حسبي الله ونعم الوكيل

السلام عليكم ورحمة الله
كل سنة وحضراتكم جميعا بخير زملائي واساتذتي المحترمين
انا بجد مش عارف اقول حاجة غير حسبي الله ونعم الوكيل
انا طالب بالصف التاني شعبة ري وصرف
وكان عندي امتحان النهاردة مادة عقود ومواصفات
الامتحان المفروض يبدء الساعة 10
تم تسليم ورق الاسئلة والاجابة الساعة 10.40 :a30:
باي حق حصل دا انا بجد مش عارف
يعني ايه يعدي ساعة الا تلت من الوقت الاصلي من غير وجود ورق اسئلة واجابة
يعني ايه لما اجي اتكلم يكون الرد اخرس الورق في الطريق:a44:
يعني ايه اتحمل نتيجة خطأ الاخرين في انهم يقطعوا ارقام الجلوس اللي علي الديسكات واقعد في مكان خطأ وبعد مرور نصف ساعة من الاجابة
اشيل الديسك بتاعي والف في الطرقة لغاية لما المراقبة المحترمة تلائي مكاني ويفوت 10 دقايق كمان من الوقت
انا بس عاوز رد من الاساتذة المحترمين المشرفين علي المنتدي علي سؤاالي
امتحان 3 صفحات كم يحتاج من الزمن للاجابة عليه ؟
انا ضاع مني ساعة كاملة بسبب الاستهتار واخطاء غيري
اتعب شهور في حضور المادة ومذاكرتها والنتيجة في الاخر سقوط بسبب الاهمال
مين بس يرضا باللي حصلي انهاردة انا واصحابي
فين وزارة التعليم العالي من الاهمال دا
انا مش هقول غير حسبي الله ونعم الوكيل وربنا قادر ياخد حقي من الظلم اللي اتعرضتله انهاردة انا وزملائي
وقسما بالله ماهسكت وهوصله لاعلي المستويات وتعبي مش هيضيع هدر
اسف علي الاطالة

اتمني ان يتم عرض هذا الموضوع علي المهندس يسن ويقوم بالنظر فيه
وانا اثق تماما بانه لن يرضا بهذا الوضع تماما

ع الوضع اللى انت بتقولو دا
يبقى عندك حق فى كل اللى تقولو
وكفايه انك تقول حسبى الله ونعم الوكيل
وبرضو اسعى انك تاخد حقك بالطرق الشرعيه
ولو انى أشك فى البلد دى انك تعرف تاخد حقك كدا
بجد موقف صعب واى واحد مننا ممكن يتحط فيه
لان ساعات بيكون فى حبة مراقبين مستفزين
كل دورهم فى اللجنه استفزازك وعمل توتر وخلاص

انا مش بسخنك ولا حاجه
برغم ان عندك حق فى كل انفعالاتك
بس عايزك تهدى عن كدا شويه

وربنا معاك ومشكلتك تتحل باذن الله

روق بس يا عم الحاج
الدنيا فيها يامة واللي يعيش يامة يشوف
واكتر من كدا بيحصل
بس الدكاترة ف الاخر بتقدر الناس
وف معظم الحالات بيبقوا عارفين اللي حصل ف اللجان
وبقدروا الدرجات علي هذا الاساس
ومتقلقش يعني كله بإيد ربنا
وربنا ينجحنا جميعا ان شاء الله

عندك حق فى كلامك بس حاول تتطلع لرئيس القسم او العميد

وقولة الكلام دا عشان حتى ميتكررش تانى وركز فى المواد التانية

بالتوفيق والنجاح باذن الله

انا أتاثرت بكلامك وحسبى الله ونعم الوكيل فعلااا بس خلينا واقعين شوية انت لو روحت لرئيس القسم وكان شخص صارم واخذ الموضوع بجدية فاخليك متأكد وواثق ان لجنتك هتكون بعد كدة اسؤ لجنة وهيحطولك ناس غلسة جدااااااااا ومش بقصد ان هما مش هيسبكوا تغشوا او حاجة انا بقصد ان فى غلاسة بتكون من المراقبين لله ف لله واذا انت بقة اشتكت دكاترة بعينها وقولت بعد كدة على اسمك وفرقتك فتأكد بردة ان هيكون فى تركيز تمــــــــــــــــــــــــــــام عليك
ومع كل اللى قولتلة انا بردة مش مع السكوت وتقبل الوضوع
مش عارفة ااقولك اية بجد غير حسبى الله ونعم الوكيل

حسبى الله ونعم الوكيل فيهم فعلا من الافضل انك تطلع للعميد وتقولة عشان ميتكررش تانى

اقتباس:

---

المشاركة الأصلية كتبت بواسطة KAREEM

ع الوضع اللى انت بتقولو دا
يبقى عندك حق فى كل اللى تقولو
وكفايه انك تقول حسبى الله ونعم الوكيل
وبرضو اسعى انك تاخد حقك بالطرق الشرعيه
ولو انى أشك فى البلد دى انك تعرف تاخد حقك كدا
بجد موقف صعب واى واحد مننا ممكن يتحط فيه
لان ساعات بيكون فى حبة مراقبين مستفزين
كل دورهم فى اللجنه استفزازك وعمل توتر وخلاص

انا مش بسخنك ولا حاجه
برغم ان عندك حق فى كل انفعالاتك
بس عايزك تهدى عن كدا شويه

وربنا معاك ومشكلتك تتحل باذن الله

---

اللهم امين يااااارب
ربنا يخليك يا كريم
بس انا بجد منفعل من اللي انا شوفته
اللي اعرفه عن كل الجامعات او المعاهد ان ممنوع حتي كلام المراقب اثناء مالطالب بيجاوب عشان ميتشتتش انتباهه وتركيزه
مش اللي حصل معايا
وعندك حق في ان اللي حصل دا وارد جدااا انه يتكرر مع غيري مدام مفيش حل صارم وجدية
اد ايه صعب ان تعبك يضيع في ثانية بسبب الاهمال
ربنا يستر واعرف اكمل باقي المواد بس لاني بجد اعصابي باظت

اقتباس:

---

المشاركة الأصلية كتبت بواسطة Top.Romantic

روق بس يا عم الحاج
الدنيا فيها يامة واللي يعيش يامة يشوف
واكتر من كدا بيحصل
بس الدكاترة ف الاخر بتقدر الناس
وف معظم الحالات بيبقوا عارفين اللي حصل ف اللجان
وبقدروا الدرجات علي هذا الاساس
ومتقلقش يعني كله بإيد ربنا
وربنا ينجحنا جميعا ان شاء الله

---

ياااااارب ان شاء الله
واتمني فعلا ان المهندسين يكونو عارفين اللي بيحصل في اللجان ويقدروه
وربنا مبيرضاش بالظلم ابدااا والله

اقتباس:

---

المشاركة الأصلية كتبت بواسطة mohamed ali

عندك حق فى كلامك بس حاول تتطلع لرئيس القسم او العميد

وقولة الكلام دا عشان حتى ميتكررش تانى وركز فى المواد التانية

بالتوفيق والنجاح باذن الله

---

للاسف ان واثق من الاجابة عليا لو اشتكيت
لاننا كلنا عارفين اللي بيحصل
ربنا يعديها علي خير
متشكر اوي علي اهتمامك وردك