يعني لازم اقول بحبك ؟
هو انتي مش سمعاها يعني في نبض قلبي ؟
ولا انتي مش حساها يعني في لمس ايدي ؟
طب برضوا مش شيفاها
لما العين تسهم وتبص لك !
ولا لازم اكون مهاود
واقول بحبك
طب بصي للجسم اللي كان في يوم متين
خدي صورتي اهي تثبت كلامي من سنين
قبل أما أحبك
دلوقت اصبح ايه !! بعد اما حبك
عود قصب
وياريتة فيه مية ده لأ دبلان حزين
وبرضوا لازم اقول بحبك بعد ده
يا بت عيب بقا مش كدة
برضوا لازم اقولها تاني
طب اعمل ايه هو ذنبي
ان انتي طرشة ما تسمعيش ؟
ولا ذنبي ان انتي عمية ما بتشوفيش ؟
عمال بدلع فيك اهو ولا عمري انسى
مرة يا (هبله) ومره (يا نيله) أو مرة نكسة
كل ده عاوزة بداله 4 حروف ؟؟
يااااااااااادي الكسوف
طب مش قايلها وكلمة تانيه ...
هقول بدالها
روحي وانتي .......
منقووووووووووول