من فترة بدأت اخد بالى ان فى كلمة بتكتب فالمواضيع :
عزيزى العضو / الزائر برجاء الرد لمشاهدة الرابط :a10:
انا مش عارفة اية سبب الفكرة دى او اية الموضوع بالظبط لانها مكنتش بتظهر قبل كدة ......؟؟؟
الواحد عموما لما كان بيشوف موضوع مميز بيرد علية من غير حاجة بس لما الموضوع كبر معايا بدأت ادايق فعلاااا .....ازاى ااقولكوا :
اولاااا : لما الموضوع بيكتب فى الجملة دى فانا مش عارفة افهم الموضوع بيكلم عن اية اساسا (زى بالظبط كدة الفواصل الاعلانية فالتليفزيون تنسيك القصة كانت اية اصلاااا ) ومطلوب منى انى ارد عشان اشوف الرابط ... يعنى انا اعمل اية دلوقتى ارد على حاجة انا مش فاهمة هى بتكلم عن اية ....دة ازاى حد يفهمنى ؟؟؟؟؟؟
قولت خليكى انتى الكبيرة وردت والله على موضوع وانا اساسا مش فاهمة هو بيكلم عن اية وكنت قلقانة جداااا ان الرد ميكنش لى علاقة بالموضوع والمشكلة بقى ان بعد مارديت مشوفتش الرابط :a10:
كمان .... عشان تكمل ..
اثار الجملة دى : من كتر منا الجملة دى بتطلعى وسورى يعنى زهقت منها بقيت اقول : طب انا مش هرد بقى ... غلاااااسة ومش عايزة اشوف الرابط وبقيت حاسة انها زى عفريت العلبة بالظبط فكل موضوع موجودة بقيت بتجنب المواضيع اللى فيها الجملة دى وهى بردة مصممة ولاقتها ظهرتلى كمان فى الرسايل الخاصة بتاعتى :e88:
يمكن يكون دى طريقة عشان تخلى الكل يرد على المواضيع بس يعنى احنا ممكن نخليها للزائر فقط مش للاعضاء كمان بجد انا مش لاقية حل ياريت الاقى اجابة و هل فعلااا انا لوحدى اللى مدايقة منها ولا كل الاعضاء ؟؟؟
