رشح نفسك

http://www.mesa7a.com/forum/mwaextraedit5/extra/94.gif

رشح نفسك وفالدايرة دوس
لو كنت جاهل او متعلم او بتاخد دروس
لو كنت مصرى أو اجنبى أو علينا مدسوس
اهم حاجة انك تكون وطني ومعاك فلوس
رش رشتك وأعملك شادر واقول كلام مدروس
اقول فوعود واحلام كأنك بهموم الناس مهوس
روح الافراح والمأتم بارك وعزى وسلم بوس
عالج المريض وفرق على الفلاحين بقر وجاموس
أقعد على القهواهى واشرب سحلب وعناب وعرقسوس
هاجم الفساد وهاود الناس واعمل فيها فلحوس
واوعد المنحوس انك هتخلية محظوظ و هتشغلة الفانوس
البس هدوم قديمة واعمل انك فالفقر معاهم مدعوس مغموس
صلى الجمعة فالجوامع كأنك شىء مادى محسوس
وبطمنك هتنجح وهتخش دايرتك والناس هتستمر فالكابوس

http://www.mesa7a.com/forum/mwaextraedit5/extra/08.gif

بقلمى smart girl

لالالالالالالالالا
ايه ا لابداع دا يا سمارت
جميل جداااااااااا

يالا بقى جهزى حاجة للانتخابات الرئاسة

اييييييييه الابداع دا ياسمارت لا عينى عليكى باردة

وع راى اسراء جهزلنا حاجة للرئاسة

وخلى بالك الايام دى من البوليس السياسى

ايه الابداع والجمال دى بجد رائع وبتعبر بجد عن ما بداخلك احنا القبعه لهذه القصيده بجد بس حسبى دى الوطنى انا خايف البيت ينقص واحده هههههههه

كنتي طيبه ياسمارت:a3:.................بجد تحفه

اقتباس:

---

المشاركة الأصلية كتبت بواسطة esraa marey

لالالالالالالالالا
ايه ا لابداع دا يا سمارت
جميل جداااااااااا

يالا بقى جهزى حاجة للانتخابات الرئاسة

---

ربنا يخليكى يا سرؤة دة من زوقك بس وبالنسبة لأنتخابات الرئاسة هاعمل إن شاء الله وتبقوا تقولولى رائيكوا لما تزرونى بعيش وجبنة تركى عشان مبحبش الحلاوة :a36:

اقتباس:

---

المشاركة الأصلية كتبت بواسطة mohamed ali

اييييييييه الابداع دا ياسمارت لا عينى عليكى باردة

وع راى اسراء جهزلنا حاجة للرئاسة

وخلى بالك الايام دى من البوليس السياسى

---

ميرسى يا محمد أسعدنى مرورك
ولا تقلق احنا معانا ربنا ....وإن شاء الله هنعبر :a28:
المنتدى أمانة فايدكوا
وسلامى للجماعة ( أعضاء المنتدى يعنى مش جماعة تانية ) :a28::a28::a28:

اقتباس:

---

المشاركة الأصلية كتبت بواسطة Ma7amed Adel

ايه الابداع والجمال دى بجد رائع وبتعبر بجد عن ما بداخلك احنا القبعه لهذه القصيده بجد بس حسبى دى الوطنى انا خايف البيت ينقص واحده هههههههه

---

كلام كبير دة يا محمد شرف ليا بجد

ومش هينقص متقلقش لأن احنا كلنا وطنين حد يقدر ينكر :a4:
والوطنى ميأذيش أخو او أختة الوطنية هههههههههههههههههه ( دة فاحلامى انا بس طبعا )
ابقى فرق المصروف فالبيت بالعدل بقى لما امشى ههههههه

اقتباس:

---

المشاركة الأصلية كتبت بواسطة حنين الحياة

كنتي طيبه ياسمارت:a3:.................بجد تحفه

---

اةةة كنت غلبانة يا حنين والله وعلى جنب كدة وفحالى اعمل اية فالكوكاكولا بقة هى السبب شربتها وخلتنى اعترف هههههههههههههه
دايما منورانى يا حنين

يعنى لو رشحت نفسى وعملت الى قولتى عليه هنجح اكيد .................
كلام رائع وجميل اوى
جزاكى الله خير