مش عارف طريقى منين
قابلت كتير وشوفت كتير
ومش عارف طريقى منين
ادارى الجرح بدموعى
ياقلبى الجرح مش فى العين
ظلمت قلوب فى اوهامى
فاكرهم كل أحلامى
وبسأل قلبى من تانى
حبيبتك مين
ياقلبى كفايه من ظلمك
قتلت سنين
وضيعت الشباب فى كلام
كلام بالعين
كلام الحب ياقلبى مرار وأنين
جراحى سيبينى اتغير
واتحرر من الاوهام
ده كل دموعى لو تنطق
تبكى السجن والسجان
أنا راحل عن العشاق
ومش عارف طريقى منين
كفايه بجرحى اتعذب
بلاش اجرح فى ناس تانيين
منتصر فتحى
