http://www.mesa7a.com/forum/imgcache/3031.imgcache.gif
السلام عليكم ورحمة الله وبركاته
ساعات كتير بتكون متدايق وعايز تفضفض لحد
ممكن تروح لصحابك وتفضفض معاهم في اللى مدايقك
سواء مشكلة أو حتى ضيق من المذاكرة
بس شوية وصحابك حينسوك .. وحترجع سريرك تفكر فى اللي دايقك وتكون الفضفضة وقتية
وممكن برضه تروح تستشير حد بتحبه أو أكبر منك في حل المشكلة
ممكن يساعدك أنكم تلاقوا حل .. وممكن يحتار وتحتار معاه
ممكن تكون وحيد ومفيش مشاكل عندك بس محتاج حد يونسك
وساعتها ممكن تلاقي الكل مشغول من حواليك
اكيد عارف مين اللي مش بينشغل عنك
الله
قولها بصوت عالي وفضفض أن شا الله حتى بدموعك
هو سامعك
ربي وربك
الله
وحده يكون جنبك وتلاقي الحل بأذنه
حتلاقي التيسيير في كل شئ
وتلاقي ربنا مسخرلك ناس طيبين في طريقك
حتلاقي في صوت الاذان خمس مرات ربنا بيندهلك كل يوم
حي على الصلاة حي على الفلاح
روح ولبي نداه
وأنت ساجد متنساش أنك لو دعيت بأي شئ ربنا حينوله لك
ولا تنسى الدعاء في جوف الليل
عن ابي هريرة رضي الله عنه ، ان رسول الله صلى الله عليه وسلم قال :
(( يتنزل ربنا ، تبارك وتعالى ، كل ليلة الى سماء الدنيا ، حين يبقى ثلث الليل الآخر ، فيقول : من يدعوني فأستجيب له ؟ من يسألني فأعطيه ؟ من يستغفرني فأغفر له ؟ ))
رواه البخاري ( وكذلك مسلم ومالك والترمذى وابو داود ) .
دعواتكم لي بظهر الغيب
منقول بتصرف
http://www.mesa7a.com/forum/imgcache/3032.imgcache.gif
