فى الاول كدة وعشان نبقا على نور
مش عايزة حد يدخل يقولى (شكرا ؛ ونايس) والكلام اللى مش بيجيب همة دة اللى بيأكدلى ان الموضوع محدش قرأه
واستحملونى بقا فى الشوية اللى جايين
وانا مش اسفة على العنوان اوعلى اى كلام هيبقا مش تمام
انا هتكلم عن كذا حاجة ومش بالترتيب
http://www.addemoticons.com/emoticon...ticons1194.gif
صحيح اللى اختشو ماتو
ماتت .... اتدبحت فى شقتها
ماتت........ اتحرقت فى شقة صاحبها
ماتت....... اتقطعت واترميت فى الزبالة
ماتت ....... وماتت ,.....وماتت
اية كل دة
ولية وعشان اية
ونعرف بعدها ان مفيهمش وحدة........
ومش اسفة على انى نعتهم بكدة
والاعلام الخايب بتاعنا
يطلع يقول دم فاتن مش اقل من دم سوزان
وقال يعنى كانو حد عدل فى الدنيا والمجتمع
مش ......و....
ويرجعو يقولو
اصل دول ضحايا الظروف الاقتصادية والمالية
يالهوى
تبيع نفسها عشان فقيرة ؟
سايبة بيت اهلها بقالها 3 سنين وعايشة مع واحد فى........
وتقولولى ظروف
الله يخرب بيت الظروف اللى تخلى الناس تستوعب حاجة زى دية وتقبلها
وفى الاخر يطلع اهل كل وحدة فيهم يعملو نفسهم حزنا عليهم وان البنات خلاص كانو خسارة فى الموت
مش انهم يستحقوها وعن جدارة وربنا مظلمهومش
كل دة ليه عشان الدية والفلوس
ومش هممهم الكلام اللى بيقولوة قصاد الاعلام وبكل بجاحة وجرائة بيتكلمو اكن اللى عملوة دية حاجة عادية
ومش عايزة حد يقولى احمدى ربنا انك طلعتى فى بيئة كويسة
وان من الممكن ان اى حد فينا كان يبقا كدة
لاء والف لاء
مبحبش اللى يعلق الخيبة على الزمن والظروف والاهل والبيئة
احنا نعمل العملة ونطلع لها مبرر
طبعا انا بحمد ربنا على كل حاجة
بس انى استوعب حاجة زى دية وتبقا عادى بالنسبالى انا والكل
دة العيب نفسة
http://kaak848.jeeran.com/images/b5.gif
احنا من كتر ما سمعنا الكلام الفارغ دة فى ناس فكرت ان احنا خلاص بقينا ........
والبيئة والاهل طبعا ليهم دور
بس مش رئيسى ابدا فى ناس كتير فاشلين واولادهم كويسين جدا
وياما ناس ساكنين فى عشش وخرابات واخلاقهم ماشاء الله احسن من اى حد
فا مش كل حاجة نرمى التهمةعلى الاهل والزمن
اذا لم تستحي فافعل ما تشاء
تم حذف الكلام وكفايا ........النقط
http://www.eqla3.com/vb/images/smili...20of%20031.gif
من انهاردة هتريق واللى هيكلمنى هقولة حرية
وخليك فى حالك الدنيا تحلالك
ياريت كل واحد يحط الكلمة دية فى دماغة
فساد شخص لايفسد شعب او امة بااكملها
مش عارفة ازاى وليه من امتى المشاكل بتتحل بالتريقة والسخرية والاستهزاء .؟؟؟؟
ازاى ادخل اتريق على بلدى واقول فى توقيعى دة انا بحبها وبعشق ترابها
ادخل اتريق على الريس او اى مسئول
واقول مهما دول اللى خاربين البلد
لاء مش هما دول اللى خاربينها
ولو هما فعلا اللى خاربينها
فا انا وانت وهى وكلنا سبب رئيسى فى الخراب دة
احنا كدة بقينا فى اسوء المراحل
ما كل بلد فيها مصايب واكتر مننا بكتير
محدش بيحب ينشر غسيلة اللى مش نضيف غيرنا احنا
وان الله لايغير ما بقوما حتى يغيروا ما بانفسهم
واحنا شكلنا مش عايزين نتغير
يبقا نشرب بقا من اللى حصل واللى هيحصل
http://www.marsauae.com/vb/images/smilies/marsa84.gifاتقوا الله يا عواجيز الفرح
http://www.marsauae.com/vb/images/smilies/marsa84.gif
