ازاى اعمل بحث ؟؟؟؟

انا احمد فى رابعة اداب مساحة جامعة الزقازيق
طالبين منا ابحاث او سيمينار ممكن حد يقولى الابحاث ى بتتعمل ازاى؟

اخى الكريم

اولا بتحدد حضرتك عنوان البحث
والافكار اللى حتتكلم عنها

وطبعا لازم يكون فى مراجع
يعنى تدور على النت
ويفضل تكون مواقع موثوق منها
زى مواقع تعليميه بتنتهى ب edu او تكون مواقع حكوميه تنتهى ب gov

وتدور فى الكتب
يعنى فى مكتبة الكليه وكده

وتحدد الافكار كلها قبل الكتابه
ولو حضرتك بتعرف تكتب على الكمبيوتر وعلى برنامج ال Word
حيكون جميل انك تكتب البحث عليه
لو مش كده مش مشكله لو كتبته بإيدك

واهم شئ
فى أخر البحث تكتب اسم المؤلف: اسم الكتاب - الصفحه اللى انت كاتب منها ( ولو صفحات متعدد تكتب ص.ص) -و دار النشر- ومكان النشر يعنى المحافظه او الدوله - وتاريخ الطبعه
ولو حضرتك كاتب من مواقع على الانترنت تكتب عنوان الموقع
وبالتوفيق بأذن الله
واتمنى اكون افدتك

الف شكر على الافادة

جزاك الله خيراً
نسيت بس أضيف ان اخر شئ واللى هو كتابة اسم المؤلف والكتاب...ألخ
وكمان عناوين مواقع الانترنت

دى تحت عنوان المراجع الرئيسيه

وتقبل مرورى

الله ينور يا اسراء وربنا يجزيكى كل خير يارب