+++ لا تعمل في غير اختصاصك +++

بسم الله الرحمن الرحيم
السلام عليكم و رحمة الله و بركاته

زملائي زميلاتي
خريجي اقسام المساحة و الخرائط
و نظم المعلومات الجغرافية بجامعات مصر و معاهدها

لا تعمل في غير اختصاصك

http://www14.0zz0.com/2010/04/23/01/775247515.jpg

اعزائي تمعنوا جيدا في هذه اللافته المتواجدة على مدخل
احدى اكبر المشاريع الانشائية في الساحل الشمالي بمصر

استوقفتني اخر نقطة من التعليمات
(لا تعمل في غير اختصاصك)

جيت اربطها بحالنا دلوقتي (احنا خريجي المساحة و الخرائط)
و استغربت

امته هيعترفوا بينا ؟ امته هناخد حقوقنا ؟
امته هنزاول مهنتنا بشكل رسمي ؟

النهارده سوق العمل المساحي في مشكلة كبيرة جدا

بقت المساحة شغلانة الي ملوش شغلانه

بجد

متستغربش يا خريج المساحة لما تنجح بتقدير و تتخرج
و تلاقي مكانك اتاخد منك و بقى لغيرك من اصحاب
الشهادات تحت المتوسطة و اصحاب الدبلومات

مش بقلل من شان حد بس دي الحقيقة

انا اتسرقت

تعبي طول السنين و تخصصي في مجال المساحة
تخصص متاح للجميع
حتى للي مش متعلم ازاي يقرا و يكتب

مجرد زراير على جهاز التوتال حافظ اماكنها و بعض
الرموز فيها اهلته انه يبقى مساح

دي الحقيقة

وليكوا انكوا تتخيلوا لو استمر الحال على كده ايه اللي
هيحصل بعد كام سنة

حاجة من الاتنين

يا تقوم نقابتنا

يا اما تستسلم و تسيب حقك و عمره ما هيرجعلك طبعا

دعوة للجميع بالمشاركة بايجابية نحو اقامة نقابتنا

يد بيد تجمعنا رابطتنا

الامضاء : احد اعضاء الرابطة

بصراحه يا ايمن انا مش عارف اقولك ايه

بس انا حاسس وشايف كويس الي انتا حاسس بيه وبتقوله

لازم كلنا نتعاون لانشاء نقابه تحمي حقوقنا وتدافع عن مصالحنا

لان الدخلاء على المهنه بتقلل كتير من شان اخصائي المساحه

وبقي من الصعب جدا حتي انك تسمع مسمي اخصائي مساحه

بشكرك يا ايمن جدا

جزاك الله كل خير

شكرا يا علي

انا متاكد من ان انشاء النقابة هي الحل الوحيد للمشكلة دي

و كل واحد لازم يقوم بدوره و ندعم بعضنا من خلال الرابطة

و طول ما احنا ساكتين عمرنا ما هنوصل

كلنا لازم نبقى ايد واحدة متعاونه

شكرا جزيلا ليك يا علي

نورتني

الف شكرررر ياايمن على طرحك للموضوع

والصراحة حرام امايتخرج ويلاقى مكانى حد اخذة بعد تعب السنين .

والحل هو النقابة

الف شكررر على طرحك للموضوع

واما طلع المقالة بتاعه تأسيس الرابطة

كلنا فرحنا بس ياريت الروتين مايلعبش

دوره .

احنا اللي ممكن نغير كل حاجة

احنا بادينا نحقق الحلم ولو حتى خطوة واحدة منه و ييجي اللي بعدي يكمل

القصة في صعوبة البداية فقط

و احنا النهارده في عصر النت نقدر نجمع بعضنا مش باقي غير الحماس

انا اتمنى ان كل خريج مساحة في مصر ييجي و يشاركنا و يدافع عن حقه

كل واحد لازم يعمل اللي عليه

و بحيي مجهود دكتور سيد و مجهود داعميه لاقامة نقابتنا

و انا دعمي ليهم و معاهم لحد النهاية

اخى العزيز أيمن تحية طيبة وبعد .
انا معاكم بشأن تاسيس نقابة للمساحين لأن دة حقهم
ومعاك بردة فى التعبير الجميل الى وصفت بية ممارسى مهنة المساحة بدون مؤهل مساحى
بس تقدر تقولى لما النقابة تفعل دورها مين الى ممكن يكتب فى البطاقة اخصائى مساحة
خريج هندسة الى متخصص فى المساحة
ولا خريج اداب جغرافيا
ولا خريج معهد المساحة
ولا الحرامى الى بيشتغل على الاجهزة المساحية
مش كل خريج هندسة بيكتب فى البطاقة مهندس بيكتب ( حاصل على )
وعلى العموم اشكرك على التعبير الجميل بس احب الفت نظرك لحاجة مهمة
فى فرق كبير بين مهندس واخصائى ومساعد ومراقب وفنى
وكل دوول ممارسين للمهنة
أشكرك على الموضوع المتميز وارجو ان تتقبل مرورى


