المساعد الشخصي الرقمي

مشاهدة النسخة كاملة : مهام مهندس المساحه في الموقع ( موضوع للنقاش الجاد )



ALY ELSAYED
08-14-2009, 07:24 PM
السلام عليكم ورحمه الله وبركاته

((مهام مهندس المساحه في الموقع ))

بحثت عن اجابه لهذا السؤال في كثير من المنتديات ولم اجد له اجابه

وخطرت ببالي هذه الفكره عندما تناقشنا في اخر محاضره تدريبيه في الرابطه

وعجبتني الفكره جدا جدا

وحبيت استفيد من جميع الخبرات الموجوده معانا

في جميع مجالات الاعمال المساحيه

( الارضيه - والبحريه - والجويه - والطرق - الميكانيكيه )

وياريت كل من يحب ان يشارك ويساهم في تاهيل مهندس المساحه

ان يضع لنا خبراته

ويعرفنا طبيعه العمل لمجال تخصصه

وامل تقبل الموضوع والمساهمه

جزاكم الله كل خير

دفع الله حمدان هجو
08-14-2009, 07:58 PM
اولا: جزاك الله خيرا في طرح الموضوع فهو من المواضيع التي تهم كل المهندسين سواء كانوا طلابا في الجامعات او خريجي
ثانيا: بطرحك الموضوع متشعب صعب الامساك بكل اطرافه
ماهي مهام مهندس المساحة الموقع

وماادراك ما الموقع ؟

هنا يبدا التشعب اهو
تخطيط مدن وقري اهو
طرق وكباري وسكة حديد اهو
مدن سكنية ( انشاءات ) اهو
مساحة بحرية اهو
مساحة جوية اهو
مساحة تعدين اهو
مطارات
او ..........
او............
لاتخف ياصاحبي فالموقع حجمه كبير ولكن مهندس المساحة اكبر من ذلك بكثير
الم اقول يوما (ان المساحة هي الحياة )
سبدا معك بخطوات تمثل الاساس العملي للمساحة في كل المواقع السابقة ( فكن صبور )
انت جاهز للبداية الرحلة (اربط الاحزمة ونطلق في رحلة المساحة )

ALY ELSAYED
08-14-2009, 08:03 PM
ربنا يبارك فيك يا بشمهندس دفع الله حمدان

والحزام مربوط ومستعد جدا للرحله

تحت شعار

( المساحه هي الحياه )

بشكر جدا يابشمهندس وسعيد جدا بمشركتك

وانك تكون اول المشاركين في اعطاء الخبرا لحديثي التخرج

جزاك الله كل خير

محمد الفرارجي
08-14-2009, 08:05 PM
بسم الله الرحمن الرحيم
شكرا يا كارمو حقيقي بتفكر كويس ويمكن كان سبب انشاء القسم ده عشان السؤال ده

وبكده فعلا بأأكد على كلام الأخ الفاضل المهندس دفع الله .

أنا هقولك على مهمتي حاليا في الوقت الراهن في المشروع إللي أنا فيه

بس صدقني لو رديت دلوقتي على الموضوع هيبقى سطحي وما فيهوش استفادة

فبعد إذنك إديني فرصة أنسق الكلام والخطوات وأكتب لك إن شاء الله مهامي أنا في المشروع ده

يعني مش هيبقى بصفة عامة على الواقع المساحي. لأ.

دا هيبقى على المساح محمد الفرارجي إللي شغال في الشركة الفلانية إللي بتعمل مشروع كذا في تاريخ كذا

عايز آز جينرال مفيش مشكلة
بس صدقني خد العملي بتاع كل واحد

وأحييك على تركيز السؤال

إن شاء الله ساعات قليلة ويكون الرد جاهز

سلام عليكم

دفع الله حمدان هجو
08-14-2009, 08:12 PM
المرحلة الاولي : مصطلحات مهمه تواجهك في الموقع
1- المالك : هي الجهة صاحب المشروع او الموقع وتكون وزارة او شخص حسب المشروع المعين

2- المصمم : وهو الجهة او الشركة التي اوكل لها المالك تصميم المشروع ( الموقع )

3- الاستشاري : هو الجهة او الشركة (قد يكون شخص) التي اوكل لها المالك مهمة الاشراف علي المشروع (الموقع)

4- المقاول : هو الجهة او الشركة التي اوكل لها المالك مهمة تنفيذ المشروع ( الموقع )

5- مقاول الباطن : هو مقاول يوكل له المقاول الرئيسي بعض الاعمال في المشروع (الموقع )

السوال هنا انا مهندس مساحه ايه علاقتي بالمصطلاحات السابقة ؟
الجواب: قبل دخول الموقع يجب تحدد الي اي جهات انت تعمل
هل انت تعمل مع المالك (كثير من مهندسي يعملون لدي المالك الوزارت الحكومية مثلا وزارة الموصلات والطرق)
اما انت تعمل مع شركة مقاوله
اما تعمل مع شركة استشارية

لان المساح المقاول عملو بختلف عن المساح المالك او المساح الاستشاري او المصمم
واضحة دي
يلا نشوف المرحلة الثانية (اربط الحزام)

