عارفاك اوي ......وعارفة ان السكة ما بينا ليها جدارين
اول جدار...... مرسوم عليه حلمي بلقاك
والتاني ....فارق مابين حنيني وبين عنيك
لا الشوق قادر يهزه... ولا جمر ناري اللي ف ضلوعي قادر عليه
وبزق فيه ...وبقوله وسع.. قرب المسافات مابينا لو حتي خطوة
انا راضية بيها ...وباشتهيها وح اخطيها على رمش عيني
وقلبي متحزم بشوقه ناوى على الخطوة اللي جاية
من يوم ما حسك قلبي ....واللقا مابين قلبك وبينه بقاله حلم
وجنة بيحلم يكونله فيها.... دنيا تانية
واقولك ايه ..مش بس عاجزة الجمه وامد ف الحد اللي مابين قلبك وبينه...
لكني عايزة ....ونبضه حاسس بالحب فيا
ولما يجى الليل عليا ...يلاقيك ممدد جوا قلبي
يقولي ...شفتي مبقاش في حدود بينك وبينه....عايزانى ليه افضل مكاني
وتطول المسافات لقلبه.....لوكنتي قادرة عليه وجامدة ..خرجيني من جواكي
وانزعيني من ضلوعك ...لوبجد انتي قادرة ..امنعينى اموت عليه ....
امنعيني اموت ف حبي ليه