(( ممارس لمهنة المساحة بدون شهادة مساحية ))

[]اخى العزيز أيمن تحية طيبة وبعد .
ا
انا معاك وبعلق للاستاذ ايمن على حرامىالى بيشتغل على اللجهزة المساحية وشكرا للنقاب اذا اهتمت بالحرامية من وجهة نظر السيد ايمن
اخوك-رمضان خلف عبد العزيز
مديرية المساحة بالمنبا

السلام عليكم ورحمة الله وبركاته
عندما نطالب الا يعمل الغير دارسين للمساحة فى العمل المساحى يجب ان نعرف العوامل التى ترتبت على عملهم
وانا المس ذلك كله بحكم عملى ىفى المواقع كاخصائى مساحة باحدى شركات البترول
1-لن اتحدث عن عدم الاتقان ولكن اتحدث عن المستوى الاجتماعى الذى وضع فيه المساح بسبب تطفل اصحاب الشهادات الاخرى المحترمين حيث انه يرضى بالقليل من المال رغبة فى العمل ويرضى بالقليل من الوضع الاجتماعى ايضا ومع تلراكم السنين اصبح الذى يعمل بالمساحة هذا ممكن يكون اى حد ولكم ان تعلموا ان كثيرا من العاملين من العمال فى المواقع يظنون ان هذا المساح غير حاصل على شهادة وانه تعلم المساحة هذه كاى مهنة كانت حدادة نجارة

السلام عليكم اخى وصديقى العزيز يمن جمال
بجد وحشتنا ووحشتنا موضوعاتك المميزه الجميله
واسحملى اشارك معاك فى الموضوع الشائك ده

هتكلم فى الموضوع ده فى عده نقط

1-هنك ععد كبير من الاشخاص اللى بيعملوا فى مجال المساحه مساحيين بالخبره دون اى شهاده وهم لان فى مناصب قويه جدا فى العديد من شركت لمقاولات الكبرى لا يمك انكار دورهم ول يمكن تهميشهم ولا انكار خبرتهم ودى حقيقه يعلمها لجميع .

2- 2-فى فئه من الاشخاص عباره عن هواه بيعرف يشتغل على الميزان ممكن ده يكون صنيعى او حتى نجار او حتى عامل وممكن المشرفيين المدنى فى لمواقع يشتغلوا على لجهزه المساحيه زى الميزان واحيانا التوتل استيشن

3- فى فرق كبير ما بين سواق الجهاز للى بيعرف يضغط على شويه زراير للرفع والتوقيع و..... الخ وللى فهم قوانيين رياضيه وليه عمل الجهز رياضيا وفاهم احداثيات ورياضه بشكل كويس ..وده بيبان فى لموقه كويس جدا جدا وده الفرق ما بين المساح الدارس الفاهم المتمرس لخبره واللى واخد الموضوع بشكل قشرى

4-فى الوقت الحلى لكى تعمل وتثبت نفسك صح وتكون مميز فى مجالك لازم تكون ملم باعمال اخرى لها علاقه قويه جدا بالمساحه ومن اهمها علم حساب وحصر لكميات ولخرسانات وقراءه اللوحات الانشائيه وبعض اللوحات المدنيه وده مش صعب ده ممكن جدا يتم بالخبره ولممارسه و الساح عنده قابليه كبيره جدا من خلال دراسته لكده


شكر ليك جدا يا صديقى العزيز وبجد بكون سعيد جدا وانا بقرا كل موضوعاتك

السلام عليكم ورحمة الله وبركاته
اولا احب اشكر حضرتك كتيير جدا على اهتمامك "اهتمامكم " بموضوع النقابة وحرصكم على الحصول على
كافة الحقوق الخاصة باخصائى المساحة والخرائط
وكنت عايز الخص مشاركتى فى انى اطرح بعض الاسئلة وياريت الاجابة من حضراتكم
1/ هو ايه اللى ناقصنا عشان نعمل النقابة الخاصة بينا ؟
2/ دورنا احنا كطلاب لسة هنتخرج السنة الجاية فى اننا نخلى النقابة تقوم ؟
3/هل معاملة الناس برة فى المواقع مهينة او غير مناسبة ليه كطالب ذاكر وادرب على الاجهزة وتعب وهتساوى
مع سواق الجهاز ؟
ياريت حضراتكم كاصحاب خبرة تجاوبونا على الاسئلة واحنا والله معاكم وياريت بجد تحدودلنا دور نقوم بيه لان
ده طبعا فى مصلحتنا كلنا ومينفعش منعملش حاجة
"وتعاونوا على البر والتقوى ولا تعاونوا على الاثم والعدوان "

http://www.iraqpics.net/images/cambn82oi85hnrfe8x.jpg