الاتوبيس المصرى والمهارات التى ينميها
على إسم مصر التاريخ يقدر يقول ما شاء.... أنا مصر عندي أحب و أجمل الأشياء... بحبها و هي مالكة الدنيا شرق و غرب.. وبحبها وهي مرمية جريحة حرب ....بحبها بعنف وبرقة وعلى استحياء ..واكرهها وألعن أبوها بعشق زي الداء.......
كلمات جميلة للشاعر الأستاذ صلاح جاهين ابدا بيها موضوعى...
الموضوع ده مش هطلع فيه مناظرقذرة.. ولامساوء... ولاعيوب موجودا فى مصر وبس ... لا
اقرا يا سيدى الى جاى وانت تعرف مصر فى عيون المصرين
كل مره هنتكلم عن مشكلة بس بطريقتى الخاصة
زحمة المواصلات
الاتوبيس المصرى فى اى وقت
مهارات عند المصريين وبس
كل انسان مهما كانت جنسيته ..او هيئته..او موبيله كارت او خط ..مشحون او نفذ رصيدكم ..لازم يكون عنده مهارات ربنا بيوهبها له عشان يقدر يعيش وسط البيئة الى هو فيها
يعنى مثلا الاروبيين بيقدرو يتكلمو انجليزى حلو اوى ...اه والله ... وبيقدرو يستحملو درجات برودة بتوصل لـ 9 تحت الصفر عندنا لما بتبقى 15 بنتجمد
وبتوع افريقيا بيقدرو يستحملو درجات حرارة مرتفعة جدا برضو لو عندنا الحرارة علية شوية بنسيح واحنا ماشيين وبنحس اننا بنتبخر
بس المصريين بيتميزو بمهارات كتير انا هتكلم عنها بس وحدة وحدة ..
عمرك ركبت اتوبيس وسمعت الكمسرى بيقول ياجماعة كفاية
الاتوبيس اتزحم ...؟؟؟
http://img108.imageshack.us/img108/7...2751802ir2.jpg
العربية فاضية يا جماعة الى على الباب يوسع للى طالع
عمرك ركبت مكروباص والسواق طلع وهو ناقص ولو نفر واحد؟؟؟
بسبب الزحمة دى بقى احنا اكتسبنا صفات جميلة اوى ومهارات خاصة ..مثلا
كلنا بقينا كيان واحد .. بص لاى وسيلة موصلات زحمة وقولى ازاى هتفرق الناس عن بعض او ركبو كده ازاى الا لو مكنوش قطعة وحده ..... ومحدش بيعترض
المهارات الى بتنميها الموصلات فى الشعب ..
الثقافة
..كل واحد ماسك جرنال فى 8 حواليه بيقروه معه بيقولوا عمووو ممكن الجرنال ثوانى والكلام واضح يا هدير ( وهدير بس هى اللى هتفهم كلامى )ههههه
المشاركة الوجدانية ..اى واحد بيكلم صحبه او حتى مراته فى الموبيل الشعب كله بيبقى مقدر ظروفه ( ولو جاله خبر حالة وفاة وهو فى الزحمة الى ركبين كلهم بيعزوه طبعا)
التخطيط..مفيش وحد مركبش اتوبيس ومقلش بوليس عشان ميدفعش ..او مترو ومقالش جيش عشان يدفع نص تذكرة بس ...ودى عملية محتاجة تخطيط رهيب
اللياقة ...كيفية اختراق اى وسيلة مواصلات مهما كانت زحمة لازم يكون عندك لياقة طبعا
الاناقة...المحافظة على المظهر الشخصى وسط الزحام ( هدوم مبتتكرمش ..شعر مبيتنعكش..رباط جذمة مابيتفكش)
فى النهاية مش عايزين لكل مواطن عربية عايزين الحلم يتحقق بوجود مكان لكل مواطن فى اتوبيس
ده حلمنا طول عمرنا اتوبيس فاضى يلمنا كلنا ( الحلم المصرى)
http://img72.imageshack.us/img72/172...4206102uf5.jpg
المره الجاية هنتكلم عن المصريين اثناء الانتخابات
كان معاكم حسام المصرى من منتدى مساحة ويا عالم هبقى معاكم للموضوع الجاى ولالا
:cc_rip:
