ياأغلى حبيب
هو انتا ليه بتغيب !
وتسيبني ليه بتألم..؟
جرح الفراق ده رهيب
انتا جرالك إيه..
قلبك قِسي كده ليه..
وبقيت بتعشق هَجْري
وبتعشق التعذيب
فاكر حنانك ليا؟!
وللا خوفك عليا...
ليه فجأة جايِّ تْسيب ؟
..
هتقوللي كله نصيب ؛
..
راح اقول ده طبع غريب
فين الحب الشديد
وللا أجمل معاني
ويا الحلم السعيد
ليه قلبك راح بعيد
ومعيشني وحيد
إيه غَيَّرْ فيك مشاعرك
خلاك قاسي وعنيد؟
ضاع الحب الكبير..
وانتا اللى اخترت تبعد
وتمَوِت حلمنا
ياخسارة حبنا.....
ياخسارة دنيا حلوة..
ضَيعْتها مننا
وخسارة قلب حَبَك
هو قلبي انا
