المساعد الشخصي الرقمي

مشاهدة النسخة كاملة : حوار بين شباب المنتدى وبنات المنتدى



المشاكس
08-03-2009, 01:21 PM
السلام عليكم ورحمه الله وبركاته


انا شفت فكرة الموضوع بمنتدى من المنتديات وحبيت اطرحها بمنتدانا
الحوار [ الساخن ]
روعـة الأسئله التي تدور حوله
والحوار الناجح الذي سنستنتج منه
جميع التساؤلات التي تراودنا
::
::
والموضوع عبارة عن حوار مثير بين فريقين
فريق
[ الشباب ]
فريق
[ البنات ]

هناك أمور يكرهها الرجل في المرأه أو لا يستطيع فهمها
(( و ))
هناك أمور تكرهها المرأة في الرجل أو لا تستطيع فهمها
وسنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة
و موضوعية وبعيداً عن التعصب حتى نستمتع و نخرج منه بنتائج إيجابية.
::
[ بداية الحوار ]
ساقوم انا بطرح سؤال لفريق البناااات
ومن ثم
سيقوم فريق البنااات بطرح تساؤل عن أمر معين لا يعجبه في الشبااب
وسيقوم فريق الشبااب بالرد وتبرير الموقف
وبعد إعطاء الإجابات والمبررات الكافية يصبح فريق الشباب في وضع الهجوم
ويطرح سؤال على فريق البناات.....وهكذا يستمر الحوار
::
::
[ملاحظة]
يحق للجميع المشاركه وابداء الرأي ولكــن بعيدا عن التجريح
وبدووون استهزاء ..
وأرجوا أن نكون مع الحق دائماً بعيداً عن الإنتماء و التحيز..

اذا موافقين على الموضوع قولولى علشان نكمل

سلاااااااااااااااااااااااااااااااااااااااااااااااا اااااااااااااااااااام

AHMED FTIHA
08-03-2009, 03:07 PM
والله هى فكرة كويسه اوى
بس لازم يكون النقاش فى اطار معين وفى حدود علشان ميخرجش عن السياق العام
ويكون حول مواضيع هادفه ومفيدة بغرض نقاش مفيد

rosy
08-04-2009, 12:09 AM
والله الفكره حلوه يا مشاكس
بس زي ماقال احمد انها تكون في سياق معين ومحدد
وتكون اسئله ليها معني او مهمه في الحياه
مشكووووووووور
تقبل مروري

مروة على
08-08-2009, 09:35 PM
الموضوع جميل جدا وياريت يكمل وزى ما احمد وروزى قالو فى حدود الموضوع جميل بجد

semsema
08-09-2009, 12:52 PM
فكرة حلوة اوى يا مشاكس
ياله ابدء بقى

sarah m
08-09-2009, 01:35 PM
الفكرة دى حلوة خالص بس عايزين حد يبدا

المشاكس
08-10-2009, 01:11 AM
ماشى انا حبدا وحسال سؤال للبنات

ليه دايما البنات ما بيقولوش كلمه حلوه فى بعض يعنى لو فى بنت جميله كل الناس تقول عليها جميله معادا انتو ليييييييييييييه؟؟؟؟؟؟؟

وانا مش بوقع والله بس عايز اشوف ردودكم

sarah m
08-10-2009, 12:52 PM
ماشى انا حبدا وحسال سؤال للبنات

ليه دايما البنات ما بيقولوش كلمه حلوه فى بعض يعنى لو فى بنت جميله كل الناس تقول عليها جميله معادا انتو ليييييييييييييه؟؟؟؟؟؟؟

وانا مش بوقع والله بس عايز اشوف ردودكم

دة الطبيعى لان البنات بيغروا من بعض لان كل بنت تتمنى تكون احلى بنت ويكون العين عليها وتلفت الانظار حولها

Heba Bebo
08-10-2009, 02:05 PM
بتختلف يا مشاكس من بنت لاخري
يعني icoooo علطول اما تشوف بنت حلوة تقول عليها جميلة
حتي الناس بيستغربوا منها بس هي دي الحقيقة
اني دائما بحب الحاجة الحلوة اللي ربنا خلقها حلوة
مش اللي محلوة واظن كلامي وااااااااااااضح

محمد زيدان
08-10-2009, 09:23 PM
ليه الناس بتتضيق من الحقيقة وتبقى سعيدة لما الواحد يهاودهم ويكذب عليهم؟

S2AH
08-10-2009, 09:31 PM
ليه الناس بتتضيق من الحقيقة وتبقى سعيدة لما الواحد يهاودهم ويكذب عليهم؟

اة بجد معاك حق يعنى سبحان اللة لو شايف عيب فاللى قدامك وقلتلة علية يضايق جدا وممكن كمان تبقى عدوة
ولو رحت قلت من وراة بردة بيضايق ويقول لو كنت قلتلى فوشى مش هضايق
ولو نصحت اى حد بتحبة يقلب عليك
ولو دخلت معاة فمناقشة عادية جدا فاى موضوع واختلفت معاة فوجهة نظرة تبقى نهاية العالم وميكلمكش بعد كدة مع انها بتكون مناقشة مفيهاش حاجة خالص
وعشان تتجنب ان حد ميزعلش منك تتضر انك توافقة على راية مع انة مبيكونش صح
هى على العموم حاجة بتبقى فطبيعة الانسان انة لازم يبقى دايما هو اللى على حق واللى حولية هم اللى غلط
وانة مفيهوش اى حاجة تتعيب علشان الناس تنصحة او تتختلف معاة

