يارب
خالق الكون والطير والناس
لما بكون معاك دا اجمل احساس
بكون ملكت كل شيئ وهحتاج لايه
تاني ما خلاص
يارب
دايما قريب مننا ندعي وتسمع مننا
ذنوب كتير وبتغفر لنا لو فرطنا يوم
في الجنه دا يبقي الذنب ذنبنا
يارب
مين اللي بيحقق احلامنا
مين اللي بيداوي الامنا
بيحنن دايما علينا ايامنا
مين غيرك يارب
يارب
مين اللي اطعم مساكين
مين ابدع بساتين
مين اشبع محتاجين
غيرك انت يارب
يارب
لو في يوم مره ابتلانا
دا عشان نرفع درجاتنا
في عز المصائب ويانا
ما سابنا وقت في حياتنا
يارب
مين اللي بينصر في الاخر كل مظلوم
من دايما للعدل يحقق
مين اللي ينادي علينا كل يوم
بينادي علينا كلنا ولامره فرق
يارب
مين اللي خلي قلوب مليانا حنان
مين هون علينا كتير الزمان
مين اللي بنكون معاه بنحس بالامان
مين جاب الفرح بعد ايام احزان
غيرك يارب
السما والارض والطير
والجبال بيقولوا يارب
الزرع والميه والشجر
والتلال بيقولوا يارب
يارب يارب يارب
يارب ارحمنا برحمتك
يارب دخلنا جنتك
يارب
مين اللي خلي الظالم يتغير
مين اللي طمن قلب كان متحير
ومين اللي حنن قلب كان دايما متغير
مين اللي ضحك الطفل الصغير
يارب نقابل الرسول
ونتكلم معاه ونفضل نقول
يا حبيبي يارسول الله
لو سمعت الشجر بيقول يارب
لو سمعت البشر بيقولوا يارب
لو سمعت الطير بيقول يارب
لو سمعت الزرع بيقول يارب
لو سمعت المطره بتقول يارب
غيرك يارب
غيرك يارب
مين اللي دايما معاك وقت ضعفك
مين اللي عزك مين اللي نصرك
مين في كل وقت دايما شايفك
مين اللي فرح قلبك وفرج همك
غيرك يارب
يارب يارب يارب
