كم نكته عالماشي
في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه من جاركم يبقى هيرجع كام الف، التلميذ: مش هيرجع حاجه يا أستاذ، الأستاذ: ياابني استلف الف وبعديها الف تانيه التلميذ : مش هيرجع حاجه يا استاذ، الاستاذ: اقعد يا ابني انت متعرفش حاجه في الحساب، التلميذ: انت اللي متعهرفش هو ابويا يا استاذ.
- مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته.
واحد أخنف حظه وحش قوي..وقع في حفره وفضل مستني لغاية ما واحد جه وعلى حظه كان أخنف برضه.. الأخنف اللي فوق قال ... استنى شوية .. حاطنّعك دنوأتي
قاله بسنعة .. قال له و كمان بتتنيأ ؟ طب شوف مين حيطنعكّ
- بلدياتنا بيوقف تاكسي فسأله: فاضي يااسطة فقال له الأسطة: ايوة فاضي
فقال له بلدياتنا: طيب ماتيجي تقعد معايا شوية .
- بعد خناقه بين زوج وزوجته ، خرجا في الهواء الطلق فنظرت الزوجه الي السماء تتأمل وقالت ياريتني كنت عصفوره ، فرد الزوج ياريتني بندقيه
- طلبة قاعدين في فصل سألهم المدرس ، مين يقولي ما هو الحيوان الذي يتحمل العطش ؟ قام أحد الطلاب وقال الجمل ، قال الأستاذ شاطر ماذا يشتغل أبوك قاله دكتور ، قاله هم دول اولاد الدكاترة الشطار ، ثم سأل سؤال ثاني ، ماهو الحيوان الذي نأكل لحمه وعنده صوف كثير ، قام أحد الطلاب وقاله خروف، قال ممتاز ماذا يشتغل أبوك قال مهندس قاله هم دول اولاد المهندسين الشطار ، ثم سأل سؤال آخر قال طائر يطير يبدأ اسمه بحرف التاء ، قام طالب وقال تمساح ، قال الأستاذ ماذا قلت ياولد انت غبي ولا ايه ؟ ماذا يشتغل أبوك ماذا يشتغل ، قاله في مباحث امن الدوله ، قاله الأستاذ: بيني وبينك التمساح لو يشد حيله شويه ، يطيييير
اتمنى ان يعجبوكم
