كحـــيان احمد كحـــيان فى مجلس الوزراء

http://www.thecesworld.org/home/images/my/cv.jpg


اولا :المعلومات الشخصية عن عم كحيان


هو


عبده الكحيان زعيم الغلابة وممثل الفقراء تطوع ليكون المتحدث باسم محدودى الدخل .
يرفع راية العصيان ضد كل من يدس يده فى جيوب المطحونين.
حاصل على بكالوريوس طوابير من جامعة اكل العيش.
ماجيستير فى كشف الاعيب الحكومة ضد المواطنين .
دكتوراه فى تعرية محترفى الضحك على الذقون .
محاضر بمراكز السباب وقهاوى الكيت كات وكافيه شبرانت
اول مصرى يحصل على شهادة ايزو 2025 فى الصبر.
حاصل على لقب حمال الاسية من جامعة الشيالين القومية.
قريب ونسيب عائلات الجربان والعريان والعدمان والانزوح.
دورات تدربية فى مراكز تأهيل المواطنين لسماع التصريحات الوردية و(الشفتيشى).
حاصل على وسام (كله تمام)من منظمة (جوعوا تصحوا العالمية)


زيارة ولا كشف


كحيان مواطن شرقاوى من محدودى الدخل كان جالسا بجوار عم (ايوب )وزوجته(مقهورة)عم ايوب مثقف العيلة يحمل شهادة الابتدائية القديمة ولفارق السن والتوقيت مع كحيان اصبح من من معدومى الدخل
جلس كحيان مع عم ايوب وزوجتة امام التلفزيون وشاهدوا الدكتور احمد نظيف رئيس مجلس الوزراء مع كبار المفكرين والكتاب فى حوار حول الدعم ...
وسمع الدكتور مجدى راضى (المتحدث الرسمى لمجلس الوزراء ) فى نهاية الحوار بيقول...
(ان الحوار المجتمعى سوف يشمل كل طبقات المجتمع من احزاب سياسية ونقابات مهنية وجمعيات اهلية بهدف الوصول الى افضل طريقة لتوصيل الدعم الى مستحقية من محدودى الدخل )
كحيان فهم خطأ انه من الطبقات التى هيقابلها د.نظيف باعتباره صاحب المشكلة ..
فقرر ان يبدا بالمبادرة ويذهب الى مجلس الوزراء ويقابل د.نظيف شخصيا يعرض علية مشاكله وطلباته ويحكى له عن احلامه وامنياته ...
سأل كحيان عم ايوب عن مكان الحكومة
فقاله عم ايوب
انا اخر مرة شفت فيها د.نظيف كان فى اسوان وبيفتتح مشروعات خيرية للصعايدة هناك


ركب عم كحيان القطار وشرخ على اسوان
وهناك قابل ناظر المحطة بعد وصوله وقاله
(فين الاقى رئيس الوزراء )
رد علية الناظر
(هو كان هنا من يومين ورجع مصر تانى عشان مجلس الوزراء فى القاهرة )
رجع عم كحيان الى القاهرة حاملا معه كل همومه وعند وصولة الى القاهرة
سئل احد المارة المثقفين حيث كان يقراء الصحيفة عن مكان مجلس الوزراء
فقال له المثقف
(فى شارع مجلس الشعب المتفرع من شارع القصر العينى)
عم كحيان للاسف لم يسمع ولم يفهم الا القصر العينى
فذهب الى مستشفى القصر العينى وعند الباب الدخول
ساله الموظف (زيارة ولا كشف)
فرد عليه(لا زيارة عند الدكتور نظيف )
فرد عليه الموظف تخصص ايه د نظيف ده ؟
قاله عم كحيان :علاج الدعم النقدى واسئصال الدعم العينى
الموظف كان مثقفا وفهم ان الطبيب المقصود هو رئيس مجلس الوزراء ودل عم كحيان على مكانه
فى شارع مجلس الشعب...وبعد جولة حرة داخل احياء وشوارع العاصمة
وصل اخيرا عم كحيان الى مقر مجلس الوزراء وكانت المفاجئة
استقبل امن ومراسم مجلس الوزراء عم كحيان بكل ترحيب ( الترحيب اياه )
ووجد نفسه امام الدكتور نظيف شخصيا فدار هذا الحوار
[hide]د.نظيف : اهلا وسهلا يا كحيان ..طلباتك ايه؟!!!
كحيان : والله يا دكتور نظيف انا كنت جاى ومعايا مشاكل البلد كلها لكن بعد المقابلة الحلوة دى نسيت كل مشاكلى ومشاكل اهلى وبلدى كلها ..
ده حتى الوقوف فى طوايبير العيش عندنا بيعلمنا الصبر..
والجرى وراء لقمة العيش صحة ورياضة ...
والزحمة داخل الاتوبيسات والدرجة التالتة من القطار القشاش بتعلمنا الارادة والتحدى وقوة التحمل وتخلينا رجالة ....
والنوم فى الشوارع كله اكسجين بدلا من الفريون من المكيفات اللى بيقضى على الرئه ...
وحتى الجوع صحى جدا على المعدة والقلب .. بدلا من اكل الفراخ اللى فيها انفلونزا الطيور واللحمة اللى فيها حمى قلاعية والفاكهة المسرطنة والخضروات (المهرمنه)


د.,نظيف: غريبه طب جاى ليه وتاعب نفسك ليه ؟
كحيان : انا جاى عشان اشوف الحكومة واعرض عليك ان انا اقوم بتوصيل الدعم لمحدودى الدخل انا عارفهم واحد واحد اصل كلهم عيلتى[/hide]