حكايات ألف خيبــــــــة و خيبــــــــة .. ( ممنوع دخول مرضى القلب والضغط والسكر )
[http://www.mesa7a.com/forum/imgcache/2355.imgcache.gif
جائني يا قراء يا كرام .. نوادر وحكايات وكلام
عن بنت ثلاثينية .. غارقة في الظلام
وعرسان مقشفين .. غرقانين في الاوهام
وعن امهات العرسان المفترية..اللي بتاكل اللحمة نية
وبتشرب عصير زلط في الصبحية
تعبوا البنية وشلفطوها ..وبجهلهم خبطوها
احكي يا بت يا مخبوطة عن النكسة
والعرسان اللي جابتلك الوكسة
http://www.mesa7a.com/forum/imgcache/2356.imgcache.gif http://www.mesa7a.com/forum/imgcache/2356.imgcache.gif
جائني يا قراء ياكرام ... أنه وفي احدى الأيام
كانت البت مخبوطة .. لسة صغننة ومبسوطة
لحد ما جه اليوم التعيس .. اللي اتقدملها فيه عريس ..
بيقولوا دكتور ومتعلم .. وابن ناس ومتهندم
فندهلها ابوها وسألها ..
وخدلها موعد عشان العريس يقابلها - شوفي يا بنتي ..
- ايوة يا بابا
- الشاب كويس .. دكتور وبيحضر ماجستير .. وحالته المادية ماشاء الله واخلاق عالية ومهذب اوي لا عمره كلم بنت ولا عمره مشي مع بنت ... وسنه مناسب لسنك عنده 26 يعني اكبر منك بـ3 سنين ... قلتي ايه ؟
- ..... http://www.mesa7a.com/forum/imgcache/2357.imgcache.gif
- اقوله ييجي بكرة ؟؟
- اللي تشوفه يا بابا ماما : انتي هتخرجي للعريس كده ؟
- ماله كده يا ماما ...
- حطي حاجة على وشك ... شوية كحل شوية روج !
- حطيت يا ماما بس مش كتير .. يقول عليه ايه ما صدقت !
- طب يلا ادخلي ..
اختي : ادخلي بقى .....
فاضطريت اكمل : أأ ... السلام عليكم ...
العريس وقف : وعليكم السلام ورحمة الله ... بسم الله ماشاء الله
وعمالة اقرب .. هو ده ! .. هو في حد وحش كده !!
طب هو كده واقف كله ؟ كامل يعني ؟ ... قصير اوي ..!
يلا معلش مش مشكلة الطول
طب هو اقرع ولا انا بيتهيألي ؟
قربت اكتر ....
آه اقرع يا مخبوطة ... اقرع وبالثلث ..
يلا معلش مش مهم القرعة
بتحصل كتير
انما ايه اللي هو لابسه ده ؟ ..
كرافتة كاروهات ! .. قميص كاروهات ! .. بدلة مقلمة !
ايه تضارب الالوان ده ! .. كنت هصرخ في وسط الصالون بصوت مجلجل واقول :
جتنا نيلة في حظنا الهباب http://www.mesa7a.com/forum/imgcache/2361.imgcache.gif
لا يا مخبوطة ..اعقلي .. الراجل مش بشكله ولا لبسه ..
الراجل بأخلاقه .. يلا معلش ... بكره تعلميه ازاي يلبس .. المهم يكون طيب .. ولا ايه ؟
ايوة صحيح .. المهم يكون طيب .. هحاول ابلع منظره
قعدت على الكرسي بعد ما خيبة الأمل تغلغلت جوايا ... العريس : ازيك يا انسة مخبوطة ؟
انا بصوت مبحوح من كتر الاحراج : الحمدلله
العريس : ايه مالك زعلانة ليه ؟
( هو باين عليا اوي كده ! .. انما هكون زعلانة من ايه ! .. من وسامتك المفرطة ) http://www.mesa7a.com/forum/imgcache/2362.imgcache.gif
بابا : اصلها كانت تعبانة النهاردة شوية ... ها ها ها
( انا كنت تعبانة ؟ امتى ده ) http://www.mesa7a.com/forum/imgcache/2363.imgcache.gif
بعد السلام والتحية وشوية المجاملات ...
العريس : قوليلي يا آنسة مخبوطة .. حضرتك ليه اخترتي كلية الاقتصاد والعلوم السياسية ؟
- انا كنت اتمنى ادخل صيدلة بس مجموعي في الثانوية العامة كان ....
بابا قاطعني : احم .. هي اختارت الكلية دي عشان كانت شايفة انها مناسبة لشخصيتها اكتر ...
العريس : برضو مافهمتش انتي اخترتيها ليه يعني ؟
مخبوطة : .... عشان .. شفت انها ملائمة ليا http://www.mesa7a.com/forum/imgcache/2364.imgcache.gif
العريس بيتساءل بحيرة : .......... يعني اخترتيها ليه ؟
( ... سلامة الفهم ! ) http://www.mesa7a.com/forum/imgcache/2365.imgcache.gif
بابا : ... آآآآ .... على فكرة يا دكتور .. مخبوطة بترسم ...
العريس : اووووه بجد ! طب يا ريت نشوف شوية من رسوماتك يا آنسة مخبوطة ...
مخبوطة : طب عن اذنكوا .. ثواني ..
