اسخف اسئلة ممكن تتسألها خلال اليوم
خلـونـــا نشــوف أمثلة
***********
إنت في أوضتك .. على السرير وطافي النور ومتغطي
ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟
(( أظن ده مش وضع الرقص يعني !!! واضح ان انا هنام )):1:
***********
انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتــواااااااااااااااا ؟
(( لا لسه )):11vil:
***********
والعكس : انت لابس هدومك و متأنتك و على سنجة عشرة وريحة البارفان واصله لاخر الشارع .. وخلاص بتفتح باب الشقة,, يجي حد من أهلك وينادي بصوت عالي : انت خااااارج ولاّ اييييييييييه
(( !!! لاء دانا لسه راجع )) :(
***********
أو مثلا راكب العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟
يقولك : انت رايح الشغل يابيه ؟
(( لا.. العربية واحشاني )):bones:
***********
مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟
(( لا.. بتفرّج عليه ))
***********:box:
مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر ؟
(( تقوم رامي الكتاب و تقوله لااااااااء )):cc_rip:
***********
ربنا هاديك كده ... ماسك سبحة و عمال تسبّح ، يجي حد من البيت يعدي عليك ويقول: هوّه انت بتسبح ؟
(( لاء.. هفرطها )):confused::confused::confused:
***********
ولاّ تعالــو شوفو قنواتنا واسئلتهم البديهية البايخة
برنامج اهداءات يتصل واحد يطلب أغنيه
ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟
(( لأ.... بخنق عليكي )) :embaressed_smile:
***********
أو مثلا في العيد
المذيع : هههههه هههههههه هههههه نتعرّف بيك
المواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير
(( أكيد يعني مش هيقولهم البقاء لله ))
:cc_confused::confused::cc_confused::confused:
***********
,,,المذيعة الظريفـة : وياترى بقى هتعملوا ايه العيد ده هتقضوه ازاي ؟
أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين
(( سبتيله ايه يقوله يارخمة ؟ )):dots:
***********
والأسخف بقى ... الشلل الكبير.. لما المذيعين يكلّموا الاطفال
يقول المذيع للطفل : إنت بتحب ماما وبابا ؟
(( يعني أساسي الواد لسه ما طلعلوش عرق الندالة علشان يقول لأ )):euro:
***********
كفاية كده عليكواااااا
:1::1::1::1::1::1::1::1::1::1::1::1::1::1::1::1::1 :