ALY ELSAYED
08-14-2009, 08:14 PM
شكرا ليك اخويا البشمهندس محمد الفرارجي

علي متبعتك الجميله للموضوع

وانا عامل الموضوع ده عشان الكل يستفاد منه

في جميع التخصصات وايضا احب اركز علي الفنيات اي الخبرات المتبعه

لعمل اي مشروع يختلف عن غيره

واكيد الشغل ده محتاج خبره من المساح

انا سعيد جدا بوجودك ومشاركتك ومنتظر تنسيق وترتيب مشاركتك

واحب اقولك ان ممكن ردك يكون علي اجزاء حسب خبراتك

في الاعمال المساحيه المختلفه

جزاك الله كل خير

ALY ELSAYED
08-14-2009, 08:18 PM
المرحلة الاولي : مصطلحات مهمه تواجهك في الموقع
1- المالك : هي الجهة صاحب المشروع او الموقع وتكون وزارة او شخص حسب المشروع المعين

2- المصمم : وهو الجهة او الشركة التي اوكل لها المالك تصميم المشروع ( الموقع )

3- الاستشاري : هو الجهة او الشركة (قد يكون شخص) التي اوكل لها المالك مهمة الاشراف علي المشروع (الموقع)

4- المقاول : هو الجهة او الشركة التي اوكل لها المالك مهمة تنفيذ المشروع ( الموقع )

5- مقاول الباطن : هو مقاول يوكل له المقاول الرئيسي بعض الاعمال في المشروع (الموقع )

السوال هنا انا مهندس مساحه ايه علاقتي بالمصطلاحات السابقة ؟
الجواب: قبل دخول الموقع يجب تحدد الي اي جهات انت تعمل
هل انت تعمل مع المالك (كثير من مهندسي يعملون لدي المالك الوزارت الحكومية مثلا وزارة الموصلات والطرق)
اما انت تعمل مع شركة مقاوله
اما تعمل مع شركة استشارية

لان المساح المقاول عملو بختلف عن المساح المالك او المساح الاستشاري او المصمم
واضحة دي
يلا نشوف المرحلة الثانية (اربط الحزام)


الله ينور مدخل مشرف

وواقعي جدا جدا

والحزام مربوط

جزاك الله كل خير

دفع الله حمدان هجو
08-14-2009, 08:40 PM
المرحلة الثانية : نقاط التحكم
ساكون مختصرا بعض الشي لان الموضوع كبير سوف اركز علي الاشياء المشتركة بين كل فروع المساحة (ارضية + جوية +بحرية) وكل امكان مهندس المساحة (مقاول+ استشاري + مصمم + مالك )

اول شي يجب ان يخطر ببال المساح عند دخوله الموقع نقاط التحكم الافقية والراسية للموقع
اساس العمل المساحي هو نقاط التحكم نجاح او فشل العمل المساحي يعتمد علي دقة نقاط التحكم
انا القال ( الاان في العمل المساحي مضغه اذا صلحته صلح كل العمل المساحي واذا فسدت فسد كل العمل المساحي الا وهي نقاط التحكم )

لا اتحدث هنا عن كيفية انشاء نقاط التحكم ولا عن كيفية ضبطها (فهذه مرحلة اخري)
ولكن اريد هنا ان اتحدث عن مهام مهندس المساحة حسب مكان عمله (مالك + مصمم + استشاري+ مقاول) في هذه المرحلة (مرحلة نقاط التحكم )

اولا : مهندس المساحة المالك مهمته هنا تسليم مهندس المساحة المصمم نقاط التحكم التي يبدا بها عملية التصميم وغالبا ماتكون نقطتان فقط
او نقطة وانحرافها (هنا انتهت مهمة مهندس المساحة المالك في هذه المرحلة )
ثانيا: مهندس المساحة المصصم يقوم بانشاء نقاط تحكم افقية وراسية لكل المشروع لعمل التصاميم اللازم للمشروع
ثالثا: مهندس المساحة الاستشاري يقوم باستلام نقاط التحكم من المهندس المصمم وتسليمها الي مهندس المساحة المالك
رابعا: مهندس المساحة المالك يقوم باستلام نقاط التحكم من الاستشاري ويجب ان يعمل لها مراجعة والتاكد من صحتها قبل البدء في العمل

هناك بعض العقود لاتكون بالترتيب السابقة
بحيث يكون شركة المقاولة هي التي مسؤلة عن التصميم او الشركة الاستشارية هي المصممه وذلك حسب نوع العقد

معليش ياخي الرحلة بقت فيها مطبات وممله
علي كل اربط الحزام نحن داخلين المرحلة الثالثة

ALY ELSAYED
08-14-2009, 08:50 PM
بالعكس يا بشمهندس

والله انا متشوق جدا لمعرفه باقي المراحل

ومعلومات جميله جدا

حتفيد كل اخصائين المساحه

وانا لحد دلوقتي رابط حزاميين اربط التالت كمان

جزاك الله كل خير

دفع الله حمدان هجو
08-14-2009, 09:05 PM
المرحلة الثالثة : كيفية انشاء نقاط التحكم

اولا: تحديد اماكن نقاط التحكم:

