المساعد الشخصي الرقمي

مشاهدة النسخة كاملة : الغاء اقسام المساحة و نظم المعلومات الجغرافية من الجامعات المصرية



amr mohammed
08-04-2009, 12:23 PM
ندوة جمعية مهندسى الاتصالات بالقاهرة بعنوان الجى بى اس و تطوير البرمجيات و انتاج الخرائط الرقمية بالمصريين بساقية الصاوى

حضر هذه الندوة الاستاذ محمد سعد يس مدرس المساحة و الخرائط بقسم الجغرافيا

بدأت الندوة بكلمة لمسئول الجمعية ثم بدا الحديث المهندس محمد عبدالفضيل رئيس المشروعات بوزارة الاتصالات سابقا و بشركة quality standard سابقا و كان يتحدث عن مشروعات انتاج الخرائط التى كان من المفترض ان تقوم بها بعض الهيئات الحكومية و حول انشاء خريطة رقمية موحدة لجمهورية مصر العربية تستفيد منها جميع الهيئات و الوزارات و التى لم تنفذ مع العلم انه تم وضع ميزانية ضخمة للمشروع و انه لا يوجد مستشارين لنظم المعلومات الجغرافية اكفاء قائلا ( انا لقيت واحد خريج اداب 2005 شغال استشارى نظم معلومات جغرافية ) مما اثار غضب الاستاذ محمد سعد و جعله يعترض على ما قاله قائلا ( يا بشمهندس هل الاعتراض على انه خريج اداب جغرافيا ام ان الاعتراض على انه خريج دغعه حديثه 2005) و لا اعتقد انه السبب الثانى فبسم الله ما شاء الله حضرتك لم تتعدى الثلاثين من العمر و تبوأت من المناصب الكثير اذا هو السبب الاول انه خريج جغرافيا الا تعلم ان خريجى الجغرافيا بشعبتيه قادرين على انتاج الخرائط بواسطة نظم المعلومات الجغرافية و ذلك لخبرتهم بالمساحة و الخرائط و المعلومات الجغرافية و كيفية ادارتها . حتى انه ثار عليه قائلا دول بيفهموا نظم معلومات جغرافية اكتر منك و لو ما كنتوش عارفين اهمية الناس دى و مش عارفين تستفيدوا منهم نلغى بقى شعبة المساحة و الخرائط و نقفل قسم الجغرافيا و نقعد فى بيوتنا و الطلبة دى يروحوا يشوفوا قسم تانى يطلعوا يشتغلوا فيه
و ها هى صورة من المقالة : http://up.arab-x.com/Aug09/aML87163.jpgول نظام


تلا ذلك كلام المهندس محمد الشيال صاحب اول برنامج نظم معلومات جغرافية مصرى و المهندس محمد النحاس رئيس مجلس ادارة شركة بروتراك لانتاج الخرائط الرقمية و التسويق و المهندس محمد عوض مدير المساحة بهيئة التخطيط العمرانى

و فى النهاية اعجب الحاضرون بالحديث الذى دار و عرضوا على الاستاذ محمد سعد يس عضوية الجمعية ( جمعية مهندسى الاتصالات ) و عرضوا علية عمل ندوة مشتركة بالقاهرة مع رابطة خريجى المساحة و الخرائط و نظم المعلومات الجغرافية بالجامعات المصرية بعنوان الجغرافيون و انتاج الخرائط الرقمية بمصر و التى سوف تكون انشاء الله فى سبتمبر القادم بساقية الصاوى .

AHMED FTIHA
08-04-2009, 12:28 PM
الف شكر لحضرتك على توضيح الفكرة
وشكرا لاستاز محمد سعد لانه يسعى لرفع مكانتنا

خالد أبوسعده
08-04-2009, 12:49 PM
هو الباين كدا يا احمد

انهم مش حيعتمدوا على اى خريج شعبه نظم معلومات من اى جامعه مصريه فى انتاج خرايطهم

ولا اى شركه محليه فى نفس المجال

مش كدا يا بشمهندس عمرو ؟؟

ALY ELSAYED
08-04-2009, 12:58 PM
يعني ايه الكلام ده

معني كد ان احنا عشان نشتغل في بلدنا

نسافر نتعلم بره مصر

ولا دي حجه عشان يستعينو بمهندسين من الخارج

والله شيء يحزن فعلا

بس احنا عمرنا محنيئس بالعكس احنا نهتم اكتر بقسم الجغرافيا

ونكمله من كل شيء نقصه

وفعلا نظم المعلومات الجغرافيه لابد من الاهتمام بيها اكتر من كده

داخل الجامعات

جزاكم الله كل خير

AHMED FTIHA
08-04-2009, 01:02 PM
احنا لازم نثبت نفسنا فى اى مجال للعمل
وشغلنا وانتاجنا فى العمل هواللى حيثبت كدة
ولا يأس ابدا مهما حصل طول ما احنا بنحب مجالنادة عمر ما حيقل معانا

خالد أبوسعده
08-04-2009, 01:07 PM
على فكره هو بيتكلم على شعبه نظم المعلومات بس

eslam mamdouh
08-04-2009, 01:10 PM
مهندس عمرو

ايه اخبار حضرتك



الف مبروووووووووووووووووووووووووك


استاذ محمد سعد فى المقال ده

كان بيكلم الصحفيه نجوى طه عن اهميه خريجى شعبه الخرائط والمساحه فى عمل الخرائط , انهم افضل فى مجالهم من خريجى كليه الهندسه

وفى سيلق الكلام

قال الاستاذ محمد سعد

ان لو حضراتكم مش عارفيين تستغلو الامكانيات التى يتمتع بها خريجى شعبه الخرئط...........يبقى ممكن تلغوا الشعبه

وكعاده اى صحفى ياخد الكلام اللى هو عاوزه ويستخدمه فى المقالات بتاعته فى الشكل اللى يعجبه

فاخذت كلمه الغاء شعبه الخرائط والمساحه من اقسام الجغرافيه ككلام مستقل لجذب الانتباه للموضوع بتاعها مش اكتر

...........................................


ايه رايك يا بشمهندس

الاجابه صحيحه مش كده


شكرا يا بشمهندس على الموضوع


وفى انتظار المزيد

AHMED FTIHA
08-04-2009, 01:29 PM
الله ينور عليك يابشمهندس تعليق ذكى جدا وصحيح
وفعلا انا سمعت كلام زى دة من استاز محمد قبل كدة
واكيد احنا افضل لاننا متخصصون

خالد أبوسعده
08-04-2009, 01:35 PM
كدا الرؤيه وضحت

تمام يا اسلام

amr mohammed
08-04-2009, 02:44 PM
تم توضيح المشاركة يا جماعة تقدروا تقروها تانى و انا حبيت انقلكوا الموضوع ده عشان نفهم و نعرف السوق بيفكر ازاى و كمان لازم نسوق نفسنا صح
و فى الفترة الى جاية عرفت ان الرابطة حيكون شغلها الشاغل هو التسويق الصحيح لخريجى الجغرافيا بشعبتيها . و توضيح امكانيات و مهارات خريجى الجغرافيا و لازم يا جماعه نطور نفسينا و ما نقفش عند حد معين
لازم تفهموا ان المنافس بتاعنا قوى بس احنا لو طورنا نفسنا حنبقى احسن لان احنا عندنا الاساس الى هو علم الخرائط هو ما عندهوش ده
من الاخر كدة لازم نفرض نفسنا فى السوق

و بشكر استاذ محمد سعد على وقوفه جنبنا و لازم كلنا نعمل كده لو كنا مكانه

AHMED FTIHA
08-04-2009, 03:01 PM
الف شكر ليك ياباشمهندس عمرو على توضيح المشاركه
فعلا احنا لازم نفرض نفسنا فى السوق لان احنا اولى ناس بالعمل فى مجالنا والا لماذا نحن خريجوا جغرافيا فى الاساس ولماذا المساحة من الجغرافيا
واكيد الرابطه ليها الفضل بعد ربنا فى رفع مكانتنا فى السوق
ومفيش خريج مساحة دلوقتى ميعرفش الرابطة واكيد دة بفضل الدكتور السيد الزغبى واستازنا محمد سعد
ربنا يجازيهم كل خير

ALY ELSAYED
08-04-2009, 03:05 PM
شكرا ليك ياعمرو

والحمد الله اسلام وضح الكلام

وقريت التعديل كمان والحمد الله

كده كل حاجه بانت

وعشان كده لازم كلنا نبقي ايد واحده وندافع عن حقوقنا

ونرفع ونحسن من وضعنا

جزاكم الله كل خير

amr mohammed
08-04-2009, 03:08 PM
ربنا معاكو و انشاء الله نظهر بتقل فى السوق يارب انشاء الله

eslam mamdouh
08-04-2009, 05:01 PM
الف شكر جدا لحضرتك يا استاذ عمرو


بجد الفكره كده وضحت جدا

جزاك الله كل خير
وجزا الله الاستاذ محمد سعد كل خير

لما يبذله من جهد فى سبيل رفعه الشعبه وطلاب الشعبه

Mohamed Saad Yassin
08-05-2009, 01:04 PM
شكرا على تغطية الخبر
يا استاذ عمرو
و الف مبروك عالاشراف

amr mohammed
08-06-2009, 11:09 AM
متشكر جدا يا استاذ
محمد

مى رسمى
09-24-2009, 12:15 AM
شكر ياعمرو على الموضوع الجميل

على فكره انا بشكرك عشان نقلتلنا ملخص عما قيل فى الندوه

ودى مهم كدا لمواكبة العصر ومعرفة ماهو جديد مهما كان

ودى كمان بيعرفنا متطلبات سوق العمل

جزاك الله كل خير