عرض للطباعة
أحلام بلا أقدام
************
حلمت فيوم وكان حلمى
بيتمخطر على الايام
وكان يمشى ويتعايق
يقول للناس كفايه نيام
ليه احلامكوا بتتخانق
وتتزاحم وكله تمام
بتنصح مين وتهدى فمين
والحلم جواهم اوهام
الحلم جواهم ذكرى
ومفيش بكره
يعيش فى ظلام
خرجت فيوم اساعدهم
وانجيهم من الالغام
شالونى غصب اخدونى
ركبت فى قطر الاستسلام
أعافر والله منا قادر
مهو بحلمى راح اغلب كام
على القضبان وربطونى
ونفذوا حكم بالاعدام
وفوقت فيومها على كارثه
بقى حلمى بلا اقدام
ودى اخرتكوا لو مرة
وافقتوا تصدقوا الاحلام
منتصر فتحى
كلام جامد جدا
بس انا عن نفسى
مريت بنفس التجربه
ومع ذلك حفضل احلم
وحتى لو محققتش احلامى
حتفضل احلام ليها طعم فى حياتنا
كلامك واقعى جدااااااا
وبيعبر عن تجربه معظمنا مر
وبيمر بيها يوميا
وبشكل جميل جدا وتشبيهات احلى
فعلا فناااااان
استمر
كلمات جميله اوى يا استاذ منتصر
بس الانسان المفروض مايستسلمش بسهوله كدا
الحياه مش حتقف عند شخص لازم حتستمر
اقتباس:
المشاركة الأصلية كتبت بواسطة KAREEM
شكرا ياكريم مرورك اسعدنى
منتصر
اقتباس:
المشاركة الأصلية كتبت بواسطة Marwa Magdy
اكيد طبعا يا مروة هتستمر انما لازم بيبقى لكل حدث اثر فى نفوسنا شكرا لحضرتك واسعدنى تواجدك
منتصر