المكان

Esl@M Eng
03-17-2011, 08:45 PM
نا تالتة اداب قسم خغرافيا وعايز اخد دورات فـ الاجهزة المساحية ..
انا فى القاهرة لو فـ مكان للرابطة ف القاهرة ارجو الافادة ..

Mahro
03-18-2011, 01:58 PM
طالما يا جماعه لا يوجد رد من الرابطه حتى الأن فسوق العمل من حق الجميع خريج وغير متعلم من اساسه وده رأى فأنا مثلا خريج شعبه عامه 2007 اعمل فى المملكه العربيه يحترمون هنا كل من يحمل شهادة اداب جغرافيا ويساون فى الراتب من لايحمل شهاده اصلا وتقبلو وفر تحياتى اخوانى وزملائى

الطوفان
06-26-2011, 11:16 AM
بسم الله والصلاة والسلام على رسول الله

مش عارف ليه دايما نحب نكسر فى جناح طير عاوز يطير

الراجل حابب المساحة وحابب يتعلمها ...

احب اقول لسيادتكم حاجه ... واللى بيجهلها بعض الناس

الموقع والمكتب شىء .. والدراسة شىء تانى خالص ...

الكليه الحقيقية اللى بيتخرج منها المساح ... هى الموقع

مش شوية كتب ودراسات اتاخد بها درجة دكتوراه مر عليها سنين .... بالاضافة لاحصائيات من سنة 80

انا رجل درست اربع سنين وللاسف ما تعلمت غير من الموقع ...

والحمد لله بقيت مدير لقسم المساحة فى شركة من اكبر شركات المقاولات فى المملكة العربية السعودية

... افتحوا الابواب فى وجه الناس يفتح الله لكم

المساحة مش حكر لاحد ........


تحياتى