الى خبراء الاثار .... استفسار حول نقوش على صخرة

اثناء تجوالى فى صحراء سيناء عثرت على هذه الصخرة وعليها هذه النقوش القديمه جدا .... فاريد ان اعرف الى اى عصر تنتمى هذه النقوش ... ولكم جزيل الشكر

http://up3.up-images.com/up//uploads...3e2f32e2a1.jpg..

والله ديه مش يقدر يفيدنا فيها غير مكتشفين اثار وباحثين لان كتابتها غريبة
ممكن حضرتك تاخد الصورة وتوديها لخبير اثار هايقددر يفيدك ولو عرفت ايه عليها من النقوش ياريت تقولنا
وجزاك الله كل خير

شكلها مش اثري خالص

تلاقيه حد بيهزر يا الاء

انا مع ايمن
ده شكله حجر كان حد بيشوى عليه فراخ
وبعد كده كتب اللى هو عايزه لان لو لاحظتى هتلاقى الكتابه بلون الصخره الاصلى

والله يمكن مش بعيد
الله اعلم

لا فعلا باين انكم خبرة فى الاثار .... وعايزين تنجحوا فى الامتحانات !!!! ....ربنا معاكم ..... لا وايه قال لون الصخرة الاصلى .... والله ضحكتنى يا اخ حسام ... هو ممكن يكون دهنا بولاك ورسم عليها بعد كدا باللون الاصلى .........
الكلام المنطقى سمعته من الاخت الاء ربنا يبارك فيها ... فعلا الصخرة محتاجة خبير اثار رسمى ........ المهم انا بقول للاخوة الافنديه اللى عمال يتريقوا ... الصخرة دى فى مكان موجود فيه عين ماء مرت بها حضارات عديده من الرومان وحتى العثمانيين

اسف جد و لكن ممنوع وضع روابط لمنتديات اخرى و لذلك تم خذف الرابط

و انا انصحك ان لو فعلا زى ما بتقول ان الصخره قديمه فافضل شىء انك تقدمها لوزارة السياحة او شرطه الاثار

او المتحف المصرى بحيث الخبراء و بحيث انك تبقى رجعت اثار لمصر حيث انها ملكيه عامه و ايست شخصيه

و هم هناك حيوضحوا االكتابات و عمرها و كل شىء

و لو مزيفه برضه هم حيوضحوا الكلام دا لان ممكن جدا متكونش انت الى مزيفها مكن يكون حد تانى جاب حجر بازلت اسود و نحت عليه اى نقوش و خلاص

و من نظرتى الاولى للصخره فبقولك لو كانت فعلا اصليه الكتابات الى عليها دى ممكن تبقى لا اله الا الله

بحيث انهم اربع كلمات

التانيه و الاخيره متشابهين على اساس ان الصخرة مقلوبه

و هم كلمتين الله و اله

و الكلمتين الاولنيه و التالته صغيرين لا و إلا

دى مجرد نظره و ليست اكيده بالمره و عموما ربنا يوفقك لما فيه الخير

اقتباس:

---

المشاركة الأصلية كتبت بواسطة راعى الناقه

لا فعلا باين انكم خبرة فى الاثار .... وعايزين تنجحوا فى الامتحانات !!!! ....ربنا معاكم ..... لا وايه قال لون الصخرة الاصلى .... والله ضحكتنى يا اخ حسام ... هو ممكن يكون دهنا بولاك ورسم عليها بعد كدا باللون الاصلى .........
الكلام المنطقى سمعته من الاخت الاء ربنا يبارك فيها ... فعلا الصخرة محتاجة خبير اثار رسمى ........ المهم انا بقول للاخوة الافنديه اللى عمال يتريقوا ... الصخرة دى فى مكان موجود فيه عين ماء مرت بها حضارات عديده من الرومان وحتى العثمانيين

---

والله انا شوفت صخور بالشكل ده كتيييييييييييييييير جدا

انا شغلى فى برج العرب وبشوف والله صخور من دى كتير ومكتوب عليهم كلام كده بس اللى عمل كده العرب اللى قاعدين فى المكان

وبما انك بتتكلم ان مر عليها رومان وعثمانين ليه ممرش عليها الصليبين يا ( مش هقولك افندى لان مش اسلوبى )

هو كان حاطط تقرير للمكان يا حسام بس انا شلته علشان من منتدى تانى

و انا قريت التقرير و شايف ان ممكن يبقى كلامه فيه شىء من لصحه

و الله اعلى و اعلم

اقتباس:

---

المشاركة الأصلية كتبت بواسطة خالد أبوسعده

هو كان حاطط تقرير للمكان يا حسام بس انا شلته علشان من منتدى تانى

و انا قريت التقرير و شايف ان ممكن يبقى كلامه فيه شىء من لصحه

و الله اعلى و اعلم

---

تمام يا خالد بس محدش اتريق احنا قولنا وجهة نظرنا بدون الاساءة لحد
وربنا يوفق الكل وفعلا لو كده ياخدها ويروح للهيئة العامه للاثار وهما ادرى