للاسف الشديد اغلب مهندسي المساحة يحدد اماكن نقاط التحكم وهو ناصب جهازه لبدء العمل وفي بعض الاحيان يحددها عامل المساحة يجب في تحدد اماكن نقاط التحكم مراعاة الاتي :
1-وضع النقطة في مكان مرتفع
2-يجب ان نري من النقطة النقطة السابقة واللاحقة
3-يجب ان تكون المسافة بين النقاط متساوية
4-يجب ان تكون النقطة بعيد عن الحركة
كما يجب عمل كروكي لكل نقطة يوضح مكانها
عند الحديث عن نقاط التحكم يجب ان نذكر هنا ان نقاط تحكم يجب ان تكون في شكل مضلعات
هنا لابد ان نذكر انواع المضلعات:
1- مضلع مفتوح : وهو يبدا من نقطة معلومة الاحداثيات والانحراف (او قد تكون غير معلومة ) وينتهي في غير معلومة وهذا النوع لايستخدم غالبا لان نقاطه تكون دقيقة
2- مضلع موصول: هو يبدا من نقطة معلومة الاحداثيات والانحراف وينتهي في نقطة معلومة الاحداثيات والانحراف وهو يستخدم في مشاريع الطرق والسكة حديد والانابيب (اي المشاريع الطولية)
3- مضلع المغلقة: وهويبدا من نقطة معلومة الاحداثيات والانحراف وينتهي عند نفس النقطة ويستخدم في المشاريع المحصورة مثل المباني والكباري والمدن

كيفية الانشاء دا المرحلة الجاية
اربط الحزام المرحلة الجاية مطباته كثير

ALY ELSAYED
08-14-2009, 09:17 PM
والله ان مش عارف اشكرك ازاي يا بشمهندس

علي كم المعلومات الجميل ده والشامل

ربنا يجزيك كل خير ويجعله في ميزان حساناتك

والحزام مربوط

eslam mamdouh
08-14-2009, 09:25 PM
اولا يا على

موضوع جميل جدا



استفدت من لامك وكلام المهندسيين


موضوع فى غايه الروعه


شكرا جدا للمهندس محمد الفرارجى على الافاده


وشكر خاص للمهندس دفع الله على نشر العلم
وجعل الله ذلك فى ميزان حسناتكم

دفع الله حمدان هجو
08-14-2009, 09:31 PM
المرحلة الرابعة : كيفية انشاء نقاط التحكم

هنا في كيفية الانشاء سوف اتحدث عن اهم طريقتان في انشاء نقاط التحكم

الطريقة الاولي: انشاء نقاط التحكم عن طريق جهاز GPS :

طريقة التي تستخدم في انشاء نقاط التحكم بجهاز gps هي طريقة static

(للاسف كثير من الاخوة يقوم باستخدام طريقة RTK في تثبيت النقاط وهذا الطريقة تنفع فقط في التوقيع المساحي)
في طريقة STATIC يوضع الجهاز الاساسي في نقطة المعلومة الاحداثيات ثم تضع الاجهزة الاخري المتحركة في النقاط (المراد عمل رفع لها ) وتترك الي مدة ساعة كاملة اذا كانت المسافة بين الجهاز الاساسي والاجهزة في حدود او اقل من 20KM اما في حالة زيادة المسافة عن 20KM كل زيادة كيلومتر تكون هناك ساعة اضافية ثم نحرك جهاز الاساسي الي نقطة اخري معلومة الاحداثيات نغفل عنها ويكون الجهاز فيها لمدة ساعة (هذا بشي من الاختصار)

الطريقة الثانية: عن طريق جهاز TOTAL STATION :
يوضع الجهاز في النقطة معلومة الاحداثيات والانحراف بعد عملية الضبط الاولية لجهاز وادخال احداثيات النقطة وانحرافها يكون الجهار جاهز لبد العمل نقراء المسافات بين النقاط وكذلك الزوايا والانحراف ننقل الجهاز من نقطة الي اخري الي ان نصل النقطة المعلومة الاخري(في حالة المضلع الموصول) او نفس النقطة التي بدانا منها (في حالة المضلع المغلق)

اسف لو كان الشرح مختصر لان الفكرة هنا (ماهي المهام التي يقوم بها مهندس المساحة) وليس ذكر التفاضيل لانها تحتاج لمواضيع قائمة بذاتها

يلا نشوف المرحلة الخامسة

ALY ELSAYED
08-14-2009, 09:34 PM
شكرا ليك جدا يا اسلام

نور الموضوع بمشاركتك الجميله

بس انا مش حكتفي بيها

ومطلوب منك عرض لبعض خبراتك وفنياتك

في الموقع

جزاك الله كل خير

ALY ELSAYED
08-14-2009, 09:38 PM
والله كتر خيرك يا بشمهندس

والشرح وافي وواضح الحمد الله

علي فكره الحزام مربوط

جزاك الله كل خير

دفع الله حمدان هجو
08-14-2009, 09:45 PM
المرحلة الخامسة : هي مرحلة ضبط نقاط التحكم

يجب ضبط نقاط التحكم الافقية والراسية ويكون الضبط وفق لقوانين محددة ومعرفة حسب الطريقة المتبعة في عملية انشاء نقاط التحكم

في حالة انشاء نقاط التحكم بجهاز Gps هناك برامج تعمل علي تصحيح هذه النقاط ومعروف لمستخدمة Gps
ولكن هنا اشير الي شي مهم هو المناسيب الماخوذة بجهاز Gps للنقاط التحكم يجب مراجعتها بجهاز Level

اما في حالة انشاء نقاط التحكم عن طريق عمل مضلعات فهناك قوانين ضبط وتصحيح المضلعات

اسف للاختصار ولكن الهدف ليس التفصيل والتعمق ولكن اعطي فكرة

eslam mamdouh
08-14-2009, 09:46 PM
جزاك الله كل خير يا على

وطبعا معلوماتى البسيطه تحت امركم

بعد ما استاذى المهندس دفع الله حمدان ينتهى من عرض معلوماته القيمه

شكرا جدا ليك

ودجزاكم الله كل خير

ALY ELSAYED
08-14-2009, 09:51 PM
الله ينور يا بشمهندس دفع الله حمدان

بجد طريقه عرض وشرح لخبرت حضرتك

رائعه جدا

وان شاء الله الاستفاده تعم للجميع

لك مني خالص تحياتي يا بشمهندس

جزاك الله كل خير

دفع الله حمدان هجو
08-14-2009, 09:53 PM
المرحلة السادسة : الرفع المساحي:

عملية انشاء نقاط التحكم هي ضمن عملية الرفع المساحي ولكن ماقصده هنا وهو عملية رفع تفاصيل المشروع فهناك قاعدة ذهبية في العمل المساحي تقول ( العمل المساحي يبدا من الكل الي الجزء )
فالكل هنا يقصد به نقاط التحكم
والجزء هنا يقصد به تفاصيل المشروع

فبعد عملية انشاء نقاط التحكم يقوم مهندس المساح المصمم برفع تفاضيل المشروع بغرض الاستفادة من هذه البيانات المساحية في عملية تصميم المشروع

ALY ELSAYED
08-14-2009, 09:53 PM
ربنا يخليك يا اسلام

ودا العشم برده وانا واثق فيك وفي معلوماتك

القيمه

جزاك الله كل خير

ALY ELSAYED
08-14-2009, 09:57 PM
تماااااااااااام جدا الله ينور يابشمهندس

والله متابعه تسلسليه جميله جدا

من حضرتك

جزاك الله كل خير

محمد الوكيل
08-14-2009, 10:00 PM
تمام و يا ريتالمزيد

دفع الله حمدان هجو
08-14-2009, 10:01 PM
المرحلة السابع : التوقيع المساحي الاولي:

لماذا سميت هذا التوقيع بالتوقيع الاولي لان توقيع يقوم به مهندس المساحة المصمم بغرض التاكد من صحة تصاميمه والتعديل فيها
فبعد عملية الرفع المساحي للتفاصيل المشروع ترفع هذه البيانات الي المصمم يقوم بتصميم تفاصيل المشروع وبعد الانتهاء من عملية التصميم يكون المصمم بحاجة للتاكد من صحة تصاميمه قبل ارسالها الي المقاول لتنفيذها علي الطبيعة

هنا يقوم مهندس المساحة المصمم بتوقيع مبدئي لهذه التصاميم وبعد التاكد من صحتها او بعد تعديلها عدة مرات والتاكد من انها صحيحه ومتطابقه للموصفات تسلم الي الشركة المنفذه للعمل عن طريق الاستشاري

محمد الوكيل
08-14-2009, 10:03 PM
جزاكم الله كل خير

ALY ELSAYED
08-14-2009, 10:09 PM
شكرا ليك يا بشمهندس محمد

واتمني منك المتابعه والاستفاده

جزاك الله كل خير

محمد الوكيل
08-14-2009, 10:09 PM
خيركم من تعلم العلم و علمه

دفع الله حمدان هجو
08-14-2009, 10:11 PM
المرحلة الاخيره: التوقيع المساحي

بعد الانتهاء من عملية التصميم وتسليم هذه التصاميم الي الشركة المقاولة تبدا هنا عملية التنفيذ وهي عملية نسميها في العمل المساحي بعملية التوقيع المساحي
وهي مرحلة وضع المشروع في ابعاده الثلاثي (X,Y,Z) وهي مرحلة يقوم بها مهندس المساحة المقاول باشراف من مهندس المساحة الاستشاري (والذي تنحصر مهمته في التاكد من ان العمل ينفذ حسب الموصفات)

وقبل التوقيع يجب التاكد من الاتي
1-صحة التصاميم (يجب علي مهندس المساحة المقاول مراجعة التصاميم والتاكد منها قبل التوقيع)
2- صحة نقاط التحكم والتي تعتبر اساس التوقيع المساحي
3- التاكد من دقه الجهاز الذي يتم به التوقيع
4- اختيار افضل العمالة المدربة للعملية التوقيع

انتهت الرحلة بشي من الاختصار

محمد الوكيل
08-14-2009, 10:11 PM
يا ريت نوضح للشباب الجديد ان في حاجات كتيره في المواقع علي الطبيعه لم يتم دراستها بالكتبببببببب علشان يكونو مؤهلين اكتر و مهيئين نفسيا لسوق العمل لان انا نفسي ييجي اليوم ويكون خريجين اداب مساحه مسيطرين وجامدين في السوق
شكراااااااا

ALY ELSAYED
08-14-2009, 10:12 PM
والله مش عارف اشكرك ازاي

وحاسس ان بعد المناقشه مع حضرتك

اني حبقي مستعد للشغل في اي مجال مساحي

وحخش اي موقع بدون قلق او تردد

جزاك الله كل خير

دفع الله حمدان هجو
08-14-2009, 10:14 PM
اخي علي
لقد قمت بتثيت الموضوع لاهميته لكل الاخوة

ماذكرته هو الاساس العملي للمساحة العملية دون ذكر التفاضيل فهي تختلف من شخص الي اخر

اتمني من جميع الاخوة المشاركة ولو بالقليل

وجزاكم الله خيرا

ALY ELSAYED
08-14-2009, 10:20 PM
اخي علي
لقد قمت بتثيت الموضوع لاهميته لكل الاخوة

ماذكرته هو الاساس العملي للمساحة العملية دون ذكر التفاضيل فهي تختلف من شخص الي اخر