المشاكس
08-11-2009, 01:07 AM
يلا فين سؤال البنات
احنا مستنييييييييييييييييين

Heba Bebo
08-11-2009, 01:17 AM
ممكن ابتدي

ليه الرجل بيبقي بلسم مع كل الدنيا ولو حس ان الانسانة الوحيدة اللي بتعامله حلو صدر منها شعور اعجاب وقد يكون حب
بس هو بقي
يشد في العريض جامد ويعاملها من فوق جداااااااااااا ومابتصعبش عليه خالص
مع انه مع كل الدنيا يمامة كدا
واخر مكافاة للبنت الحلوة دي
ان الامور لا بيادلها نفس الشعور
مش بجد يقي ده يبقي 550 مغرور

semsema
08-12-2009, 07:26 PM
عندك حق يا بنتى
بس متزعليش منى
مش كل الرجالة كدة
وبعدين صدقينى الراجل لما بيحب
بيبقى حاجة تانية خالص
بيبقى زى الطفل
اللى ممكن اقل حاجة تفرحة
دا راي والله اعلم

Heba Bebo
08-12-2009, 07:46 PM
صح يا سمسمة صح بس انا بقول العيب اللي بيظهر منهم لو واحد محبش الانسانة اللي قدره وضعها في طريقة وبعدين ده مش ذنبه رب العباد بيألف القلوب يبقي مش هنموته لو مابادلش البنت دي نفس الشعور بس بقول في انسحابه يكون برقة ولين علشان هي تقريبا كده بتبقي شبه العصفورة اللي امها بتعاقبها بشدة لو عملت حاجة غلط عمرها ما هتزعل من امها او ابوها والمهم انهم بيصالحوها في الاخر ... دول طيور بلا عقل ....اما نحن فرب الكون عطانا عقل وقلب لو اشتغلوا مع بعض هيدوا كثير جدا والرسول صلي الله عليه وسلم قال رفقا بالقوارير في كل شئ صح يا احلي شباب وارق بنات
(انا شبهت الحبيب بالام والاب بالنسبة للحبيبة حتي لو هو زعلها اوي اوي كتير كده يعني استحااااااااااااالة تكره او تنسي ابدااااااااااااااااااا)

مرمر
08-15-2009, 02:00 AM
والله انا رأى من رايك بحس ان لما الشاب بيحس ان الفتاة مهتمة بيه شوية او بتحبه بيبدا يتغر ويتعالى عليها وهى بتكون للاسف ضعيفة وبتحبه وهو ولا هنا

مروة على
08-15-2009, 02:29 AM
انا عايزة اسأل بعد ازنكو ليه اى ولد او معظمهم عشان منظلمش حد لما بيحب بيحاول يفرض على حببته تحكمات واوامر ولو منفزتش ممكن يسبها بسهولة ويقولها متكلميش ولاد خالص ولو كلمت زملها فى المحاضرة يبقى نهارها اسود وهو عادى يكلم اى بنت ولا فى دماغه كأن حرام ليها وحلال ليه عايزة اعرف الردود يا شباب والبنات ايه رأيكو

firehawek
08-15-2009, 03:24 AM
هو طلب منها انها متكلمش اى ولد دة عشان بيشوف مدى حبها ليه وكمان انتى قولتى انه هو يكلم براحته لانها برضوا مقالتلوش انه ميكلمش اى بنت افتكر لو كانت طلبت منه مكنش عمل كدة بس لا كدة ينفع ولا كدة ينفع والاتنين مش هيقدرو يكملو مع بعض
ودة رايي المتواضع

firehawek
08-15-2009, 03:28 AM
احب برضوا اقول بعد اذنك يا أنسه مرمر انى مش معاكى فى الكلام اللى قولتيه لان الواحد مننا لو حبيبته حست انه بيحبها وحست بضعفه مش بعيد تتأمر عليه وطلع عينه ومش بعيد تزهق منه وتسيبه لانها هتقول انه معندوش شخصيه وهو يا عينى بيحبها وخايف على زعلها واه لما الست منكم تتحكم فى واحد ربنا ما يوريكوا

حسناء
08-15-2009, 03:43 AM
انا من راي ان اخينا اللي بيقول للبنت متكلميش ولاد ده انسان مش واثق فنفسه وخايف لما تكلم ناس تانيه تكتشف عيوبه

وعلي فكره مفيش حاجه اسمها بنت تتحكم فولد او ولد يتحكم فبنت لان فكلتا الحالتين بيكون في عدم تفاهم وضعف فالشخصيات وده بدايه الفشل

المشاكس
08-15-2009, 01:52 PM
انا عايزة اسأل بعد ازنكو ليه اى ولد او معظمهم عشان منظلمش حد لما بيحب بيحاول يفرض على حببته تحكمات واوامر ولو منفزتش ممكن يسبها بسهولة ويقولها متكلميش ولاد خالص ولو كلمت زملها فى المحاضرة يبقى نهارها اسود وهو عادى يكلم اى بنت ولا فى دماغه كأن حرام ليها وحلال ليه عايزة اعرف الردود يا شباب والبنات ايه رأيكو

اولا مفيش حاجه اسمها يفرض تحكمات واوامر ولو منفزتش ممكن يسيبها دا يبقى ما بيحبش دا عايز يشوف نفسه عليها مش اكتر

وهيا بردو لو بتحبو لازم ترعى موضوع الشباب بس طبعا ما ينفعش تقاطعهم لان دى كليه ودا الطبيعى بس تراعى شعوره شويه وهوا نفس الكلام