مقترحات للمشرفين والاعضاء

فى شوية افكار ومقترحات احب اسمع رائيكوا فيها
http://www.al-wed.com/pic-vb/34.gif

لية ميكنش فى قسم اسمه اسئلة واجوبة بحيث اى عضو من الاعضاء لو عندة سؤال فى اى موضوع يدخل القسم دة ويكتب سؤالة واى حد عارفة الاجابة يجاوب على سؤال العضو؟؟

فى اقتراح تانى لبرنامج ممكن اى حد يعملة هو انا سميتة
اعترافات
بحيث اننا نعمل تصويت مسلا او الى هيقدم البرنامج يختار عضو ويتسئل اسئلة ويعترف باعترافات اول مرة يصرح بيها ودى اهم حاجة فالبرنامج انة يقول حاجات عمرة ماقالها قبل كدة ومحدش هيعرف الاعترافات دى غير االلى موجودين فى المنتدى واحنا مش كتير كام الف بس هههه وممكن هو بقة يختار العضو اللى بعدة ويسئلة سؤال يعترف بى
وفى اقتراح لبرنامج برده انا كنت بشوفة فى رمضان بتاع عزت ابوعوف اسمة وزارة ماتمت ممكن يتعمل على المنتدى وفكرتة ان احنا نستضيف عضو ويتخيل نفسة رئيس وزرا ...فأية اول حاجة هيعملها لما يكون رئيس وزراء ؟؟وهيماسك مين الوزرات يعنى وزارة الصحة , التعليم , القوى العاملة .... كدة واحلى حاجة ان كلنا شباب فكلة هيقول اللى نفسة فى
دى حبة افكار كدة لو اى حد من المشرفين او حتى الاعضاء عجبتة حاجة اتنمى ينفذها

تمام يا smart girl بالنسبة لاقتراحك بانشاء قسم للاسئلة والاستفسارات دى فكرة كويسة وان شاء الله

ننقل الفكرة لادارة المنتدى ونشوف رايهم فيها

اما بالنسبة لافكار البرامج دى اللى انت بتقولى عليها ياريت تعملى الموضوعات دى انت

واى فكرة فى دماغك عن اى موضوع اعمليها على طول لية تخلى اى عضو غيرك يعملها

فى انتظار افكارك وموضوعاتك ومشاركتك الفاعلة معانا فى المنتدى

شكرا يااحمد على مرورك وعلى انك هتعرض فكرة قسم الاسئلة والاستفسارات لادارة المنتدى بس بالنسبة للبرامج انا قولت اى عضو غيرى يعملهم لسبب بسيط ان معرفش فالمنتدى غير اعضاء محدودين جدا يعنى 4 مسلا ولا حاجة والبرامج دى استضافة فأنا معرفش الاعضاء يبيقى هستضفهم ازاى فاممكن اى حد من المشرفين لو عجبتة اى واحد من الاتنين يعملهم ويبقة بقة يكتب تأليف وفكرة smart girl :a40:

طبعا بحييكي جدا علي اقتراحاتك البناءة دي

وان البرامج دي لها فكرتين

الاولي موجودة مسبقا في اكتر من فكرة وهي مثلا برنامج بدون مونتاج لميرامار

وحسن عشرة وهي انه يستضيف عضو وتبقي في عضوية تبعت الاسئلة المحرجة او الخاصة للضيف وهو يجاوب عنها

لو تحبي نرجع الموضوع ده تاني ماشي

بس ميرا وحسن كان لهم لون وشكل متميز جدا

فانا قلقانة ان البرنامج لا يلاقي القبول مثل الاول

:a43:


اما لو حابة نرجعه هنرجعه قريب الموضوع ده ف القسم العام

وانا هجيبلك اللينك ونرجع الفكرة دي تاااااااااااني

:a33:

ايه رايك

وموضوع اخر ايضا اسمه في ضيافة فلان بتاع اختنا سارة ده برضه نفس الفكرة

وده برضه برنامج رائع جدا:a11:


بحييكي علي افكارك وعن قريب نحاول نفتح قسم


الاستفسارات العامة للاعضاء

متشكرة اوي اوي اوي ليكي وننتظر افكارك القيمة

:a3::a3::a3::a3:

مرسى ياهبة على مرورك وتشريفك للموضوع و مدام فكرة برنامج اعترافات دى اتعملت قبل كدة فخلاص بس فكرة برنامج وزارة ماتمت ماعتقدتش انها اتعملت فالمنتدى
ونورتى تانى