ليه الولد لما يجى يتقدم لبنت وسأل عنها وعرف
انها كويسه ومحترمه وتمام يعنى ليه بعد كده لما يتخطبو وهى لقت ان فى حاجات مش عجباها مثلا (صفاته_اسلوبه)اى حاجة مش تمام
ولما تيجى تحس انها خلاص معندهاش استعداد تكمل يطلعو عليها ان فى شخص فى حياتها تانى
وهى بتفكر فيه مع انها ممكن تكون مفيش حد فى حياتها خالص بس كل المشكله انها رفضته
مع انهم عاملين الخطوبه عشان تكون تجربه بينهم
وحتى لو تبقا البنت هى اللى مقررة الانفصال
لازم يقولو ان اكيد العريس اكتشف حاجة وهو اللى سايبها بس هى بتقول كدة بتتجمل
فى اوقات كتير الواحد بيقول كلام الناس ولا بيقدم ولا بيأخر زى جورج وسوف ما قال
بس ساعتها احنا بنبقا بجد بنضحك على نفسنا
لان كلام الناس بجد بيأثر بس احنا اللى بنحاول نقنع نفسنا انه مش هاممنا
ياه لو كل واحد يسيب التانى فى حاله
http://www.eqla3.com/vb/images/icons/icon17.gifhttp://www.eqla3.com/vb/images/icons/icon17.gif
طبعا كلنا شوفنا اعلانات افلام الاجازة دية
مش شرط نكون كلنا يعنى كلنا اغلبنا اكيد ومش شرط برضوة اننا نكون شوفنا
بس الاكيد اننا سمعنا او قرينا عن الافلام اللى نازلة وحلاوتها
فى ناس شافوها حاجة عادية
وفى ناس قالو ان دية الحقيقة والواقع والظروف اللى بنعانى منها
بس هو اللى احنا بنشوفه ده واقع دي قلة ادب وسفالةواضحة و كمان الرقابة لا زم تبقي بتحافظ على اخلاق المشاهدين
لاء وماشاء الله كتر خيرهم يعنى بينبهو ان الفيلم
(للكبار فقط )
يا حلاوة يا ولاد لاء بجد يشكرو
يا ترا اللى جاى شكلة اية وفين الرقابة ؟
نايمة فى العسل طبعا
http://www.marsauae.com/vb/images/smilies/marsa79.gifالله يرحمك يا عروبةhttp://www.marsauae.com/vb/images/smilies/marsa79.gif
العرب كلمة كانت تعنى لنا الكثير ولكنها اصبحت اقل من القليل
العرب اليوم ببساطة يشعرونى بالقرف >> ومش اسفة على الكلمة
كل واحد شايف بلدة احسن بلد
وانا مش ضد دة طبعا حب الوطن دة حاجة بتجرى فى الدم
لاكن نقف دول مسلمة ومش هذكر اسامى ونفضل نشتم فى بعض
ولا اكننااولاد شوارع
كل دة ليه (كرهه بجد - حقد دفين - ولا المصالح اللى عمت قولنا )
ولا الاعلام بقا اللى بجد مدرسة للوقاحة المتاهية
مش فى بلدنا بس كل البلاد التليفزيون بقا حاجة تجيب اشمئذاذ بجد
يا قلة ادب وسفالة بتتعرض
يا برضوة قلة ادب بس فى بعضينا كل دولة بتشتم فى التانية
ومن غير سبب ولو بيبقا فى سبب بيبقا هبل وعبط
http://www.marsauae.com/vb/images/smilies/marsa173.gif
انا مش بقول كدة علي الناس بس
لاء طبعا وانا وذات نفسى خلاص مبقتش طايقة حد ولا انى اشوف نقد من اى حد مش مصرى على البلد او اللى فيها
http://www.marsauae.com/vb/images/smilies/marsa88.gif
فى النهاية وبعض ما خلص الموضوع
احب اقول
ملحوظة :انا قولت الكلام دة مش عشان انا مش عاجبنى اللى بيحصل وبس
لاكن انا نظرة التفائل خلاص راحت منى وحيات ربنا ومش لاقيه حاجة عدلة تخليها ترجع تانى
بقيت بحس احساس ذل وانكسار واهانة
من كل حاجة وفى كل حاجة
انا زعلانة على حالى وعلى حال بلدى واللى فيها
بس برضوة مقدرش اشتم فى الزمن ولا فى الوطن ولا على الظروف
اكنى بالظبط بشتم فى امى
تخيلو لو انا بشتم فى امى هكون انا اية وازاى
طولت عليكم انا عارفة بس عجبني الموضوع
