عرض للطباعة
عايز لو سمحتم حد يعرفني ايه الحجات المهمة اللي الدكتور ركز عليها ف مادة الجغرافية التاريخية وايه هي اهم الفصول عشان مفيش وقت وف حجات ف المحاضرة مكتوب عليها تطبيق ف الكتاب يعني الحجات دي نقراها والا لازم نزاكرها عشان مكنتش بحضر خالص وياريت حد يفهمني وجزاكم الله خيرا
ف المحاضرة 9 لقيت سؤالين مش عارف اجابتهم فين ف المنهج ياريت حد يجاوبهم
خطوة زائدة _ حضارة مهيمنة _ الاحتزال الحضاري (عرف)
مستني ردودكم وجزاكم الله خيرا:a22:
</B></I>
تمام يا محمد
زى ما انت قلت اهم حاجة المحاضرات
واحد زميلنا قابل الدكتور قريب جدا
سأله عن الامتحان قاللو انه حيجيبو سهل
وذاكروا المحاضرات وأكد بالكتاب
واكيد طبعا يقصد الحاجات دى اللى انت شفتها
وهى حاجات بسيطة زى السلالات وانجازات العصر الحديث وكدا
انما الامتحان معتمد بشكل كبييير جدا على المحاضرات
وبالنسبة لمصطلح اختزال الحضارة
فياريت لو حد عنده اجابة نموذجية وقاهمه يكويس
يخش يشرحهولنا لانه تايه فى وسط المحاضرات
وبصراحة لو جيه فى الامتحان ودا اكيد فمش عارف حكتب له ايه
وان شاء الله اشوفك على خير فى الجنة يا معلم
ولو فى اى حاجة تانية
انا معاك فى الموضوع دا
اٍسأل وحتلاقى الف مين يرد عليك
جزاك الله كل خير على ردك
خطوة زائدة _ حضارة مهيمنة??????????????????
اخر محاضرة اللي بتتكلم عن مصر مش موجودة ليه ف المحاضرات اللي عالمنتدي؟
السلام عليكم يا جماعه جبتلكم تعريف الخطوه الزائده لكن معرفتش الحضاره المهيمنه واشك ان الاختزال الحضارى هو الاختزال الزمنى
الخطوه الزائده: هى انتقال مجتمع من الحضاره العالميه الى التخصص اى الحضاره المحليه فانه يسبق باقى المجتمعات
بخطوه وهذه الخطوه تكون نتاج لامتلاك قوه زائده او تفكير زائد لهذا المجتمع عن غيره أو نتيجه اثر
التفاعلات المختلفه مع المكان فكل ذلك يجعل هذا المجتمع بان يضع تاريخ وحضاره يسبق بها باقى المجتمعات
المحاضرات المهمه هى اللى الدكتور اتكلم فيها عن مفهوم الجغرافيا التاريخيه واهدافها
بس تقريبا كل محاضرات الدكتور مهمه
والفصول المهمه هى التغيرات المناخيه - ادوات الانسان - العصر الحجرى الحديث - الفصل التاسع (مصر) والفصل ده الدكتور سايبه احنا نذاكره من الكتاب يعنى مش موجود فى المحاضرات
جزاكي الله خير ياشيماء وياريت ياجماعة اللي يعرف يكتب ملخص ولو صغير جدا عن فصل مصر يكتبه عشان معيش الكتاب وجزاكم الله خيرا:a34:
ربنا يجازيكى كل خييييير
اخت شيماء
بصراحة مجهود رائع منك
وشكرا على شرح المفهوم دا
وياريت لو مفهوم اختزال الحضارة
لانه كان اول سؤال فى امتحان السنة اللى فاتت
ولكى جزيل الشكر طبعا
بالنسبة للفصل بتاع مصر
مقرر علينا
اولا وثالثا
ودول كلهم صفحتين وصفحتين بالظبط
مطلوب مننا نقراهم كدا
وما اظنش يعنى ان ممكن يجوا
بس نفقراهم احتياطى