المساعد الشخصي الرقمي

مشاهدة النسخة كاملة : اتعلمو اصول الرزالة مع البنت بتاعتك



AHMED MoSTaFa
08-19-2009, 04:16 PM
باقدم وصفة سحرية للرزالة اتمني تعجبكم

كل ماتتفقوا على ميعاد روحلها متأخر وسيبها تتلطع وتتذنب شوية
وأول ماتوصلها متديهاش إهتمام عشان أساسى هى هتطلع فيك عشان اللطعة أنت لاطعهالها دى
فا حاول تتحجج بأى حاجة كأنك بتعمل حاجة فى الموبايل ولما تسألك بتهبب أيه ؟
قولها بستعلم بس عن الرصيد أو أى حجة هبلة يعنى
ظبط كل مشوايرك المهمة على اليوم اللى هتقابلها فيه عشان تدبسها وتخليها تيجى معاك
وياسلام لو كان فيهم مشوار من بتوع المصالح الحكومية اللى بيطلعك وينزلك مية مرة
ويلففك المصلحة كلها حتة حتة يبقى تمام أوى رجلها على رجلك
لما تقولك أنا جالى عريس قولها أيه ده بجد ؟؟؟؟؟
هتقولك أيوة مستغرب كده ليه ؟؟؟
قولها هو فى حد لاقى عرسان اليومين دول على العموم ألف مبروك ياحبيبتى
لو طلعت بتحكيلك عن عيوبه عادى وبتقولك بقى أنا أتجوز واحد بالطريقة دى والكلام ده
قولها ياحبيبتى آمال أنتى فاكرة أحمد زويل هييجى يتقدملك ماهو ده آخرك يعنى
لو العكس بقى وقالتلك العريس عاجب بابا وماما وعنده وعنده وبيقولولى أنتى عبيطة
قولها أنا كمان رأيى من رأيهم , هتقولك رأيك إن أنت كمان موافق عليه ؟
قولها لأ إن أنتى عبيطة
طبعا الغرض الأول من الحوارات دى إن هى تحرك حضرتك عشان تروح تتقدملها
أعمل عبيط بقى ورد على قد اللى بتسمعه وبس
لو كنتوا فى نفس الجامعة بس كل واحد فى كلية وقاعدين سوا
كل ماتشوف واحدة معاك فى الكلية سيب حبيبتك وقوم أتكلم معاها بأى حجة
ولما ترجع قولها كنت بسألها على حاجة مهمة عندنا فى الكلية
ولما تشوف واحدة تانية قوم برضه أعمل نفس الحوار
ولما ترجع قولها أصل الأولى مكنتش عارفة فا سألت دى وهكذا
لو هتدخلوا سينما هى طبعا عايزة تشوف فيلم رومانسى ولا حاجة
أنت بقى أمسك فى إنك تختار فيلم كوميدى أو رعب
لو كوميدى أفضل أضحك طول الفيلم حتى على الحتة البايخة ونفضلها خالص ولا كأنها جنبك
اما لو دخلتوا رعب لو كنت بتحب أفلام الرعب ركز مع الفيلم ونفضلها برضه
أما بقى لو كنت بتخاف وداخلة عند فيها أو عشان تثبتلها إنك بطل وقلبك ميت
فا الحل الوحيد تعمل إنك رايح عليك نومة بس لو معرفتش تنام من صوت الأكشن
فا ألبس نظارة سودة وقولها أصل الأشعة بتتعب عينى وغمض براحتك بقى يامعلم ونفض على الآخر
لو بتتغدوا بره وبتسألها هتاكلى أيه وقالتلك أطلبلى زيك وأطلبلى أى حاجة من غير شطة
وروح وصيه أنت بقى يزود الشطة على قد مايقدر
ولما الأكل يجى قولها أنا كنت فاكرك بتقولى أى حاجة فيها شطة
لو فى مناسبة زى عيد ميلادها أو الفلانتين أو أى حاجة
أتصل بها والأول خدها فى الكلام وأقعد كلمها ساعتين فى حاجات فارغة ملهاش علاقة بالمناسبة
وفجأة قولها ثانية واحدة ياحبيبتى هكلمك تانى فى حاجة مهمة
ومتسألش فيها باقى اليوم وضيع عليها المناسبة
بعد كده لما تسألك السبب قولها أصل كان فى كليب أول مرة أشوفه
أو كنت بتفرج على فيلم عاجبنى وكنت بكلمك فى الفاصل ولما رجع اضطريت أقفل
أو ماما كانت مجهزة الأكل وبتنادى عليا وأنا كنت جعان أوى ومقدرتش أستنى
أى حجة رذلة تحرق الدم وخلاص
لو جابتلك هدية وسألتك أيه رأيك فيها قولها كانت جابتهالى واحدة صحبتى أو قريبتى قبل كده زمان
قصدك يعنى إن الهدية قديمة ومش مالية عينك
ونفس الحوار فى مسجات الموبايل كل ماتبعتلك حاجة قولها اتبعتتلى قبل كده
لو قالتلك مانا بشوف المسجات بتاعتك علطول قولها يبقى شوفتها فى موبايل حد أعرفه
المهم إن أنا قريتها قبل كده حتى لو كنت أول مرة تشوفها فى حياتك
مش بعيد هى بقى تألفلك مسج وتقولها شوفتها قبل كده وتبقى أتفقست يامعلم
عادى برضه شككها فى نفسها وسوق فى الإستهبال

