الدويتو الثالث ** يا صاحبى **
الأحمر ساس
الأزرق ماهرو
ياصاحبى بس فيه ايه كده مالك ؟
عمال تجافى فى احبابك
واخد فى وشك من الدنيا اهدى كده وطول بالك
ماطول عمرنا كده عايشنها ساعه حبانا وساعه كرهينها
خليك هنا وسط احبابك بلدك دى مفيش احسن منها
فيها انا اشيل عنك احمالك تشوف بعينى واسمع بودانك
ما طول عمرنا مع بعضينا عايشنها ولا انتا خلاص بعت اصحابك ؟
ياصاحبى والله حلو كلامك انت كده طول عمرك وانت منى واخد بالك
والله انا على عينى فراقكم بس فى كتير حاجات مش باينالك
البنت الى انا حبتها وقلبى انا عاش يسهر لراحتها
صحيت ياصاحبى فى يوم مالنوم فى حياتى انا مالاقتها
فى جواب بتقول فى عريس جالها غنى وشايفه انه هنيالها
وحلفت ساعتها لازم اسافر ولخاطر مين هنا اقعد اعافر احكم انته سايبهالك
اقولك ايه انا مش عارف خايف اقولك عندك حق ومش عارف ؟!!!
لكن صدقنى مش هيا نصيبك دى بتبقى لغيرك من وهيا فى ايدك
الحمد لله ومين عارف ارضى وأمن بقسمتك ويا نصيبك
دمعتك دى يالا امسحها احزانك ورقه ارميها ورا ضهرك قطعها
فى الدنيا دى ياما لسه تشوف وشكوتك لله وحده وبس يالا ارفعها
مش عاوز اشوف تانى الخوف ده فى عينك دى بضحكتك تحلى سنينك...
يارب تكون عجبتكم
