بعد اللي كان بينا
بعد اللي كان بينا . خليك معايا . ماتسبنيش
لا تبعد عني . واتقرب مني . ولا تهجرنيش
دا أنت اللي عندي . نور عينيا . ومن غيرك أنت . مابساويش
أنا خايفة منك . تخلف بوعدك . وتروح بعيد . ولاتجنيش
ارجعلي تاني . وخد حناني . وأفتح لي قلبك . ولا تخبيش
ومن غيرك أنت . اقربلي منك . اشكيله همي . ولا يجرحنيش
دا أنت إللي عندي . بكنوز الدنيا . وحبي عندك . ماتبعنيش
ياما راحو قبلك . وجولي بعدك . وأنا اللي غيرك . ما يعجبنيش
خليك معايا . ويا هوايا . وأيامنا الحلوة . ماتنتهيش
ظلموك حبايبك . لما قالولك . كلام كتير . مايتحكيش
صعبان عليا . تسمع كلامهم . ومن كلامي . ماتسمعنيش
لو بعت ودك . ونسيت حبك . أوفي بوعدك . ولاتنسنيش
واللا أنت ناسي . ياما كنت بقاسي . من جحد قلبك . ماتظلمنيش
وكلام الناس . لو سألوني . هقول بحبه . مايهمنيش
