باجوش هي معسكر خاص بجامعة الاسكندرية قبل مرسي مطروح ب45 كيلومتر
يقدر يروح فيه الطلبة والطالبات والعاملين ف الجامعة والدكاترة واسرهم
افواج باجوش يا جماعة يبدأ الاعلان عنها مع بداية امتحانات اخر العام من خلال رعاية الشباب فى الكليات
كل كلية بيبقى ليها عدد معين من الطلبة والطالبات اساسى واحتياطى يعني مثلا هندسة بتاخد 20 طالب في كل فوج 14 ولد و6 بنات وتقدروا كمان تتابعوا نادى الجامعة للى فاتوا الحجز قبل الفوج باسبوع لان بيكون فى استمارات احتياطى غير اللى فى الكليات
اما الخريجين ففى استمارة ب 150 جنيه للفرد بس لازم تكون طالب نشاط فى كليتك او كنت بمعنى اصح زائد موافقة الدكتور قائد الفوج والمشرف الاجتماعى للفوج
المفروض كل سنة بيبقي فيه 12 فوج ع 3 شهور الصيف بحيث كل فوج أسبوع كامل
وبما انه معسكر يتم هناك معاملتك معاملة رسمية في الاستيقاظ وطابور تحية العلم والتمرين
=====================================
اليوم العادي في باجوش بيبقي كالتالي
7 صباحا : الاسيقاظ
7:30 ص: الطابور الرياضي
8 ص : طابور تحية العلم ويتم تحديد خيم الخدمات لهذا اليوم بحيث يكون 2 خيمة طلبة وزيهم بنات واشراف من الدكاترة ثم الافطار لمدة ساعة ثم تبدأ خدمات اليوم بتجهيز الشد للألعاب الاجتماعية
وتبدأ الانشطة الاجتماعية والرياضية حتي وقت الغداء الساعة 2 ظ
العشاء الساعة 9 م
وتبدأ حفلة السمر بعد العشاء مباشرة وتنتهي الساعة 12 ص
ثم الكل ينام
وطبعا نزول البحر متاح من 8 ص وحتي 8 م
وفيه خليجين واحد للبنات والتاني للرجالة
=====================================
طبعا فيه العاب كتييييييييير
والكل بينام في خيام علي البحر
وفيه هناك مطبخ وحمامات ومسجد ومكان الناس بتتغدي وتعمل فيه كل الانشطة اسمه الشد
