طاعون مسمى اخصائى مساحة

مسمى اخصائى مساحة وخرائط

هذا المسمى تم تداولة منذ فترة بالضبط منذ سنتان تم تداولة من اجل التفريق بين خريجى اداب مساحة وخرائط وخريج معهد مساحة . تم تدارولة لخلق اى فرق فى المسمى بين بعضهم البعض وااذى سعى لنشر هذا المسمى لم يكن يعرف انة كارثة بكل المقايس العلمية واللغوية والمهنية .
ببساطة مفيش حاجة اسمها أخصائى مساحة هذا مجرد مسمى بديل لمسمى فنى مساحة وعندما يتخرج اى شخص الان من اداب مساحة يسعى الى الجمعيات المساحية وايضا الرابطة لكى يضع فى البطاقة الشخصية مسمى أخصائى مساحة وبعد ما يضع هذا المسمى بعد ماعناة يقول اخيرا اخدنا حقنا .. ههههههههههه
وهو للاسف ميعرفش انة كدا بهذا المسمى المذعوم الى هوا فرحان بية دة بياخر ميعاد أخذنا حقنا بل لو جة اليوم وخدنا حقنا بانشاء نقابة لنا ترعى حقوقنا وتحافظ على مهنتنا .. سوف بتوع اداب مساحة يبقوا خدوا على لقب أخصائى مساحة وفرحنين بية ومفكرين ان دة حقهم ودة ليس حقنا .. ** أحنا حقـــنا لقب مهنــــــــــــــــــــدس **
نيجى بقا لصاحبنا الى فرحان انة كتب فى البطاقة الشخصية اخصائى مساحة وخرائط يجى يقدم فى اى شركة يروح يقدم يقولولو احنا حنشغلك فنى مساحة يقوم كالراجل لالالالالالالالالالالالالا
أنا اخصائى مساحة ليس فنى مساحة يقولولو انتا جيت فى جمل يشيلوا المسمى فنى ويحطولو لقب أخصائى مساحة ويشتغل زية زى فنى مساحة بالضبط الفرق المسمى فقط فقط فقط فقط
أنا بقول ان المفروض يبقى لقب خريج اداب مساحة مهندس مساحة وخرائط
** يجى بعض الناس الى انا بقول عليهم "جهلاء" وانا اسف جدا لهذا المسمى ولكن هما ليسوا الا ذلك يقولوا بنفس الكلام كدة
" اية يا بشمهندس احنا مهندسين ازاى يا عم احنا خريجين اداب وكمان لما احنا مهندسين بتوع هندسة دول يبقوا اية وكمان انتا نسيت بتوع هندسة شبرا دا فيها قسم مساحة كامل وعارف كمان بتوع هندسة مدنى عندهم شعبة مساحة واحنا كمان فى كلية الاداب شعبة المساحة بندرس المساحة فى 3و 4 بس يعنى سنتان زينا زى بتوع معهد مساحة
انا حرد علية واقولة ....
" اقولة اول حاجة حقولها يوجد فى مصر بقول فى مصر الى هيا بلادنا كلنا * فى كلية فنون جميلة قسم عمارة وقسم ديكور ودول اسمهم رسميا مهندسين وكمان بينضموا لنقابة المهندسين يعنى نقابة المهندسين ينضم ليها ناس ليسوا خريجى هندسة وأسمهم مهندسين وكمان فى كلية الهندسة يوجد قسم عمارة يقى نقابة المهندسن تقبل خريجى كلية فنون جميلة قسم عمارة وكلية هندسة قسم عمارة يعنى تخصص واحد لية بقا متقبلش خريج اداب مساحة وتقبل خريج هندسة مساحة شبرا ..
لية ما نتساواش بيتوع فنون جميلة هما اكثر ممنا فى حاجة هما تعليم عالى واحنا كمان تعليمنا عالى ... الى يعرف السبب يرد عليا بس بعد ما يقراءة الموضوع كاملا ؟؟؟؟؟؟؟؟؟؟؟؟؟؟؟
بالنسبة للدراسة فى كلية الاداب الدراسة فى كلية الاداب تؤهل لتخرج مهندس مساحة متكامل وللاسف مش قادر اتصور ان فية ناس للاسف خريجين اداب مساحة يقولوون اية احنا بندرس مساحة فى سنتين بس الى هما 3 و4 أما 1 و 2 بندرس فيها جغرافية ... هههههههههههههههههههههه
" اقولة حرام حرام عليك لما الكلام دة يطلع من واحد دارس فى اداب مساحة وخرائط يبقى الناس التانية تقول اية ... بجد .. بجد ..بجد حلال الى بيحصل فينا .. لان احنا الى عملنا فى نفسنا كدة من الاول ...
حضرتك لو تفتكر معايا انك درست فى 1 و 2 اية .. انا اقولك كنت بتدرس الخرائط الى هيا اساس الاساس فى علم المساحة وايضا كنت بتدرس علوم الجغرافية ذى جغرافيا طبيعية او جيموفولوجى وكمان درست مساحة مستوية
وكمان درست حاسب الى درست فية برامج زى excel وكمان Surfer وجزء من Autocad وطبعا درست بيئة عمل جميل البرامج المساحية والهندسية والبرامج على وجهة العموم Windows .
وطبعا انا معاك انك درست بعض المواد التى ليس لها علاقة بعمل المساحة والخرائط مثل حقوق الانسان و انجليزى وجغرافية سكان ........ عادى مش مهم دول نقول عليهم زيادة
لاكن انتة بكل هذة المواد التى درستها تكون مؤهل تاهيل كامل لكى تعمل كمهندس مساحة وخرائط وليس اخصائى او فنى لاكن يوجد تاهيل ثانى وللاسف هذاا التاهيل ليس يدرس وانما يعامل وتتعود علية وهو التاهيل النفسى وللاسف لم تاهيل تاهيل نفسى ان تصبح مهندس بسبب المجتمع الفاسد الذى حولنا .
حرام لما تقلل من نفسك . حرام .حرام .حرام
متسمعش كلام الحاقدين عليك الى بيقولوا ازاى خريج اداب مساحة مهندس ازاى دا كلية الاداب دى كلية الكعب العالى
ههههههههههههههههههههههههههههه
ارجوك . ارجوك . ارجوك بلاش تسمع كلام هؤلاء الحاقدين

