نصيحة ياصحبي

نصيحة يا صحبي
خليها دايما قدامك
خليك حر....
واتكلم قول ما بدالك
قول أفكارك احكي مشاكلك
قول أحزانك ....
أوعي الخوف يتمكن منك
واعرف انك.....إنسان
لك وضعك وكيانك
ولو يوم تتألم اصرخ اتكلم
عرفنا همومك وآلامك
ولو الظلم حيكتم صوتك
قاومه ...حاربه بكل سلاح قدامك
اياك تسكت....
ولو تسكت بسكاتك حتزيد احزانك
بسكاتك حتضيع أحلامك
خلي لسانك ينطق كلمة حق
قول للظلم مليون لأ
وافتح للحرية ببانك
خلي سلاحك دايما هو ايمانك
واتشجع ... خطي الصعب ودوس
صدقني حتهزم أي نفوس ... تتمني زوالك
وسعتها .....كل الدنيا حتسمع صوتك
وكلامك
وحتبني بايديك ... أول طوبة في بيت
احلامك
وحتنحت ع الصخر مكانك
وحتثبت للعالم كله
انك انسان
لك وضعك وكيانك

كلمات جميله وموضوع قوى نتمنى المزيد من ابداعاتك الهادفه

عبقرى ومش لاقى كلام اقوله .

اختنا وايلد جزاك الله خيرا وبارك الله فيكي اسعدتيني بمرورك

الله يكرمك اخي الحبيب ماهرو جزاك الله خيرا وهدانا الله واياكم الي جزيل الحسنات والثواب

الله عليك بجد دي دعوه للتخلص من الصمت القاتل اللي مخيم علي الدنيا اليومين دول

شكرا علي الموضوع الجميل ده

لا شكر علي واجب اخي الحبيب أسامة الكلام كتير ولكن من ينفذ اتمني من الله تعالي ان نتخلص جميعا من جدار الخوف الذي يحيط بنا وبأهالينا ونرفض الذل والظلم