طلب بسيط عن دراسة تالته ورابعة تانى مساحة

كنت عايز افهم ايه الاحسن تكلمة دراسة تالته ورابعة مساحة بعد الليسانس ولا اخد كورسات ولو درستهم تاني هاخد معايا المواد النظري اللى درستها تانى لو سمحتم حد يفيدني و ياريت اللى عنده خلفية اكتر
وجزاكم الله خير :a15:

اخى فى الله حسام انا كنت بفكر فى الموضوع ده بردوا
بس والله اعلم ان انته بتاخد المواد العملى بس مش يتاخد النظرى
بس معرفش بقه الدراسه احسن ولا الكورسات انا سالت الدكتور على زكى قالى الشهاده مهمه جدا بس بردوا يا ريت اى حد من اللى قرروا يعملوا ايه بعد ما خلصوا يقولولنا
واللى فى الخير ربنا يقدمه ان شاء الله
واسف على الاطاله
والسلام عليكم ورحمه الله وبركاته

السلام عليكم ورحمة الله وبركاتة
انا فى 3 مساحة وخريج شعبة عامة
اول حاجه لازم تتعرف ان للاسف الانتساب العادى والانتساب الموجة اتلغى من جامعات مصر
ياعنى مش بقى فى غير انتظام والباقى كله جامعه مفتوحة
اما عن الدراسه الى انا درستها اتعفيت من مادتين نص اول ومادة نص تانى
وبالنسبة لخريجى اداب اسكندرية الى كانوا معايا فى الدفعه اتعفوا من مادتين نص اول ومادتين نص تانى
بتبقى على حسب المواد الى درستها وانت شعبه عامه
اما سنة رابعه غير معفى من اى مادة خالص كل المواد عليك حتى المواد الى درستها قبل كده فى شعبه عامه
انت مطالب بيها وده اكيد
اما عن القرار نفسة مش هقدر افيدك لان فى ناس مش مساحة وشغالين مساحيين حكوميين رسميين ومنهم واحد قريبى
اكتفى بس بالخبره وبالدورات واشتغل مساح
بس فى حاجه هقدر اكدها ليك ان معظم المساحين الخريجين حددوا نفسهم فى نمط معين وهو نمط الشغل
غير كده مش يعرفوا بمعنى ان الاساس الى بتاخدة فى الكليه مش معاهم هما حطوا نفسهم فى نمط معين
او خطوات حفظنها غير كده مش يعرفوا علشان هما اتدربوا على الاجهزة اما الاساس التاكيومترى
الى الاجهزه قايمة عليه مش يعرفوه وعلى فكره دى كمان مش بتفرق فى الشغل هيظهر الفرق
لو حصل عطل معاك فى الجهاز او نقص فى الادوات بالاساس الى معاك ممكن تمشى الشغل
هو مش يقدر والله معانا مساحين كتير كانوا خريجين شعبه عامة ولما كنا بنحضر المحاضرات
كانهم اول مره يشوفوا الحاجه دى فى حياتهم
عن تجربتى انا مش نادم انى اخترت الدراسه لانى حاسس انى استفدت حتى لو كانت الفايده دى مش هستعملها كتير
بس كفايه انى حاسس انى فاهم مش الة متعودة على شغل معين وبتعملة وخلاص
واسال فى شئون الطلبة عن نظام الانتساب الى اتلغى هل ده بيشمل انتساب مؤهلات عليا ولا لا
بس انا بنسبة 99 فى المية متاكد انه بيشمل انتساب المؤهلات العليا الى بيتحط تحت بند انتساب عادى وهو الى اتلغى