اللهم اجعله خير
نفسي اتمطع.....
أنزل أطلع......
أحلق أقرع......
و أتشجع و أقلع...
كل هدومي القديمه....
و أرمي الحاجات اللئيمه.....
و أبقى حر كده....
زي الطير....
http://www6.0zz0.com/2010/07/02/22/529558875.gif
نفسي اضحك من قلبي....
من غير ما أخاف....
و أقول اللهم اجعله خير....
يا أخي نفسي مره....
اغير خط السير....
يعني مش زي ما روحت....
لازم أرجع....
http://www6.0zz0.com/2010/07/02/22/529558875.gif
نفسي أفرح بضحكتك....
من غير ما أخطفها منك...
أو أحسدك.....
أو أطمع.....
نفسي أبص م الشباك براحتي....
و أقول الله....
يا بختي.....
نفسي أحس من تاني بالجمال....
يا سبحان من أبدع....
http://www6.0zz0.com/2010/07/02/22/529558875.gif
نفسي يبقى ليا لازمه.....
ف وقت الحزن.....
و الازمه....
تلاقيني ببني.....
بصلح.....
بغير....
بحلم....
يعني انفع.....
نفسي ده يحصل.....
قبل كل شيء جوايا.....
ما يعجز.....
أو يودع.....
http://www6.0zz0.com/2010/07/02/22/529558875.gif
نفسي أحب من تاني....
النهار.....
و العمار....
يعني باختصار.....
نفسي ارجع تاني....
بني آدم.....
تفتكر ده ممكن؟......
و أنا لا بشوف و لا بسمع؟؟؟؟؟؟؟؟
بقلم الشاعر الكبير
((((((((على سلامه))))))))
