مساعده ضرورى اولى انتظام

يا جماعه اى حد اولى انتظام يا ريت يكلمنى علشان انا لسه ما اعرف اى حاجه عن الكليه

حاااااااااااااااااااااااااااضر

من عونينا لا تقلق

يدخلوا باقي المشرفين بس ويساعدوك

منورنا

احنا شغلين الايام ديه في بعض المواد وعندنا 8مواد منهم تكميل للنصف الاول وهما الطبيعيه والبشريه وموعدنا بقت بعد الظهر والمواد حسب الجدول :الاحد:من 8_10 مدخل الي علم الخرائط للطلبه ومن 10 _12 حاسب الي ومن 2-4 جغرافيا بشريه
الاثنين:من 2_4 مدخل الي علم الخرائط للطالبات ومن 4_6 المكتبه الجغرافيه ومن 6_8تاريخ بطليمي
الثلاثاء:من 8_10 جغرافيا طبيعيه
الاربعاء:من 2_4 جغرافياالوطن العربي ومن 4_6 تاريخ فرعوني ومن 6_7 مدخل الي علم الخرائط للطلبه والطالبات
وهيبقي في شكاشن للحاسب وممكن للخرائط وياريت المعلومه تكون وصلت كويس وفي طلبات بعض الدكاتره طلبوهامنناوماده الخرائط هنشتغلها من السبوع القادم اما الحاسب فالدكتوره دخلت واتعرفت علينابس والمكتبه والتاريخ البطليمي والبشريه اشتغلناهم

ميرسى جدااااااااااااااااااااااا بس ايه طلبات الدكاترة
وعايز اعرف ايه اخبار المواد الى اشتغلتوهم سهله ولا ايه
معلش انا متقل عليكى

ولامتقل ولاحاجه....دكتور المكتبه الجغرافيه شرحلنا جزء صغير من الماده وطالب منا كلنا الانتظام والانتساب عشان احنا بناخد مع بعض 3 مواد رأينا في جزء معين من الي شرحه وعاوز يشوفه ودكتور التاريخ البطليمي عاوز نكتب الي فهمناه من المحاضره ونرسلهاله في تعليق علي اميله وهو عطهولنا عشان عاوز يعرف ايه الي احنا فهمناه واحنا فهمنا صح ولا لأ عشان احنا عددنا كبير جدا ومش هيعرف يسأل كل واحد هو فاهم ايه ولو لقي حاجه غلط في التعليق هيصححها في المحاضره..ومستوي المواد كويس بس عاوز مذاكره اكتر من النصف الاول..وماده الخرايط والحاسب من المواد الي لازم نجيب تقدير فيها عشان التخصص بس ده كل حاجه ان شاء الله

اهلا بحنين الحياة انا معاكى فى القسم بس ممكن سؤال دكتور محمح راشد طلب حاجتين منا الاول عايز نقد التصنيف و عايز. راينا فى الخغرافيا بس مش عارفة التانية ديه ازاى.وشكرا.

اوك بس بليز انا عايز اعرف طلبات الدكاترة بالظبط علشان انا مش فاهمها

يا حنين ممكن اعرف طلبات الدكاترة انا عارف انى متقل عليكى

اهلا وسهلا بيكي وانا البارح كتبت الرد علي استفساركم بس ما اضفش يمكن النت كان معلق واوعدكم اني هسأل علي الطلبات النهارضه لاني كل ما اسأل حديقولولي طلبات مختلفه وهرد عليكم بالليل ان شاء الله وانت مش متقل ولا حاجه وياريت ماتكنوش اضيقتم مني

الله ينور يا حنين على الشغل اللى انتى عملاه ده
بالنجاح ان شاء الله