أحنا كل مطالبنا كلاتى :-

تاسيس نقابة لنا تحت مسمى " نقابة المهن المساحية " او " النقابة العامة للمساحة والخرائط ونظم المعلومات "
وتشمل عضويتها كلا من : -
خريج اداب مساحة تحت مسمى مهندس مساحة وخرائط
خريج اداب نظم المعلومات الجغرافية تحت مسمى مهندس نظم معلومات جغرافية
خريج معهد مساحة تحت مسمى فنى مساحة

اذا تحقق هذا الكلام اقدر اقول كدة نبقى حققنا مطالبنا واخدنا حقناااااااا
*********************************************
وانا واللهى ما بقلل من خريجى معهد المساحة ولكن هوا دة المسمى الفعلى ليهم
حتى المعهد اسموا المعهد الفنى للمساحة وهما بيدرسوا سنتان
وفى النهاية أرجوا الرد على هذا الموضوع
وارجوا من يرد عليا ان يشرح وجهة نظرة كاملة لكى نستفاد كلنا
واسف للاطالة ولكن كان لابد من تخريج ما بداخلى
وبالمناسبة تسميتى للعنوان بطاعون مسمى أخصائى مساحة
انة لو اذداد هذا المسمى فى الانتشار نبقى ضيعنا حقنا ومش حتقملنا قومة تانى
شكرا لكم

** أخيكم مهندس مساحة وخرائط . أحمد جمال غازى
كلية الاداب قسم الجغرافيا ونظم المعلومات الجغرافية
شعبة المساحة والخرائط

عجبى الموضوع بتاعك جدا ع فكره انا شغال هنا ف السعوديه وهنا نقابه المهندسين اسمها هيئه المهندسين السعوديين بتضم كل ما يعمل ف مجال الهندسه سواء مهندس او فتى وبكده ضمت كل فريق العمل زى بالضبط نقابه المهن الطبيه ف مصر ضمت الاطباء والفنييين
ولا انت سمعت ف مصر عن نقابه الممرضين

كلامك صح 100 %