ماهى القيمة التطبيقية لعلم الجغرافيا حاليا؟
وماهى مساهمات الجغرافيين فى الميادين المختلفة؟
الرجاء ذكر امثلة حية عند الاجابة وتكون من وقت ليس ببعيد
عرض للطباعة
ماهى القيمة التطبيقية لعلم الجغرافيا حاليا؟
وماهى مساهمات الجغرافيين فى الميادين المختلفة؟
الرجاء ذكر امثلة حية عند الاجابة وتكون من وقت ليس ببعيد
لالالالالالالا كتير اولها التخطيط يا استاذ محمد وده دلوقتي مش من بعيد الجي اي اس
اهلا بك اخى الفاضل
لكن بالنسبة للتخطيط ففى كلية التخطيط الاقليمى واعتقد انهم حيكونوا اجدر بالتخطيط ولو رايى غلط اتمنى اعرف غلط ليه
بالنسبة للجى اى اس اعتقد انه فرع او علم مساعد صح ولا ايه مش من صلب الجغرافيا
شكرا على مشاركة حضرتك واتمنى تفيدنى كلما امكن
اقتباس:
المشاركة الأصلية كتبت بواسطة محمد مصطفى50
عارف يا محمد.
سنة 1996 كنت في تالتة ثانوي وفي آخر درس في اللغة الإنجليزية راح واحد صاحبنا إسمه مصطفى قايل للأستاذ واحنا في الدرس .
أستاذ صلاح عايزك تلملي القصة دي في سؤال "يقصد قصة أوقات عصيبة ".
آهو إنت عملت زيه بالظبط.
يا حماده الموضوع فيه مؤلفات مش مجرد مقالة والناس ترد عليها
لكن عالعموم.
1- الجغرافي هو أكثر الناس المؤهلين في الدول التي تعتمد على مراكز اتخاذ القرار لكي يكون من أهم كوادر هذه المراكز.
2- الجغرافي عنده القدرة على الربط والتحليل والتنفيذ أيضا في كثير من المواقع.
3- الجغرافي الأقدر على دمج العديد من العلوم وتقديمها في قوالب جديدة.
4- الجغرافي يستطيع أن يقدم البنية التحتية للتخطيط بأفكار ليست نمطية.
تعالى للأمثلة.
- لو قلنا عايزين نبني مدينة جديدة. هنقول إيه يبقى عايزين نشوف الأرض وتضاريسها وتربتها.
عايزين نشوف المناخ وسطوع الشمس ودرجة الانعكاس الحراري عشان شكل المباني.
عايز أشوف مناسيب الأرض عشان الطرق والصرف.
عايز أعرف هحط المدارس فين ؟
حط المطافي فين؟
حط المستشفيات فين؟
وهكذا ....
يبقى محتاج لدارس لنظم المعلومات الجغرافية عشان يقدر يركب البيانات دي.
طيب بالنسبة للناس المتخصصة في مجالات الجغرافيا هناخد السياسية على سبيل المثال.
هوه أصلا بيدرس إيه؟
1- جغرافيا.
2- تاريخ.
3- اجتماع سياسي.
4- اقتصاد سياسي.
5- سياسة.
6- علاقات دولية.
طيب تعالى معايا كده نشوف واحد زميلنا متخصص سياسية هيبحث موضوع زي انقلاب للعمال. مثلا دا على اعتبار صاحبنا متيعين في غرفة الطوارئ في مركز دعم اتخاذ القرار في مجل الوزراء أو حتى مستشار أو باحث في جهاز أمن الدولة أو حتى المخابرات العامة .
1- هيدرس التركيب الاقتصادي للعمال من أجور وبدلات . ويقارنها بغيرهم في شركات تانية.
2- هيدرس الوضع الاجتماعي ليهم من متزوجين أو عزب أو غيره من الحالات.
3- هيدرس التوزيع الجغرافي ليهم ومناطق سكنهم.
4- هيدرس الانتماء السياسي للعمال.
5- هيدرس تجارب سابقة للانقالابات أو الاعتصامات.
طيب هيحل ازاي أو إيه قراراته؟
1- ممكن يوصي بتزويد المرتبات أو الاضافي أو البدلات.