=ممتاز جدا ان لانسان يكون مفكر ويحب يقدم كل ما هو مميز ويضع فكار جديده من اجل تمييز المنتدى
بجد افكار ممتازه بحيى حضرتك عليها
بالنسبه لقسم الاسئله نا عندى تعديل او اقتراح بسيط للفكره نه بدل ما يكون فى قسم للاسئله كلها
يعنى القسم ده يكون فى اسئله عامه على علميه على ادبيه على جتماعيه ...طب ما احسن ان احن نعمل فى كل قسم موضوع مثبت اسمه
مكتب لاسئله والاستفسارات الخصه بالقسم نفسه
واما بالنسبه للفكرتيين الاخرتيين فزى ما قالت هبه
انهم موجوديين بالفعل فى برنامج فى
ضيافه فلان وبدون منتاج
لكن انا اختلف مع هبه ان بالعكس ممكن احنا نقدر نقوم الموضوعات دى من تنى وبكل قوه حتى مع غياب حسن وميرامار ( طبعا انا بعتقد ان مفيش حاجه فى المنتدى ممكن تعوض غيابهم )
لكن الحمد لله فى نس مننا ممكن تقوم الموضوع اقوى من لاول كمان ( استاذه هبه - كريم - لورده البيضا ) اعتقد ان بسم لله ما شاء لله شعبيتهم مميزه وممكن يرجعوا الموضوعت دى اقوى كمان من الاول
بحييكى مره تانيه على الافكار الممتازه وياريت اى حد عنده افكار مميزه للمنتدى ممكن يعرضها عشان نناقشها والمنتدى يستفيد بيها

احلى حاجة أفكاك يا سمارت
بالفعل موضوع الاعترافات تم تناوله من قبل

انما الفكرة التانية بصراحة جميلة وممكن تبقى إدارة ما تمت :a21:
واتمنى يكون فى قسم خاص بالاستفسارات لو ده حيتيح فرصة للعضو انه يستفسر عن اى شئ يسهل دخوله فى المنتدى

افكارك جمييييييلة جدا يا سمارت
وعلى فكرة تم مناقشتها كلها فى الادارة من فترة
بس حبيت ابلغك

بالنسبة لاقتراح الاستفسارت فدا كان فى دماغى
بس بعد المناقشة لقينا ان الانسب ان كل استفسار يوضع فى مكانه
يعنى مثلا لو عندك استفسار بخضصوص الكمبيوتر فى قسم الكمبيوتر
ولو استفسار فى برامج المساحة يبقى فى قسم برامج المساحة
وهكذا ... ايه رأيك ؟؟ اظن كدا افضل

اما اقتراح عمل موضوع اعترافات فهو موجود من الاول
بكذا فكرة ولكن منتظر ان ااحنا نعيده من الاول ونحييه
وفى افكار موضوعات جديدة مع الاخت هبة بيبو حتكون جامدة جدا
ويارب تعجبكوا باذن الله سندبأ فى تتفيذها بعد رمضان مباشرة

اما افقتراح عمل موضوع وزارة ما تمت دا فجااااامد جدا
وانا بقترح بما انك صاحبة الفكرة ممكن تبدأى فى تنفيذها
ولو عايزة اى مساعدة احنا ممكن نساعدك بس راسلينا
واى حد محتاجاه مساعدته قولى واحنا مش حنتأخر

وباذن الله فى مفاجات اكتر مع بداية نشاط الجمعية الجغرافية
بعد ما الدعاية الجديدة للمنتدى تلقى انتشار خاصة بعد بعض
اللقاءات المسجلة اللى حنعملها مع الدكاترة وحتنزل ان شاء الله
حصرييييييا على منتديات الرابطة كل دا واكتر باذن الله
حيكون موجود الفترة اللى جاية وابشرى القاااادم افضل
طول ما فى اعضاء نشطين زيك كدا بيزيدو احترام يوم عن يوم

وشكرا جزيلا

الله حلوة اوى فكرة برنامج " وزارة ماتمت "0 انا بايدك ع الفكرة حيكون برانامج رائع وايجابى 0 وبالنسبة للاقتراح الاسئلة انا راى ان يكون داخلكل قسم موضوع للاسئلة والاستفسارات 0 حسب تخصص كل قسم 0 بشكرك يا سمارت ع فكرة البرنامج الوزارة ويارب تتنفذ0

جزاكوا الله كل خير على تعليقاتكم تشجعكم للاعضاء بيدل على نجاحكم وأنتم الافضل دائما