مصرى يخاف ع بلدة

السلام عليكم ورحمة الله وبركاته

العين تدمع ع كل مايحدث فى مصر فى الوقت الحالى

ياجماعة انا ضدد الرئيس قبل الانتفاضة والتوريث وطلعنا مظاهرات وعملنا اللى مقدرش

ابائنا يعملو انا ليا الشرف ان جيلى قدر يصنع الفرق و يجعل للشباب نصيب كبير جدا فى الاستماع الى ارائهم

من خلال انتفاضة 25 يناير فهو من افضل الايام اى حد كنت تسألة قبل كده وتقولة

الرئيس حيعين نائب او يقيل الوزراة او يعين وزير ثقافة جديد يضخك عليك , طلعنا فى مظاهرات وتعرضنا للضرب

والقنابل الميسلة للدموع وطلبنا الريس بااقالة وزارة الفساد وحل مجلسي

الشعب والشورى تعديل الدستور وعدم ترشيح الرئيس لفترة قادمة .

دالواتى اقول ان الانتفاضة نجحت من يومها الاول دا الجانب المشرف للانتفاضة

الجانب المظلم هو التخريب الذى لحق فى البلاد والذى يدمع ويدمى له القلب.

بعد خطاب الرئيس الاخير واعلانة عندم نيته ع الترشح وتعديل الدستور و تطبيق الطعون المقدمة ضدد المجلس الحالى

خلاص الناس اللى اعتصمو فى التحرير يروحو مطالبنا اتحققت ولازم ننقذ البلد دى من الخراب اللى فيه

انا ضدد الناس اللى قاعدة دى وانا مش معاهم اعطو الحكومة الجديدة فرصة تثبت نفسها

ولو حصل اى خلل وتراجع فى الوعود حتلاقى مش 8 مليون نزلو لالالا ممكن تلاقى اكثر من كده

والشارع موجود , لازم الناس دى تروح لان التنحى ليس الحل .

التحرير لازم يكوم لسان حال الشباب ومطالبهم وليس هو المكان الذى يدير دولة باكملها

اعطو الرئيس الفرصة ان ينهى الرئاسية له بشرف دا راجل عمل حاجات كتير للبلد

وبردو لة سلبيات اصبروو دااحنا صبرنا 30 سنة مش حنقدر نصبر لغاية شهر 11

فى النهاية اقول للناس المعتصمة ودى اغلبها جماعة الاخوان المسلمين و المعارضة و بعض الحركات الاخيرى

دى ناس ليها ثأر مع النظام انا نجحنا فى مطالبنا انقذو مصر كفاية خراب ودمار, الاقتصاد وقع والبورصة خسرت المليارات

عايزين نصلح الدمار والخراب الواقفين فى التحرير دول مش عايزين اصلاح لا عايزين تخريب

واحراق البلاد

واسف ع الاطالة بس لازم اقول الكلام دا من منطلق اني مصرى يخاف ع بلدة

يارب ينصرها ويحميها
والشباب تعطي فرصة لتنفذ مطالبهم

ربنا يحمى مصر بس مع الاسف يا محمد الشباب الى طلع المظاهرات دى شبابا متحرض وملعوب فى دماغه حتى لما جه يعبر عن الظلم الى جواه مكنش من نابع منه هو بس نقدر نقول انه اسفر بنتيجه هائله وكنا نتمناه من زمان بس فعلا الى بيحصل دلوقتى فى ميدان التحرير ده عيب اوى خالص الراجل قال انه مش حيرشح نفسه ايه لازمته بقى كفايه كده كده خراب ودمار وربنا يسلمك يا مصر ويحفظ ااولادك الاوفياء ويحرسك يا حبيبتى

ربنا يستر فعلا بتوع ميدان التحرير دولت معادين للوطن ومش خايفين علية

انا اختلف معاكم فى نقط واتفق فى نفط
( نقط الاتفاق )
الناس الى فى ميدان التحرير لازم يمشوا لان الموضوع كبر اوى اوى اوى وبدا يدخل فيه ايادى غريبه وخفيه واجنبيه
(نقط الاختلاف )
1_الشباب دول وانا واحد منهم محدش لاعب فى دمخهم واى حد حيقول كده حسائله سوال واحد ((هل ياترى انت فيه حد لاعب فى دماغك ))
هما زيك بالظبط اذا ماكنتش انت واحد منهم
2_ لازم الرئيس مبارك يتنحى و يقدم للمحاكمه العسكريه والتى تحكم عليه بالاعدام (ان شاء الله )

اللى صادق فى كلامه ينفذ مش يتكلم مش هيرشح نفسه يعنى يقيل نفسه ووزارة ايه اللى اتغير 7 من اهم الوزارات لسه موجودين الوزرة بتاعتهم وعلى راسهم وزراة ابترول والقوى العاملة والاعلام الاعلام اللى بيغسل عقول الناس
ومجلس ايه اللى هو مستنى الطعون المحكمة الدستورية العليا بعد الانتخابات بمدة اصدرت قرارا ببطلان المجلس والمجلس ماتحلش
وبعدين مواد ايه اللى هتتغير المجلس الفاسد اللى هيغيرها ولا هو ؟؟؟
هو ايه اللى هو عمله اصلا ياجماعة انا مشفتش ولا طلب اتنفذ كله على بعضه كل طلب حته منه بس

واكبر دليل على كلامى واللى حسسنى ان كلامى صح راى رئيس وزراء تركيا اردوغان لمّا قال ان ده مش كفاية انا بثق فى الراجل ده جدا وفى طريقة تفكير ربنا يرزقنا واحد زيه
وبعدين حرام عليكم بعد كل الجرحى والشهداء دول عايزيين الناس تتراجع ده احنا نبقى بنضيع عمرهم هدر يا جماعة بالله عليكم ركزوا فى الكلام اللى بتسمعوه وماتصدقوش كله

اقتباس:

---

المشاركة الأصلية كتبت بواسطة هدى على

ربنا يستر فعلا بتوع ميدان التحرير دولت معادين للوطن ومش خايفين علية

---

لا لا يا هدى معلش مش كلمة تطق فى دماغ حد يقولها هم منين دول اللى معادين الوطن الشباب اللى مش لاقى شغل ولا حراميتها اللى بعتوا البلطجية

اقتباس:

---

المشاركة الأصلية كتبت بواسطة sandra_sa

ربنا يحمى مصر بس مع الاسف يا محمد الشباب الى طلع المظاهرات دى شبابا متحرض وملعوب فى دماغه حتى لما جه يعبر عن الظلم الى جواه مكنش من نابع منه هو بس نقدر نقول انه اسفر بنتيجه هائله وكنا نتمناه من زمان بس فعلا الى بيحصل دلوقتى فى ميدان التحرير ده عيب اوى خالص الراجل قال انه مش حيرشح نفسه ايه لازمته بقى كفايه كده كده خراب ودمار وربنا يسلمك يا مصر ويحفظ ااولادك الاوفياء ويحرسك يا حبيبتى

---

مين اللى معلوب فى دماغه يا سمروالله انتو الاعلام اللى لعب فى دماغكم ولعب لعب تقيل كمان هو انتى سمعتى الست بتاعة المحور ولا ايه
فكرى فى كلامها دلوقتى اشمعنى طلعت دلوقتى ووطنيتا نقحت عليها بعد خطاب الرئيس وتعاطف ايه اللى اللى هو اكتسبه بعد الخطاب دى مراوغة عسكرية الناس دى اتعملت مع يهود يا ماما
وبعدين هو السببب فى كل القتلى حسبنا الله ونعم الوكيل بالبطجية بتوعه واكبر دليل انهم تبع السلطة منبن جابوا المتفجرات المسيلة للدموع دى والمولوتوف الحاجات دى بتبقى مع الشرطة بس هتقولى يمكن سرقوها طي والناس اللى مسكوهم واعترفو ا انهم تبع الشرطة
وبعدين الخراب والدمار كله يتصلح بغذن المولى عز وجل كل حرب ولها ضحايا وشهداء والشباب بيحربوا الفساد اكبر حرب فى مصر وربنا ميضيعش دمهم هدر يارب


وحسبنا الله ونعم الوكيل فى كل ظالم

اقتباس:

---

المشاركة الأصلية كتبت بواسطة alaa eid

يارب ينصرها ويحميها
والشباب تعطي فرصة لتنفذ مطالبهم

---

يارب ياالاء والف شكر ع مرورك

مبدئيا انا مع ان الشباب يمشوا مش عشان ان المطالب اتنفذت ... مفيش اى حاجة اتنفذت على فكرة ومفيش اى ضمانات ولغاية اخر وقت فى استهزاء واستحقار بينا وبمطالبنا والدليل .. الحكومة اللى اتقال انها هتقيل ودى كانت مجرد تعديل وزارى مش اكتر اتنين تلاتة مشيوا وحتى الوشوش الجديدة كانوا مساعدين للناس القديمة ...ولكن انا بقول ان الشباب يمشوا لان هما فقدوا الامل معانا وكل محاولتهم بتفشل
وبدءوا مرحلة التقتيل فينا

اقتباس:

---

المشاركة الأصلية كتبت بواسطة هدى على

ربنا يستر فعلا بتوع ميدان التحرير دولت معادين للوطن ومش خايفين علية

---

اعرفك عليا الاول
اسمى سمر عندى 23 سنة دفعت 2009 شعبة مساحة جامعة اسكندرية مليش علاقة بأى حزب من الاحزاب
مصرية وافتخر
وبقول لحضرتك ياريت الرأى دة تعيدى التفكير فى لأن شباب ميدان التحرير اللى بتقولى انهما معادين للوطن هما اللى كانوا واقفين قدام كل شارع وتحت كل بيت وبيحموا لما اتفتحت السجون وسايبوا البلطجية علينا عشان يخوفونا ويسكتونا ويعقدونا فبيوتنا .. وهما نفسهم اللى بيطالبوا بحياة كريمة ونهاية للفساد وهما اللى ماتوا شهداء ومفيش جملة واحدة ولا كلمة حتى اتقالت فحقهم فالخطاب الاخير ومينفعش احنا كمان نيجى فالاخر ونقول معادين
وعيب اوى لما يتقال ان فى قوى اجنبية وهى اللى بدمر وتكسر وبتعمل كل دة ... هاتوا السيناريو كدة من اول مالشرطة كانت بتضرب المتظاهرين وبتموتهم وانقطاع التليفونات والنت عشان المتظاهرين متتجمعش والمظاهرات ماتمش ..و الشرطة اللى اتبخرت كلها فوقت واحد وبعدها حرق السجون كلها برضو فوقت واحد فكل المحافظات "واللى من المنطقى جدااااااااااااا لو الواحد كان مسجون والباب اتفتحلة اول حاجة هيعملها هيجرى ويستخبى مش يبقى هدفة تخويف الناس " والقنوات الاولى والمصرية اللى عايشة فكوكب اخر و بتتعامل مع الشعب على انة معندوش وعي وتكدب و تجيب صور للنيل وكام واحد رايحين يتصوروا تحت مبنى التليفزيون ويقولوا نعم لمبارك ...والناس المؤيدين لمبارك واللى راحوا ميدان التحرير مش عشان يعبروا عن رائيهم ماكان فى اماكن كتير يقدروا يعبروا فيها ولكن كانت الاهداف اخرى ...وبالرغم من موقف القنوات المصرية المغيبة الا انها كانت اول قناة تقول ان فى كرات نارية هتقذف على المتظاهرين ..احداث كتير لو اتقالت هنعرف كويس جدااا مين هما المعادين
ولازم الشباب اللى فى ميدان التحرير تمشى