بسم الله الرحمن الرحيم
اولا السلام عليكم ورحمة الله وبركاته
احب اعرفكم اني طالبه في تمهيدي ماجستير
قسم الجغرافيه بكليه الاداب جامعه عين شمس
وبصراحه انا فكرت الجئلكم تساعدوني لاني دايما
كنت بلاقي من كل اعضاء المنتدى كل ود وتفاهم
ولجئتلكم اكتر من مره وديما كنت بلاقي منكم اهتمام ومعلومات فعلا مفيده
وده الي شجعني اني اطلب منكم تساعدوني
انا بشتغل على مشروع التمهيدي والمشكله
اني مكنتش شعبه جي اي اس انا كنت شعبه عامه
وانا دلوقتي مطالبه اني ارسم المشروع ومفيش قدامي
وقت كتير ومعنديش خبرة في الارك لكن عندي
خبرة بسيطه في المابتيتيود لكن حاسه ان
البرنامج مش هيساعدني واني محتاجه تقنيات اكبر
فبصراحه عايزة كل الي عنده خبره في نظم المعلومات
يقولي ابتدي منين وازاي انا مش عايزة اشتغل على
حاجه واطلع ضيعت وقت على الفاضي وانا فعلا
مفيش قدامي وقت انا متوسمه فيكم الخير تساعدوني
وفعلا هكون شاكره ليكم فعلا