اتمني من جميع الاخوة المشاركة ولو بالقليل

وجزاكم الله خيرا


بشكر حضرتك جدا يا بشمهندس دفع الله حمدان

علي مشاركاتك القيمه والجميله وبشكرك علي تثيبت الموضوع

وعلي متابعتك المفيده والاهتمام بالموضوع

وبجد انا استفدت منها جدا جدا

وان شاء الله الكل يستفاد

ومنتظر المشاركات من كل الممارسين واصحاب الخبرات

جزاك الله كل خير يا بشمهندس وجعله الله في ميزان حساناتك

دفع الله حمدان هجو
08-14-2009, 10:38 PM
باراك الله فيك
وجزاك الله خيرا

eslam mamdouh
08-14-2009, 10:44 PM
جزاك الله خير يا استاذنا المهندس دفع الله

بجد موضوع اكثر من مميز ومفيد جدا

محمد الفرارجي
08-14-2009, 11:56 PM
بسم الله الرحمن الرحيم
السلام عليكم مرة أخرى.
آسف للتأخير بس والله عملت حاجات بسرعة وأنا شغلا فيا ريت العذر .
زي ما قلت لعلي ربنا يبارك فيه. أنا هتكلم عن نفسي في مشروعي مش بصفة عامة وان شاء الله كلامي مش هيخرج بره المشروع محل التنفيذ (بالنسبة للكلام في موضوع علي محل النقاش).

المشروع عبارة عن مد خطوط كهرباء منخفضة الجهد للمنازل من خلال الاستعانة بخطوط المد المتوسطة.

المرحلة الأولى: استكشاف مواقع العمل من حيث:-


1-الشكل العام للموقع (الشوارع، الأبنية، وهكذا وهي سريعة بالسارة وأحيانا راجلة).

2-التضاريس والتربة والمناخ حيث لهم التأثير الكبير على سير العمل فعلى سبيل المثال هنا التربة جيدة للحفر فلو كانت صخرية فهذه تكلفة أكبر علينا كشركة منذة للمشروع . وبالنسبة للمناخ فمثلا درجات الحرارة والمطر ودرجة الرؤية كلها عوامل لها التأثير الكبير على سير المشروع).

3-الغطاء النباتي والحياة البرية (فلو هناك أشجار كثيفة ما مدى امكانية مد الخطوط من خلالها وما جدوى تقطيعها وما علاقة ذلك برغبة الأهالي وهكذا).

4-معرفة تاريخ مبسط عن البلد ولو على سبيل الثقافة مما أدى إلى معرفة أماكن الصرعات القديمة التي شهدتها البلاد ومنها عرفت أن أحد المواقع به حقو ألغام ما زالت تحت الاكتشاف وبالتالي لابد من الحصول على خرائط الألغام من الجهات المختصة).

5-العنصر البشري بداخل مواقع العمل (هل أمنين على غيرهم ، كرماء، مدى استيعابهم للتلفيات في ممتلكاتهم وما ردة فعلهم) طبعا كل هذه الأسئلة يجاب عليها بالاستعانة بالمرشدين الذين يذهبون معي للمواقع.

6-المجاري المائية وتأثيراتها سواء كانت طبيعية أو كالترع وغيره وما مدى تأثيرها على مد الخطوط.

المرحلة الثانية : الاستكشاف من خلال جهاز الجي بي اس وصور جوجل ايرث.


1-من خلال السيارة المجهزة لذلك ومن خلال المرشد من الهيئة العامة للكهرباء ومن خلال السير داخل أماكن المناطق محل العمل .
2-الاستعانة ببعض الخرائط القديمة في معرفة حدود المناطق المراد مسحها بالاضافة للجي بي اس.

المرحلة الثالثة: مرحلة الدمج بين المعلومات المأخوذة بالجي بي اس والكمبيوتر.


1-من خلال استخدام بعض البرامج المساعدة والبسيطة في نفس الوقت يتم أخذ الملف بصيغة gpx file من خلال برنامج gps trackmaker ويتم تحويل الملف لصيغة kml file لقراءته على جوجل إيرث وبالتالي نستطيع تصحيح الأخطاء من خلال إعادة رسم النقاط على أبعاد متساوية وتوقيعها على الشوارع بالاضافة إلى توصيل التراكات فيما بين النقاط لكي تكون محل الكابل لنرى هل سيمر على المنازل أو الممتلكات الخاصة وما شابه ذلك.(ملاحظة هامة: استخدامي للجوجل إيرث لعمل كروكي فقط وذلك نظرا لضعف امكانيات الدولة التي بها المشروع وبالتالي عملا بالمث المشهور"الشاطرة تغزل........).

2-يتم بعد حفظ الملف من جوجل ايرث بصيغة الصورة ونختار أعلى دقة وبعدها يتم أخذ الصورة على فريم جاهز للشركة موضح به كل التفاصيل كأنه تقرير مصغر عن عمل الكروكي:
-كخطوات العمل
-الأجهزة المستخدمة.
-وتاريخ العمل. وهكذا....

3-يتم ارسال الخريطة والتقارير بالمناطق مجمعة ومنها يختار مالك المشروع المناطق التي يحددها بناءا على العقد المبرم بيننا فبعض المناطق مسحت فيها أكثر من 20 كم بالرغم من أن العمل بها لا يتطلب سوى 3 كم فقط وبالتالي يختار المالك المنطقة التي يعلم بأهمية التوصيل بها ومن هنا وبعد أن يحدد لنا أية منطقة تأتي المرحلة الرابعة.

