واحد ركب اوتوبيس شاف واحده قاعده راح بصلها فبصتله , ضحكلها ضحكتلو غمزلها غمزتلو راح شاورلها على المحطه , فنزلت ....راح قعد مكانها:1:
في واحد دلوع اوي, دخلوه اهله الجيش , سأله القائد : تعمل ايه لو قابلت العدو
قال : ارمي السلاح في وشه و اقولوا اكرهك اكرهك اكرهك ....:embaressed_smile:
واحد اسمه عزوز راح اشتغل عند ميكانيكى ..فى يوم قال لصاحب
الورشة انا اعرف رئيس الحى.... صاحب الورشة ماصدقش لكن بعد يومين فعلا مر
رئيس الحى قدام الورشة وسلم على عزوز سلام حار جدا... صاحب الورشة اعجب
بعزوز وشغله اسطى فى الورشة .وبعد يومين عزوز قال لصاحب الورشة انا
اعرف الوزير!! قال له لا صعبة جدا وفعلا بعد يومين مر الوزير قدام الورشة
وسلم على عزوز ...صاحب الورشة ا تجنن وقال لعزوز يابنى انا حأجوزك بنتى
وتمسك الورشة مكانى... وبعد يومين قال عزوز لصاحب الورشة انا اعرف بوش
ولكن صاحب الورشة قال بلاش تفشر على ..عزوز قاله تعالى نسافر وانا اعرفك
وفعلا سافروا أمريكا ووقفوا امام البيت الابيض وعزوز قال شوف الشباك
الابيض .حأطلع بعد شوية انا وبوش ونقول لك هاى وفعلا عزوز طلع هو و
بوش... بعد خمس دقائق صاحب الورشة اغمى علية وراح المستشفى . ولما فاق
عزوز سألة انت اغمى عليك علشان شفتنى انا وبوش ...صاحب الورشة قال لا....
انا اغمى علي علشان انت وبوش وافقين فى الشباك عدا من قدامى اثنين
امريكان بيسألونى مين اللي واقف جنب عزوز ده؟؟:confused:
واحد ندل قعد لمده سنه يتحايل على حبيبته علشان تخرج معاه
ولما وافقت ر ح قال لأبوها :cc_hang:
واحد ندل اتبرعت الحكومة بنص راتبو لغزة فاتبرع بالنص التاني لاسرائيل :confused:
الطفل لوالدته : مدرس الجغرافيا سألني مين اللي فتح قناة السويس فقلت له معرفشي ..... فضربني !!
الأم : انا عارفاك وعارفه شقاوتك والله ما حد فتحها غيرك:11vil:
زهقان تزوج من وحدة زهقانة، خلفوا ولد سموه افففففف:1:
في واحد راح يستقبل ابن عمه في المطار
المهم وهم راجعين من المطار
بيسأله: انت بقالك عشر سنين في أمريكا.. كنت بتدرس ايه؟
رد عليه ابن عمه : كنت بدرس علم المنطق
قاله : ايه هو علم المنطق؟
رد عليه: صعب اللي درسته فى عشر سنوات اشرحهولك
فى ساعه بس انا هاديك مثال على المنطق
قاله : اوكي
سأله ابو المنطق :انتوا عندكم كلب في البيت,صح؟
رد عليه: ايوة عندنا
قاله: مادام عندكم كلب اكيد انكم عاملين له بيت فى الحوش
رد عليه: صح عاملين له بيت في الحوش
قاله : مادام انه عندكم حوش اكيد انكم عايشين في فيلا
رد عليه: صح إحنا عايشين في فيلا
قاله: مدام انكم عايشين في فلا اكيد ان ابوك غني
رد عليه: صح ابويا غني
قاله: مدام انه ابوك غني اكيد ان امك تقعد في
البيت يعنى مش محتاجه انها تشتغل رقاصة عشان تجيب فلوس
رد عليه: صحيح امي قاعدة في البيت
قاله : هذا هو المنطق , انك تبني شيء علي شيء.
من وجود الكلب في بيتكم استنتجنا ان امك مش
رقاصة
رد عليه : ياااااااااااا هو ده المنطق؟
المهم ... صاحبنا راح عند صحابه باليل وحب
يتفزلك عليهم
وسألهم ياشباب تعرفو ايه هو المنطق ؟
رد واحد لا والله ما نعرفش
قال : انا اعلمكم
سأل صاحبه: انتوا عندكم كلب في البيت ؟
رد عليه صاحبه : لا ما عندناش
قاله : تبقى امك رقاصة !!!!!!!:1:
واحد بيوصل خطيبتة لبيت اهلها المهم لما
وصلو راح عمك دة قام ساند عالحيطة قدام
باب العمارة وقالها عايز بوسة كبيرة وانا
امشى .. البنت قالتلة لا عيب بابا يزعل
خطيبها قالها لية هو ابوكى شايفنا دلوقتى
قالتلة بدلع لا بس فى جيران ممكن يشوفونا
ويقولو لبابا قالها ماهو انا مش ماشى الا اما
اخد البوسة بتاعتى المهم فضلو على كدة
كتير هو ساند عالحيطة ومش راضى يعديها
وهى تقلانة علية مش عايزة تدية البوسة
شوية وبنت صغيرة نزلت من العمارة طلعت
اخت خطيبتة الصغيرة فتحت الباب بتاع
العمارة وقالت للواد.. ازايك ياعمو بابا بيسلم
عليك وبيقولك لو هيا مش راضية تبوسك انا
ابوسك ولو انا مش عاجباك ممكن اختى
التانية تبوسك ولو مش عاجباك اختى التانية
ممكن ماما تبوسك ولو ماما مش عاجباك
ممكن بابا بنفسة يبوسك بس عشان خاطرى
بعد كدة وانت ساند عالحيطة اوعى كتفك من
على جهاز الانتركم عشان العمارة كلها عرفت انك عايز بوسه:11rob:
صعيدي كسب مليون جنيه
خافوا يقولوله يموت من صدمة الفرحه
راح العمدة خاف عليه وقال أنا أبلغه: واد يا حسنين
لو كسبت مليون جنيه تعمل بيهم ايـــه
قال: أديك نصهم يا عمده,, ساعتها مــات العمده !!!:euro:
ولد فافى دخل العسكرية, سأله الضابط: اسمك ايه ؟
قاله: اسمي توتي, قام الضابط وضربه بالكف على وشه وقال:
روح وبكره تجيني باسم رجال, راح ورجع ثاني يوم
وسأله الضابط اسمك ايه, قال: توتي الشرير:11vil:
مسطول في اختبار تعبير مطلوب منه 10 صفحات
كتب أول صفحة (ركب الرجل الخيل)
وفي آخر صفحة (نزل الرجل من الخيل)
وكتب بينهم
درقن,, درقن,, درقن:box:
:1:يارب تكون عجبتكم ومنتظر الردود:1:
