ازاي تعرف تطلع طالب سنه اولي جامعه من الف واحد
بإمكانك أن تعرفه أن تكشفه من وسط 100 طالب من ملابسه حركاته حيرته قلقه
نظرة الدهشة الممزوجة بالفرحة منذ دخوله الجامعة وحتى وصوله للبيت
ومهما حاول التخفى يظل طالب سنة أولى جامعة معروفا و إذا فشلت فى الوصول إليه
نقدم لك 10 طرق تستطيع معها وبها كشف وبنات اولى جامعة بسهولة
اتفضل :-
1- الفرحة :
الأكثر سعادة بدخول الجامعة ، وسر سعادته أن الجامعة استطاعت أن تخلصه أو تخلصها
من الزى المدرسي وطابور الصباح والصحيان بدرى وسندوتشات ماما
التى تؤكد انه مازال عيل من الفصل وشخط المدرس
وحضور الحصص إجباريا وزهقان ثانوية عامة كل ذلك كاف
لأن يصيب الطالب بجرعة فرحة مكثفة تنعكس على تصرفاته لتؤكد أنه لسه زنقونا جامعة
2- على الحبل :
طال سنة أولى حريص على شكله ن الولد دايما لابس اللى على الحبل
وضارب جيل فى شعره وحاطط برفان مكثف بعدها بكام شهر تلاقيه بالعافية غاسل وشه
أما البنت فتحس لإنها داخله ديفيليه حاطة full makup
وفى الغالب بيكون مش مظبوط
وكأنها بتتعامل معاه لأول مرة ، دا غير ألوان الشعر المختلفة إذا كانت من غير حجاب
وسبب الشياكة الزايدة فى الغالب عن حدها هى الصورة التى صورتها السينما وصورها التليفزيون
وحكايات خريجى الجامعة أثناء جلوسهم على القهاوى عن الجامعة وقصص الحب والبنات واللبس
3- الإزبهلال :
وهى نظرة الإعجاب التى تصاحب الطالب منذ دخوله باب الجامعة أثناء تجوله
عينيه أو عنيها على كل ما هو جديد
خاصة لما يشوف اتنين ماسكين ايد بعض
والذى يدفع الطالب للبحلقة مع فتح قليل من الفم
4- رحلة الإستكشاف :
وهى رحلة يومية يحاول الطالب من خلالها التعرف على جامعته حته حته وركن ركن
لذلك لا تتعجب إذا جلست على سلم كلية الإعلام ووجدت طالبا عدى عليك 10 مرات
لأنه بيستكمل الرحلة وهو يبحث عن شارع الحب والكليات المختلفة والكافيتريا
5- لو سمحت :
كلمة تسبق أسئلة كثيرة يحملها معه وهو يسأل عن المدرج الفلانى والقسم العلانى وميعاد المحاضرة
و اسلوب الدكتور و ايه اللى بيضايقه ويعمل ايه
ورغم تلقيه الإجابات السليمة فإنه لايتردد كثيراً وهو يطرح السؤال مسبوقا أيضا
بـ لو سمحت
لزوم التأكيد والتأكد خاصة ان هناك صورة أخرى عن الزملاء
تؤكد إحتمال عدم صدقهم فى المعلومات التى يقدمونها لأن معظمهم صيع
6- جدول المحاضرات :
نادراً ما تجد طالبا آخر واقفا أمام لوحات جداول المحاضرات غير طالب سنة اولى
خاصة فى الشهر الأول
مرة يروح ينقل الجدول ومرة تانية يروح برده وحده عشان يتاكد ومرات متتالية ياخد واحد زميله فى الغالب اتعرف عليه امام اللوحة لمناقشة مواعيد المحاضرات والكلام
عن المواد السهلة والدكتور الصعب
ولا مانع بعد هذا من اخذ نظرة على جداول الأقسام الأخرى و الكليات الأخرى
والمقارنة احيانا بينها وبين جدوله
7- الإلتزام :
يتميز ولاد وبنات سنة اولى جامعة ما شاء الله عليهم بجرعة وعى متعرفش ايه سببها زائدة عن اهمية حضور المحاضرات ، لذلك لا تتعجب من جلوس الطلاب ووقوفهم
فى كل مكان بالمدرج اثناء أى محاضرة خاصة الترم الأول وهى النتيجة الطبيعية للزحمة
هذا بخلاف الحرص الكامل لتسجيل كل ما يقوله الدكتور أو نقله من احد الزملاء
وبالمرة يتعرف نتيجة المعاناة الولية فى الكتابة بسرعة
وقلة الوعى فى كتابة الحاجات المهمة و إهمال غير المهم
8- الأجندة :
على عكس طلاب الفرق الثانية والثالثة والرابعة تجد طال الفرقة الأولى حريصاً على شيل الأجندة و احيانا أكثر من واحدة ومن أول يوم دراسة لاتفارق يده
والتى فى الغالب اشتراها مع لبس الجامعة
9- اليوم بطوله :
يصعب عليك وهو جاى من 8 الصبح ولا يفارق الجامعة حتى 8 مساء ، ويعد الأكثر صرفا للفلوس خاصة فى الشهر الأول مقارنة بزملائه ما يكفهوش 40 جنيه يوميا نتيجة حب استطلاعه الدائم للجلوس على الكافيتيريا مرة من مبدأ التقليد أو شراء علبتين تلاتة كانز لزوم المنظرة أثناء رحلة الإستكشاف
دا غير أكياس الشيبسي والتى يلجأ إليهاكحل أسرع للجوع الذى يطارده كل شوية
ما يعرفش انها ستخرب بيته
والعزومات التى يقع فيها كالمدب فى بداية علاقاته بالآخرين
10- المواصلات :
إذا وجدت بجوارك فى الأتوبيس او الميكروباص اتنين طلبه بيتكلموا عن الدكاترة والجامعة والمحاضرات بصوت عالى اعرف انهم فى سنة اولى ، فطال سنة أولى دايما عايز يقول للدنيا كلها انه دخل الجامعة وانه كبير ولا تخلو كلماته
من المبالغة ولا ينقصها غالبا الكذب
هذا بإختصار طالب سنة اولى جامعة من تنطبق عليه الصفات العشرة السابقة
امسكه فوراً ولا تتردد و انت تقول له :
اطلع من دوول عارفك