المرحلة الرابعة: مرحلة التصميم.


1-يتم اختيار المكان الأمثل لوضع المحول الذي سنأخذ منه التغذية للمنازل .

2-بناءا على مكان المحول نبدأ في أخذ تفريعة الخطوط المتوسطة الجهد التي سنغذي بها المحول وبالتالي نقوم باختيار أنسب مسار للكابل.

3-بعد أن نوصل الكابلات بالمحولات نقوم بعمل تصاميم لخطوط الجهد المنخفض وفيها نراعي بعض التفاصيل مثلا :
-أعمدة الشد(نهاية الخط).
-أعمدة الزوايا(كزاوية في شارع).
-أعمدة التحميل(في الوسط).
-أعمدة التفريع(كنجمة ).

4-نقوم بعدها برسم خريطة دقيقة من خلال الأتوكاد وبعدها يتم تسليمها مرة أخرى للمالك وعندما تأتينا الموافقة تبدأ المرحلة الخامسة.

المرحلة الخامسة: مرحلة التنفيذ من خلال التوتال استيشن.


1-يتم اختيار نقاط ثابتة على محاور خطوط التغذية كنقطة تشعب خطوط أو نقطة بداية خط طويل وهكذا.
2-يتم العمل بالتوتال استيشن على محور طولي فقط من خلال أخذ القراءات كل مسافة ثابتة (تتغير بتغير الظروف المحيطة كالمنازل وغيره).
3-يتم أخذ النقاط الموقعة من التوتال استيشن بعد انتهاء عملية الرفع والتوقيع في نفس الوقت(لأننا مقاول واستشاري في نفس الوقت، نظرا لعدم وجود خرائط نتحرك بيها وعلى أساسها ) يتم أخذها على الكمبيوتر وتسقيطها على الأتوكاد وبعدها نقوم بعمل خريطة دقيقة للشبكة التي وقعت بالفعل وبناءا عليه نكون قد نفذنا وهذا هو الدليل العملي أن العامود رقم كذا إحداثياته كذا وكما تقول الخريطة.

وبكده يكون دوري في المشروع من بدايته لنهايته بأكرر تاني "أنا إتكلمت عن دوري كمساح في مشروع بأنفذه ما اتكلمتش بصفة عامه شكرا جدا ويا رب حد يستفيد

ALY ELSAYED
08-15-2009, 12:59 AM
الله ينور يا بشمهندس محمد الفرارجي

مجهود منك جميل جدا وخبره ممتازه

من حضرتك

وحضرتك اتكلمت عن دورك الرائع في الموقع بكفاءه

بس انا عايز من حضرتك شويه معلومات وخبرات ولو صغيره

عن المساح عموما وركزلي علي الفنيات

والتغلب علي الازمات والعوائق

بشكرك جدا يا بشمهندس محمد الفرارجي

وربنا يجزيك كل خير ويجعله في ميزان حساناتك

حسناء
08-15-2009, 06:13 AM
برافو عليك يا كارمو اختيارك للموضوع كان رائع
وشكر خاص جدا للبشمهندس دفع الله حمدان هجو علي افادتنا بالمعلومات القيمه
وبتوجه بالشكر للبشمهندس محمد علي مجهوده الرائع

جزاكم الله جميعا خيرا عنا

ALY ELSAYED
08-15-2009, 12:09 PM
شكرا ليكي يا حسناء

واتمني انك تستفادي من خبرات اساتذنا

جزاكي الله كل خير

دفع الله حمدان هجو
08-16-2009, 02:25 PM
الموضوع مفتوح للجميع
لنسمع خبراتهم في المجالا ت المختلفة
لاستصغرة خبرته فمهما كانت صغيرة فهي مفيدة
ما الخبرة الا محصلة تجارب بعضنا

ماذكرنه هو خطوط عريض نتمني من جميع الاخوة المشاركة حتي تكتمل الفكرة

الشكر للاخ النشط karmo_rx لطرح الموضوع القيم

ALY ELSAYED
08-16-2009, 09:01 PM
الموضوع مفتوح للجميع
لنسمع خبراتهم في المجالا ت المختلفة
لاستصغرة خبرته فمهما كانت صغيرة فهي مفيدة
ما الخبرة الا محصلة تجارب بعضنا

ماذكرنه هو خطوط عريض نتمني من جميع الاخوة المشاركة حتي تكتمل الفكرة

الشكر للاخ النشط karmo_rx لطرح الموضوع القيم


اولا بشكرك جدا يا بشمهندس دفع الله حمدان هجو

علي الاهتمام بالموضوع والمشاركه فيه بكل خباراتك

وفعلا الموضوع مفتوح للجميع يا جملعه

ياريت اصحاب الخبره مهما كانت خبرتهم كبيره او صغيره

المشاركه والاسهام في اعداد وتاهيل مهندس المساحه

ياريت يا جماعه عرض لبعض تجاربكم

وجزاكم الله كل خير

Mahro
08-17-2009, 08:51 PM
جميل اوى يا على الموضوع بجد

بس انا احب اتكلم ببساطه عشان المساحه بتحب البساطه جداً

المساح فى الموقع عامل زى الحلوانى بالظبط من غيره متشفش الحاجه جميله

يعنى هو الراجل الى بيجمل شغل وتعب ناس كتييييييييييييييييييير اوى

مثلا فى الطرق هو الى بيخلى الطريق يبان انه فعلا مصنوع بكفاءه ويبين ويظهر مجهود الناس الى تعبت فيه

