محدش بيرد على مواضيعك ؟؟؟ أفضل طريقة عشان الكل يرد على موضوعك
سلامو عليكو
افضل طريقة لجعل جميع الاعضاء يردو على موضوعك غصب عن التخين فيهم
أظن لو كنت عملت الموضوع بالعنوان دا كانت المشاهدات حتبقى ايييييه
والعنوان فعلا جذاب ويشد اى حد ودا دليل ان اهتمام معظمنا بان الناس ترد على موضوعه
ودى حاجة مش عيييييب خااااالص لان كل واحد فينا محتاج كلمة تحفيز
وحد يشجعه ويحس ان فى تفاعل من الناس مع موضوعه وفى نقاش بيطرح
ويحس انه موجود فى المنتدى دا لهدف وغاية نبيلة وبيوصل رسالة علم للجميع
كل دا كوييييييييس جداااااااا بس يؤسفنى اقول لكو ان مش هو الاساس
وان الموضوع اللى انا بعمله دا لو مش خالص لله يبقى انا روحت فى ستييييين تييييييت
بمعنى انك تعمل الموضوع سواء بتقول فيه معلومة او خبر او حاجة دينية او فى مجالنا
او اى حاجة تخطر على بالك ممكن تكون ثواب ليك كبير عليها
لاااااازم تجدد نيتك دايما لله وتخلصها ليه لانها لو مش خالصة لله
يبقى عملك دا كله حيروح ع الفاضى وتيجى يوم القيامة ويقال لك
" وقدمنا الى ما عملوا من عمل فجعلناه هباءا منثورا "
اللهم لا تجعلنا ممن يقال لهم ذلك يوم القيامة
اللهم واجعل اعمالنا خالصة الكريم وارزقنا الاخلاص فى القول والعمل
الاخلااااااص يا اخوانى الاخلااااااااااااص
فمثلا لو لقيت نفسك بتعمل موضوع معين ومستنى فلان او علان يرد عليه
ونفسك الناس كلها تشوفو عشان تقول ايه المواضيع الجامدة دى والمدح والى اخره من ذلك
فيا خييييييبتك التقيييييييلة سورى فى اللفظ فعلا خيبة
ودا مفيهوش تعارض انك تحب ان موضوعك يترد عليه كتحفيز
بس لما تعمل موضوع ومحدش يرد عليه تقوم تزعل يبقى هنا فى حاجة غلط
حاول تفكر كدا مع نفسك ... انا عامل الموضوع دا ليه ؟؟؟
مش عشان الناس تستفاد منه اكيييييييد طبعا
طب وافرض الناس دخلت واستفدات منه ومردتش حيحصل حاجة
فانت برضو كسبان لانك حققت اللى انت عايزه وثوابك عند ربنا
وممكن كمان موضوعك دا ميتشافش دلوقتى وحد يبحث بعد كدا ويلاقيه
ويكون بيدور على حاجة معينة وتكون انت ساعدته انه يلاقيها ولو بعد حيييين
فاكيد كدا كدا عملك طالما خالص لوجه الله عمره ما حيضيع ابدا
وزى مبيقولو" اللى عند ربنا مبيروحش "
خلاصة الموضوع ويارب مكونش طولت عليكو
ان فى موضوعات كتير صحابها بيتعبو فيا وميتردش عليها
احب اقول لهم اوعووو تزعلوا وتأكدوا انها عمرها ما حتروح كدا طول ما هى خالصة لوجه الله
وانصحكم ونفسى دااااااائما بتجديد النية واخلاصها لله لان الواحد ممكن يقع فى حتة الرياء
او غيره من غير ما يقصد والنصيحة دى بقولها لنفسى قبليكم
أظن كدا مشكلة عدم الرد ع المواضيع اتحلت لان مبقاش في مشكله اساسا
ودا طبعا مش حيبقى حجة لينا اننا منردش على مواضيع بعض ونتفاعل معاها
لان النقاش مطلوب دايما واحنا كمان بنحتاج الكلمة الحلوة كطبيعة للبشر
أسأل الله ان يرزقنا واياكم الاخلاص فى القول والعمل
اللهم
طهر اعمالنا من الرياء
وقلوبنا من النفاق
والسنتنا من الكذب
واعيننا من الخيانة
جزاكم الله كل خير
