عرض للطباعة
انا المجاهد محتار اعمل اية
عايز حد خبرة يرد عليا
انا شفت وحدة فى الكلية عجبانى اوى لادبها نادرا لما بشوفها مع ولد دائما مع اصدقائها البنات بس بشوفها تتكلم مع ولد من بعيد وانا مش عارف اكلمها لانها مع اصحابها علطول وانا خائف اكلمها تصدنى لانها لا تكلم شباب
اعمل اية عايز اجابة بسرعة:(
حاول تخلى اى بنت من اصدقائك انت
تروح وتتعرف عليها وتحاول تعرفها انك معجب بيها
ونيتك جد انك تروح وترتبط بيها وشوف رد فعلها علشان
ممكن هيه تكون معجبه بشخص تانى
ولو فى نصيب ان شاء الله هتكون ليك
أنا رأى من رأى هيما أنك تخلى حد من أصدقئها يقولها
وأن شاء الله اللى فيه الخير يقدة ربنا
ياترى يا مجاهد عملت ايه؟؟
وياترى عايز تتعرف عليها لييييييييه؟؟
لو ناوى خير ..ادخل الباب من بيته
ولو تضييع وقت يبقى بلاش دى
اوعى تزعل
احنا كلنا اخوات هنا
طب ممكن أخوك الخبرة يتدخل؟
بص يا مجاهد وأسأل الله العظيم رب العرش العظيم ان تنال نصيبا من اسمك
بص يا جميل
من الآخر
الجواز مسئولية وكبيرة قوي
وبيت مفتوح وطلبات كتير وفلوس اكتر ومش بتكفي
انا مش باكسر مقاديفكوا والله باقول لكوا اللي شايفه وفيه
والحمد لله ربنا كارمني وعايني جدا
بص
انت الأول في سنة كام؟
قدامك قد ايه على ما تخلص؟
طب بعد ما تخلص هتتجوز بعد قد ايه؟
هتدخل الجيش وألا لأ؟
طب افترضنا انك في آخر سنة
وما ليكش جيش
وانت يعني بن ناس مبسوطين قوي معاهم فلوس يعني
طب انت والله لو كده تبقى عريس لقطة
ومالآخر
ما ترتبطش من اساسة الا لما تقدر تفتح بيت
والافلام الرومانسية دي هيه اللي هترجعك ورا
وكمان موضوع الصداقة والتعارف ده برضه مرفوض
العلاقة في حدود الزمالة وشكرا
والله بقى امكانياتك جاهزة
وعندك شقة
واهلك موافقين عالمبدأ
وشغلك موجود
صلي استخارة
واتقدم
لأنك
لأنك
جايز تترفض
وارجوك ما تزعلش من واقعيتي
صباح الفل
وتقدر تفتح بيت
صلي استخارة
واسأل عنها
واتقدم
لأنك
ايه ده؟
الموضوع باظ
يا خبر ابيض على ام الابتوب ده؟
التاتش بتاعه بالهوا
بوظ اللي كتبته خالص
وبعدين بقى
يلا
كأني ما كتبتش
سلامو عليكو يا شباب
يمكن ... يمكن .. اكون أكبركم سنا ... ما علينا ... رأى اخويا محمد الفرارجى مظبوط .. وميرامار مظبوط
بس أنا حاسس بيك ... انك عاوز ترتبط بيها عاطفيا .. تمام كده ؟ ... عظيم ..
والحل أهو .. سواء كنت طالب أو بتشتغل ... سواء كانت ظروفك المادية متيسرة أو ماشى الحال
الحل إن الحب زى الجواز ... مسئولية
ناوى تحب وتقدر تتجوز .. ماشى اتكلم ما تخافش
ناوى تحب ومش ضامن الظروف أو الظروف مش واضحة أيا كان السبب ... بلاش أحسن ..
سمعتها وسمعتك وتتحسب عليك تجربة .. الخ
ارجو تقبل رأيى ومرورى فى الموضوع وربنا يهدى ويوفق الجميع
الكبير كبير
تحياتي الى اكبرنا
مساء الفل يا هندسة
يا باشمهندس
رد السلام
ألا السلام دا غالي