وكذلك الشبكات سواء كانت water pipe او irrigetion منظرها بجد بعد التسليم بيبقى تحفه وده بفضل المساحه بعد تعب ناس كتير معاك

وكمان خطوط الكهرباء واعمدة الأناره و telecome بأختصار المساحه هى الى بتجمل شكل اى عمل فى الموقع والمساح هو الراجل الوحيد

الى بيشتغل فى كل حته فى الموقع لأن المساحه لا تتجزء الا فى بعض فروعها زى البحريه والجويه

والمساح لازم يكون انسان اد مسؤليه لأن ممكن بسببه يضيع مجهود ناس كتير وممكن بسببه يبان ان شركته شغاله بجد وده لو فى موقع

كبير فيه اكتر من شركه والمساح لازم يكون شكاك بس مش بالشكل العميق اوى يعنى دايما حاطط مسؤليه العمل المكلف بيه واهميته

على طول قدامه وان هو كتير مهم وكتير من الشغل بيقف على المساح .

فى الأخر احب اهنيك يا علوه على موضوعك الجميل وتحت امرك فى اى حاجه وان كانت المساحه مسرحها الحقيقى هو الموقع

تقبل مرورى حبيبى

ALY ELSAYED
08-17-2009, 11:00 PM
والله يا ماهرو انا سعيد جدا بوجودك حبيبي

ومناقشه جميله منك عن مهام مهندس المساحه في الموقع

وخبره جميله يا ماهرو

ياريت نشوف مشاركاتك المعلوماتيه بالخبرات دايما

والله نورتني يا حبيبي

جزاك الله كل خير

eslam mamdouh
08-17-2009, 11:03 PM
بجد الواحد كل ما يدخل على الموضوع بيستفاد خبرات كبيره جدا جدا

جزاكم الله كل خير على المعلومات المفيده

ALY ELSAYED
08-17-2009, 11:09 PM
بجد الواحد كل ما يدخل على الموضوع بيستفاد خبرات كبيره جدا جدا

جزاكم الله كل خير على المعلومات المفيده


جزاك الله كل خير يا اسلام

وان شاء الله الموضوع يزيد بالخبرات المفيده

hossammazen
08-19-2009, 08:31 AM
السلام عليكم
انا اول مرة اشارك معاكم وانا سعيد بالموقع جدا
احب ان اشارك الزميل فى اجابة على سوال اية الفرق بين مهندس المساحة والمساح والاعمال المنوط بها
اولا كل من يعمل فى مجال المساحة فو مساح اذا كان خريج هندسة او اداب او معهد او خبرة
اما عن تجربتى انا اعمل من 1993 بعد تخرجى من كلية الاداب قسم المساحة حتى الان فى مجال المساحة ومعين فى جميع الشركات التى اشتغلت بها بمهنة مهندس المساحة من بداية عملى حتى الان
الفرق يا جماعة المنتدى فى شخصية المساح وامكانياتة الشخصية من كفائة ومعرفة وحسن تصرف بالضافة الى حس المعاملة مع الاخر.
لذللك مطلوب من الزملة المعرفة بكل الاجهزة الحديثة والبرامج المساحية بالضافة الى خبرة مناسبة فى العمل المساحى وبذللك يمكنك ان تعمل مهندس مساحة بكل سهولة او مدير مساحين بالشركة او مديرهم بالموقع بصرف النظر عن خريج اية وسنك كام الكفاءة فقط هى التى تحدد مستقبلك ومسمى الوظفى لك
رجاء من الزملاء لاتقبل بمسمى وظيفى مساح تحت اى ظرف اجتهد وسوف تجد الفرصة
شكرا

ALY ELSAYED
08-21-2009, 06:02 PM
السلام عليكم
انا اول مرة اشارك معاكم وانا سعيد بالموقع جدا
احب ان اشارك الزميل فى اجابة على سوال اية الفرق بين مهندس المساحة والمساح والاعمال المنوط بها
اولا كل من يعمل فى مجال المساحة فو مساح اذا كان خريج هندسة او اداب او معهد او خبرة
اما عن تجربتى انا اعمل من 1993 بعد تخرجى من كلية الاداب قسم المساحة حتى الان فى مجال المساحة ومعين فى جميع الشركات التى اشتغلت بها بمهنة مهندس المساحة من بداية عملى حتى الان
الفرق يا جماعة المنتدى فى شخصية المساح وامكانياتة الشخصية من كفائة ومعرفة وحسن تصرف بالضافة الى حس المعاملة مع الاخر.
لذللك مطلوب من الزملة المعرفة بكل الاجهزة الحديثة والبرامج المساحية بالضافة الى خبرة مناسبة فى العمل المساحى وبذللك يمكنك ان تعمل مهندس مساحة بكل سهولة او مدير مساحين بالشركة او مديرهم بالموقع بصرف النظر عن خريج اية وسنك كام الكفاءة فقط هى التى تحدد مستقبلك ومسمى الوظفى لك
رجاء من الزملاء لاتقبل بمسمى وظيفى مساح تحت اى ظرف اجتهد وسوف تجد الفرصة
شكرا