2- ممكن يحل الموضوع بشكل عكسي من خلال التوقيع بين القيادات والقاعدة العامة من العمال.
3- ممكن يقطع الطرق المؤدية لأماكن التجمهر وسكنهم.
4- ممكن يسترضي القيادات من خلال معرفة انتماءتهم ويسترضيهم من خلال قيادات انتماءتهم السياسية.
طيب تعالى نشوف زمايلنا إللي في القنوات الاخبارية كمعدين برامج.
1- لو الجزيرة هتعمل برنامج عن الصراع الدائر في الصومال مين |أفضل حد يدرسه وليه؟
2- لو هتعمل برنامج عن تهريب النفط العراقي وسرقته من الاحتلال يبقى مين أفضل واحد يعمله؟
3- لو هنتكلم عن السور العازل والسور الفولاذي وغيره مين أفضل واحد يدرسه؟
4- لو هنتكلم عن مشكلة الأقليات الدينية في دول العالم خاصة مصر مين أفضل واحد يتكلم عنه؟
5- لو هنتكلم عن الجماعات الاسلامية وتصنيفها وتوزيعها مين أفضل واحد يتكلم عنها.
محمد
الجانب الجغرافي زي ما قال عبقري الجغرافيا جمال حمدان الجغرافيا هي ظل الزمن عى الأرض.
فمشاكل كتير مش هيحلها غير الجغرافيين زي مشاكل توزيع الأقليات وتوزيع الجماعات الاسلامية وزي باقي المشاكل إللي قلت لك عليها.
وبالنسبة لمجالات العمل.
1- المبيعات والتسويق "تخيل" عشان أقدر واحد على دراسة الأماكن وتوزيعاتها وربط الخريطة بالمعطيات.
2- شركات المحمول والاتصالات "عشان توزيع وتركيب شبكات دعم الخدمة"
3- شركات المقاولات بكافة قطاعاتها.
4- المكاتب الاستشارية الهندسية بكافة قطاعاتها.
5- رئاسة مجلس الوزراء.
6- جهاز شئون البيئة.
7- وزارة الري.
8- وزارة التخطيط.
9- وزارة الكهرباء والطاقة.
10- وزراة التربية والتعليم"مدرسين".
11- القنوات الاخبارية.
12- الصحف الكبرى.
13- مراكز الأبحاث.
14- هيئة الأرصاد الجوية والزلازل.
15- شركات التنقيب عن المعادن.
16- الجهاز المركزي للتعبئة العامة والاحصاء.
17- الجهاز المركزي للمحاسبات.
18- وزراة السياحة.
19- شركات المداولة في البورصة.
20 شركات حجوزات الطيران.
21- شركات الشحن والتفريغ والدعم اللوجستيكي.
مالآخر
الجغرافي الشاطر
في مجالات كتير جدا
لكن ده بيعتمد على ثقافتك في التخصص ومدى تمكنك منه.
الاطلاع على الجديد في العلم خاصة نظم المعلومات الجغرافية.
معرفة طبيقة العمل المقدم ليه والمذاكرة من أجله.
وبرضه ما عرفتش أقول كل حاجة
استاذنا الفاضل محمد الفرارجى الف شكر على مرورك وردك
لكن هل فى مراجع ممكن اقراها فى الموضوع
اقتباس:
المشاركة الأصلية كتبت بواسطة محمد الفرارجي
بجد موضووووووووع مميز جدا
ومن اكتر الموضوعات اللى استفدت منها فى المنتدى
والمناقشة ممتاااااااازة وطلعت منها بحاجات كتير
ياريت كل الاعضاء
تقرا الموضوع دا
لانه فعلااااااااا قيييييييييم جداااااااااااااا
جزاك الله خير
باشمهندس محمد الفرارجى
جزاكم الله خير جميعا
موضوع رائععععععع انا كنت محتاجة المعلومات ديه 0شكرااااااااا للاستاذ صاحب الموضو ع والاستاذمحمد ع الاجابة التوضيحيه
جــزآك آلله خيــرآ بجــد كــلآمك كلــه مــوزون
وفعلا المفروض ان اى جغرـرآفــىآ يكــون عــآرف الكــلآم ده كله
تقبل مــرورىآ