Heba Bebo
08-19-2009, 07:35 PM
اللهم صلي علي النبي
كده ضمنا الرهبنة للبنت
مش هتتجوز
هو صحيح لو حبيت بيبقي بجد يعني
بس كده لالالالالالالالالالالالا
هتقتلوا وتنتحر صعبة اوي الوصفة دي
:eek:

sandra_sa
08-19-2009, 08:24 PM
لوحد بيحب حد بجد مش حيعمل كده معاه واكيد الولد مش حيستفاد حاجه من الغيظ وحرقه دم البنت بكره اكيد بردوا حيلاقى الى تحرق دمه وحيكون بيحبها وما يقدرش يبعد عنها ساعتها حيحس بالى كان بيعمله

الدلوعة
08-19-2009, 11:58 PM
ههههههههههههههه
اكيد انت معقد من البنات
بس تعرف انا لو حد فكر يعمل حاجة واحدة من دى معايا اقسم بربى محعرفه تانى لو بموت فيه

la vie en rose
12-07-2009, 08:52 PM
ههههههههههه وليه الرزالة يعني هوة عارفها عشان يرزل عليها ايه الناس دي

برجل
12-08-2009, 01:56 AM
ميه ميه هو ده الكلام لازم شوية رزالة زى منتوا مزهقنا ومرزلين علينا عالطول

ساره احمد عبد الفتاح
12-22-2009, 05:03 PM
ليه بس كده؟؟؟؟؟؟؟؟؟؟

طب لما هو مخنوق منها كده ميسبها وخلاص

بعدين ايه ده مفيش اى احساس بالذنب

salma elsayed
01-04-2010, 04:14 AM
ههههههههههههههههه
حلوه اوى الوصفه دى .واكيد طبعا البنات ممكن تعملها
ميرسى ليك.

محمدرضا533
02-04-2010, 01:49 AM
احسن حاجه فيكى ان انتى تفضلى تنصحى الناس وتعملى عكسها
باقى الواد ينفض للبنت يبقى حلال فيكى اللى بيتعمل ده
ههههههههههههه ولا ايه وطالما هو مخنوف مايسبها ويريح نفسه بدل مايجى واحد يخدها منه والتانى يبقى هايموت نفسه من الغيظ

حسام المصرى
02-04-2010, 12:25 PM
هههههههههههههههههههههههههه جامد
والله اعرف واحد بيعمل كده مع البنت اللى بيحبها ومطلع عينها والله بيعمل كل الحاجات دى بالضبط