شكرا ليك يا بشمهندس حسام

ونصائح جميله منك رفع كفائه مهندس المساحه ومعرفه الفرق

بين المساح ومهندس المساحه

اتمني اشوف مشاركاتك دايما

جزاك الله كل خير

maric
09-30-2009, 12:09 PM
merciiiiiiiiiiii

elswefey
10-08-2009, 12:31 AM
اولا شكرا على الموضوع الجميل بس انا ليا كذا ملحوظه:
اولا: ان المسمى الوظيفى لخريجى كلية الاداب قسم الجغرافيا ليس مهندس مساحه
احنا اخصائيين مساحه
ودى نقطة الخلاف عندنا احنا كمصريين
لاننا بنعتبر ان المساحه بتاعت المهندس ولازم اللى شغال فيها يبقى مهندس
اناعاوز اقول وعن خبره عمليه ان فى الشركات الاجنبيه المساح اهم مليون مره من المهندس بكتير فياريت نعتز بالمسمى الوظيفى بتاعنا عشان نقدر نكون كيان مستقل بعيد عن اى مهنه ويبقى كون ان الواحد اخصائى مساحه هو اكبر كيان فى حد ذاته
الحاجه التانيه موضوع مهام المساح فى المشروع ده ليه كذا حاجه ممكن تخليه متغير منها حجم الشركه يعنى اللى شغال فى شركه كبيره مش زى اللى شغال عند مقاول وهكذا الحاجه التانيه حجم المشروع وحاجات تانيه بردو منها حجم الاعمال المساحيه فى المشروع

moamen
10-08-2009, 10:07 PM
شكرا يا هندسة علي تلك المعلومات القيمة وجزاك الله كل خير

elswefey
10-09-2009, 03:39 AM
لا شكر على واجب
بس انا مش مهندس انا اخصائى مساحه

دفع الله حمدان هجو
10-10-2009, 01:52 PM
اولا شكرا على الموضوع الجميل بس انا ليا كذا ملحوظه:
اولا: ان المسمى الوظيفى لخريجى كلية الاداب قسم الجغرافيا ليس مهندس مساحه
احنا اخصائيين مساحه
ودى نقطة الخلاف عندنا احنا كمصريين
لاننا بنعتبر ان المساحه بتاعت المهندس ولازم اللى شغال فيها يبقى مهندس
اناعاوز اقول وعن خبره عمليه ان فى الشركات الاجنبيه المساح اهم مليون مره من المهندس بكتير فياريت نعتز بالمسمى الوظيفى بتاعنا عشان نقدر نكون كيان مستقل بعيد عن اى مهنه ويبقى كون ان الواحد اخصائى مساحه هو اكبر كيان فى حد ذاته
الحاجه التانيه موضوع مهام المساح فى المشروع ده ليه كذا حاجه ممكن تخليه متغير منها حجم الشركه يعنى اللى شغال فى شركه كبيره مش زى اللى شغال عند مقاول وهكذا الحاجه التانيه حجم المشروع وحاجات تانيه بردو منها حجم الاعمال المساحيه فى المشروع
اولا: اشكر الجميع علي المشاركة في الموضوع
ثانيا: عنوان الموضوع مهام مهندس المساحة في الموقع وكان المقصود هنا كل الذين يعملون في هذا المجال دون تفصيل
الموضوع هنا لنقل الخبرات وليس للمنافشة تفاصيل اخري نحن هنا في غني عنها
المهندس عندنا هو الذي يثبت جدارته في الموقع بغض النظر عن هو خريجي ايه

اكرر مرة اخري هذه ساحة للنقل الخبرات فقط

ALY ELSAYED
10-11-2009, 12:42 AM
الله ينور يابشمهندس دفع الله جمدان

واحنا في انتظار نقل الخبرات

جزاكم الله كل خير

hakim
10-11-2009, 09:17 PM
دايما بنسعى لاخذ الخبرات من الناس ذوى الخبرة

ALY ELSAYED
10-22-2009, 04:23 AM
دايما بنسعى لاخذ الخبرات من الناس ذوى الخبرة


اكيد يا حكيم وياريت انتا كمان

تدينا خبرتك

جزاك الله كل خير

اسامه البنا
11-25-2009, 12:29 PM
بجد انا قريت الموضوع كله

وبجد انا استفدت اوي من كل واحد رد وشارك

قد ايه؟ ديه حاجه كويسه

جزاكم الله كلكم خير

elswefey
11-25-2009, 04:08 PM
يا ريت يا جماعه نعتز باسم المهنه بتاعتنا
احنا مساحين مش مهندسين

ALY ELSAYED
12-09-2009, 11:16 PM
بجد انا قريت الموضوع كله

وبجد انا استفدت اوي من كل واحد رد وشارك

قد ايه؟ ديه حاجه كويسه

جزاكم الله كلكم خير



شكر ليك جدا يا اسامه

نورت الموضوع

وفي انتظار سرد لبعض خبراتك

جزاك الله كل خير

Nada Mohammed
12-10-2009, 12:01 AM
http://abeermahmoud2006.jeeran.com/535-Jzakom.gif

عبد الوهاب محمد
12-20-2009, 05:53 PM
موضوع تحفه ورد سلس وجميل ألف ألف شكر

ALY ELSAYED
12-21-2009, 08:26 PM
http://abeermahmoud2006.jeeran.com/535-Jzakom.gif


موضوع تحفه ورد سلس وجميل ألف ألف شكر


شكرا ليكم يا جماعه

وفي انتظار باقي ردود اصحاب الخبرات

يارب الفائده تعم للجميع

جزاكم الله كل خير

احمد عطا
10-31-2011, 05:07 PM
جزاك الله خير يا استاذنا المهندس دفع الله

احمد عطا رئيس مساحين

ma7moud wa7eed
01-24-2012, 10:39 PM
جزاكم الله خيرا :a3: